Talk:苦瓜

粵語用苦瓜多定涼瓜多？

粵語用苦瓜多定涼瓜多？以前睇過篇文，話廣東人嫌「苦」字唔好聽，改叫「涼瓜」，諧音「良瓜」，唔知真定假。但香港食物規格資料庫網站都用「涼瓜」，感覺上香港食肆亦都比較多用「涼瓜」。而且中維本身已經用緊「苦瓜」做標題，所以如果「涼瓜」同「苦瓜」使用率差唔多，我覺得粵維用「涼瓜」做標題會好啲，網民用「涼瓜」搜尋會容易搵到粵維。--Kowlooner (傾偈) 2014年1月12號 (日) 14:43 (UTC)

哦，你噉講我先醒起確有「涼瓜」嘅避忌。話時話，我自己身在廣州，自細聽得多都係苦瓜，比如「苦瓜乾口面」、「苦瓜炆鴨、苦過弟弟」之類。既然係噉改返去都得嘅。S7w4j9 (傾偈) 2014年1月12號 (日) 15:26 (UTC)

「苦瓜」傳統尐，兩樣差唔多，「涼瓜」有轉跳，唔會搵唔到。--WikiCantona (傾偈) 2014年1月12號 (日) 23:51 (UTC)

講起搜尋器搵粵維，我覺得名唔係最緊要咖，關鍵在於提升文章質量。比如我自己經手嘅呢幾篇蕃坊、東萊區、湖廣填四川、回族、五胡亂華等等，去Google搵下，第一個頁面就出現（雖然排喺中維文章之後、第二位），其中有啲文章改寫自中維添。若然篇篇文先得嗰幾句、寫多半句都嫌多噉樣，人哋搜尋器有乜理由要將你擺上來？S7w4j9 (傾偈) 2014年1月13號 (一) 07:25 (UTC)