User:Helpcanbepowerful

出自維基百科,自由嘅百科全書

中文[編輯]

HCBPS
我寫粵文、講粵語、打粵拼


HCBPW
我係正體粵文擁躉
Jyùt我係拉丁粵文擁躉

幸會,多謝嚟到『Helpcanbepowerful』頁面,更多謝閣下為維基作出嘅貢獻。


本號『Helpcanbepowerful』將為中文粵語詞條添加正確嘅讀音而努力,助廣大前來之人士了解每個項目(詞條)正確嘅讀發,以正中文之讀音。

!以下幾項可以幫到完成對粵文維基成千上萬條詞目嘅注音工作:

  • 若您發現注音及發音出現錯誤,請通知本號並立即對其作出更正。


再次感激眾位熱心人士!

語言權利及責任[編輯]

自從北京政府開始實施推廣北京話政策,政策將北京話作為國家官方語言,並將其命名為「普通話」,其它語言則被標籤作「方言」,企圖以字面觀感凌駕於其它語言之上;開始,各地語言應用範圍日益收窄,政府以各種藉口取消禁止各領域嘅「地方語言」之使用。


以粵語為例,喺中國啱啱開始有電視嘅時候,除北京話之外嘅中國語言被禁止喺電視廣播出現。但係後來,珠三角等地嘅民眾開始用魚骨天線收睇香港嘅電視節目。政府為咗可以更容易控制群眾思想,先至開始開設中國地區嘅粵語電視臺,以支持粵語嘅姿態打壓粵語,離間兩地粵人。直至今時今日,政府已經令到中國大多數嘅人錯誤噉認為「普通話」係母語,「普通話」係國家語言,「普通話」高其它「方言」一等,並認為粵語只不過係「不文明」「市井」嘅「方言」「鳥語」。造成多數人唔了解甚至誤解自己嘅母語,開始背棄自己嘅語言。更有甚者以「『普通話』是國家通用語言」「不說『普通話』是不文明」「不會說『普通話』就是沒文化」等說話,為自己冇對母語負責任嘅行為進行自私嘅辯護。


任何人或團體都有權喺唔同場合講佢哋自己嘅語言,無論如何,任何人都唔得以任何藉口禁止他人使用自己嘅母語。換句說話嚟講,冇人有義務為所謂嘅「普通話」買帳。(我尊重各地語言,以上言論,並唔係針對北京話使用者)


作為粵語使用者,就理應為母語背負傳承及弘揚嘅責任。或者受到北京政府多年嘅教育,閣下已經有咗一定嘅諗法,可能會唔認同我以上講嘅說話。不過,觀點不分對錯,只要你終於喺某日醒覺,都尚未算遲,皆因你依然生存,仲有機會彌補多年嚟無盡嘅責任。不妨一步一步嚟,嘗試將目光放遠啲,從開始瞭解粵語,再嚟糾正懶音誤讀,進而學習粵拼教育子孫後代,盡匹夫之責


--Helpcanbepowerful (傾偈) 2013年8月1號 (四) 06:30 (UTC)