Wikipedia:城市論壇 (政策)/歸檔/2015年12月

呢版係以往討論嘅歸檔，請唔好改呢版。如果你想發起新嘅討論或者重開家下嘅討論，請係家下討論頁做，唔該。

呢次嘅歸檔係由Shinjiman ⇔ ♨響2016年1月12號 (二) 02:20 (UTC)做嘅。

再次強烈要求全面中止IP編輯權！

唔通今日嘅IP編輯戰重唔足以要粵維全面封殺IP咩？！【粵語文學大使殘陽孤侠】支持全面中止IP用戶編輯權 2015年7月3號 (五) 18:16 (UTC)

呢個問題我表示中立偏向些小反對，至於IP編輯戰，以前喺中文同英文維基試過幾次。不過佢哋啲管理員係直接封殺嗰個做編輯戰嘅IP，而唔係一味全面中止IP編輯嘅斬腳趾避沙蟲做法。--CRCHF (傾偈) 2015年7月6號 (一) 00:15 (UTC)

麻煩啲管理員跟進下辭典嘅事項

既然前幾日重有人翻譯界面，點解喺成立粵語維基辭典嘅重淨邊啲要求重話有成2300幾條未翻譯？希望管理員跟進下。因為類:建議搬去維基辭典嘅文章嘅文就快搬嗮去辭典喇。--CRCHF (傾偈) 2015年7月22號 (三) 02:49 (UTC)

應該要考慮下禁止IP用戶改嘢

近排IP用戶破壞情況越來越嚴重。隨便抽樣最近50筆IP編輯（10月11號20:59-10月13號23:03），已經無計被即刻刪嗰啲編輯同埋呢類可有可無嘅編輯，一共有28筆都屬破壞，佔超過一半以上。另外睇埋刪除日誌，基本上近排一開出嚟就畀管理員即刻刪嗰啲文，全部都係IP用戶開嘅。我知呢度一路都有聲音對IP破壞好唔滿意，係時候討論下需唔需要禁止IP用戶改嘢，或者至少禁止IP用戶開新版。雖然呢度號稱「人人都寫得嘅自由百科」，但既然統計數據顯示IP用戶搞破壞嘅機會重高過正常編輯，就需要取捨一下。--Jason6698 (傾偈) 2015年10月13號 (二) 15:13 (UTC)

我已經無數次提出過：即刻封殺澌又好，逐步淘汰又好，粵維都應該最終全面封殺IP編輯。我等重唔係大維基，IP破壞佔嘅比例大過啲大維基好多，因此我等嘅IP政策唔應該盲從啲大維基恁，一味對啲IP無限寬容。【粵語文學大使殘陽孤侠】支持全面中止IP用戶編輯權 2015年10月13號 (二) 16:29 (UTC)

如果確實有足夠共識，可以去Phabricator以Wikimedia-Site-Requests形式提出。--William915（傾偈） 2015年10月14號 (三) 04:32 (UTC)

IP破壞比例高係事實，我本身唔反對去限制，但只怕就算我哋有足夠共識去馬，基金會都未必同意我哋呢個決定，會話有違「人人可改」原意，其他語言版本亦未見有成功先例。--Kowlooner (傾偈) 2015年10月18號 (日) 12:19 (UTC)

禁止IP開文有先例。可以再等幾日睇下有無其它意見。--William915（傾偈） 2015年10月18號 (日) 12:33 (UTC)

IP開文同編輯封唔封殺方面，我表示中立。但係我喺粵維成日見到有啲IP黨搞埋冇建設性嘅編輯，我都幾憎下。例如我前排寫嘅珠江城大廈篇嘢試過俾某遼狗IP黨改過「XX帥哥」啲嘢，我係絕對反感嘅，搞到我出動半保護先至得。--WKDx417 (傾偈) 2015年10月18號 (日) 13:03 (UTC)

雖然我唔係毛澤東嘅fan士，但係我都會建議對基金會祭出「沒有調查就沒有發言權」爾招。恁會令到「違反『人人可改』原意」爾個論點嘅說服力弱好多。【粵語文學大使殘陽孤侠】支持全面中止IP用戶編輯權 2015年10月18號 (日) 17:11 (UTC)

我呢就想提議，我哋畀IP用家開版同改嘢，但係可以定個原則：就係「一次不忠，百次不用」，IP友祗要係搞搞震就封足一世，唔理佢係咪第一次。嗱，爾個亦唔違反「人人改得」爾個口號；而對於無意義嘅改動（爾個亦針對部分註冊咗嘅用家），一次警告，兩次封人。首先，要封嗮純破壞用家類入邊班躝癱，硬之就係見一鑊砌佢一鑊。再唔係就整多兩個Sysop ，多返啲人手及時封人同反轉。 广州阿沾 (傾偈) 2015年10月19號 (一) 04:51 (UTC)

IP地址無論如何唔會封一世，爾個係政策限制。--William915（傾偈） 2015年10月19號 (一) 09:11 (UTC)

唔封一世，封半年都得啩，唔長期封住，隔幾日又嚟過，就好似爾兜友仔。 --广州阿沾 (傾偈) 2015年10月20號 (二) 01:07 (UTC)

如果淨係需要反轉權限而又冇管理員權嘅話係可以去WP:PERM申請嘅。 Shinjiman ⇔ ♨ 2015年10月20號 (二) 05:50 (UTC)

今日我發現有IP黨（喺佛山一帶嚟）竟然喺度賣廣告（維吾爾文維基百科呢篇嘢，啱啱出嚟無耐嘅）！！睇嚟广州阿沾嘅提議都有70%可以。但係佢講嘅「IP友祗要係搞搞震就封足一世」，呢個我有得講。根據其它大嘅維基，話咗封禁IP地址需要謹慎。因為封禁一個地址會影響到大量户口，但破壞狂可以換IP地址嚟繼續破壞。所以封禁之前必須要檢查有幾多個戶口用緊嗰個地址段，之後再諗下封鎖期限嚟盡量降低對其他戶口影響。IP地址諗注眞係封一世，就應該建議將受到影響嘅戶口申請成為IP封禁例外。--WKDx417 (傾偈) 2015年10月19號 (一) 07:42 (UTC)

广州阿沾提到嘅純破壞用家類，我已經諗返Gmaildamn（而家係Vansockslayer）呢位仁兄，睇下佢嘅所為，已經夾埋至少超過3次明顯違反維基百科政策方針，按道理嚟講可以達到純破壞用家嘅標準，你話噉嘅行為嬲唔嬲？我去咗元維基舉報過佢一次，但冇人理。噉嘅行為喺大嘅維基，佛都有火喇。--WKDx417 (傾偈) 2015年10月19號 (一) 07:53 (UTC)

至於「一次警告，兩次封人。」，我喺出面做管理員時用事不過三政策，只要有號出現三次無意義嘅改動就封人。--WKDx417 (傾偈) 2015年10月19號 (一) 09:03 (UTC)

可以實行一至三個月先，到時再睇下有無問題。--User:plkdsa231傾偈) 2015年10月19號 (一) 18:32 (UTC)

一次係初犯，警告過重嚟就喐得佢啦，落手唔狠啲唔得。 广州阿沾 (傾偈) 2015年10月20號 (二) 01:07 (UTC)

見郭奕芯多次被IP狂迷大肆破壞，就顯示出呢度對IP用戶太過仁慈。--XRTIER (傾偈) 2015年10月20號 (二) 04:43 (UTC)

似乎大家多數都傾向出現破壞之後先至封特定IP，而唔係一刀切禁止IP用戶改嘢。但如果一段時間之後情況依然無改善，一刀切始終係最簡單方便嘅做法。--Jason6698 (傾偈) 2015年10月21號 (三) 14:36 (UTC)

簡化Wikipedia:版權問題同Wikipedia:刪文討論

喺粵維見到Wikipedia:版權問題/2015年10月15日個「日」字，認真礙眼，發現原來初頭直接搬英維嗰套每日獨立一版。不過睇歷嚟Wikipedia:版權問題用量，每日獨立一版似乎完全唔設實際，應該改做按月或者按年分版就夠。

順便藉住呢個機會講埋，一年前Wikipedia:刪文討論畀一位國維人喺未經討論下照搬國維嗰套系統過嚟，本嚟我一路對國維化幾抗拒，不過既然當時見無人出聲，我就睇定啲先。但過去一年Wikipedia:刪文討論用量依然好低，根本唔應該照抄國維每日獨立一版，同樣按月或者按年分版就夠。

睇下大家對簡化呢兩版有無意見。--Kowlooner (傾偈) 2015年10月18號 (日) 12:29 (UTC)

睇刪文紀錄，呢度大部份刪文都符合即刻刪文嘅標準，真係要大家討論刪唔刪嘅個案真係比較少，所以配合實際情況做簡化都值得去做。--Jason6698 (傾偈) 2015年10月21號 (三) 14:44 (UTC)

基本上大家都唔反對，我得閒就會搞搞佢。--Kowlooner (傾偈) 2015年11月8號 (日) 14:05 (UTC)

𡃁模嘅知名度問題

我都好想粵維快啲突破三萬大關，我亦都知道粵維嘅知名度指引係鬆到好罕有嘅。但係靠啲出徂香港就無乜人知嘅𡃁模來剢數我就真係覺得好有問題囉。【粵語文學大使殘陽孤侠】支持全面中止IP用戶編輯權 2015年10月21號 (三) 06:20 (UTC)

「香港就無乜人知嘅𡃁模」即係指邊位？不妨開名等大家討論下值唔值得留。講「剢數」，呢度其實大把文都係，只係大家一路都隻眼開隻眼閉。--Jason6698 (傾偈) 2015年10月21號 (三) 14:47 (UTC)

哥記，畀啲耐心逐隻字睇，Cedric講嘅係「出徂香港就無乜人知嘅𡃁模」，咪一時激動就斷章取義。我呢就建議無咩知名度嘅就直接提刪講明理由，等管理員判斷；講到「剢數」，講真，剢唔剢數同文章數幾多一啲都唔緊要，至緊要係提升文章嘅質量（唔等於話長文或者係參考多就係好文章），至少文章要攞得出手。舊時瀨低啲蘇州屎得閒就去加長擴充，或者做其它處理。 广州阿沾 (傾偈) 2015年10月21號 (三) 15:13 (UTC)

唔好意思，眼大睇過龍。假如只係「出徂香港就無乜人知」，我覺得唔成問題，正如近排多咗唔少廣州建築物嘅文，何嘗唔係「出徂廣州就無乜人知」。各個地方嘅人鍾意寫返自己地方嘅嘢都好正常。只要唔係極端到連自己地方嘅人都無個識，就唔算係大問題，基本上用Google就可以做簡單判斷，如果依然都搞唔清，咪攞出嚟傾，等大家定斷。--Jason6698 (傾偈) 2015年10月21號 (三) 15:44 (UTC)

@User:Cedric_tsan_cantonais確定係「三萬大關」唔係五萬大關？ 广州阿沾 (傾偈) 2015年10月21號 (三) 15:13 (UTC)

唔好意思，係「五萬大關」。

言歸正傳，講到建築物，廣州又好，香港又好，如果係無超過五十年歷史、或者唔係名人故居、或者未舉辦過大型活動、或者未發生過重大歷史事件嘅（例如廣州三中游泳館）我都會考慮提刪。【粵語文學大使殘陽孤侠】支持全面中止IP用戶編輯權 2015年10月21號 (三) 19:52 (UTC)

上面我繼續補充，尋日黃埔公共觀察嘅微信公眾號講咗，講到建築，夠30年歷史（起碼至少喺1994年及之前起嘅建築），或係名人故居、或舉辦過大型活動、或發生過重大歷史事件、或有反映地方特色或習俗嘅建築都可以做歷史建築。--WKDx417 (傾偈) 2015年10月28號 (三) 23:57 (UTC)

喺呢度提下左上角嘅撈稿問題

大家去過英文維基嗰邊知喇，嗰邊有寫啱啱過咗5,000,000篇文大關嘅慶祝標記，我覺得粵維過咗50000篇文大關之後，都可以借鑒呢個頭版改撈稿嘅做法。唔知大家點睇？--WKDx417 (傾偈) 2015年11月3號 (二) 00:08 (UTC)

根據估算，相信要到2017年6月先至過五萬大關，況且呢排好似無之前咁熱鬧，可能再要推遲。所以而家討論真係早得滯，除非呢度有人好似閩南話咁本事可以一個月開一萬篇文。--Kowlooner (傾偈) 2015年11月8號 (日) 14:08 (UTC)

建議為自由版權圖片上傳截龍

維基同享開咗n年，但到今時今日都重有人上傳自由版權圖片到呢度而唔係維基同享，而且呢度一路都無人跟進將呢度嘅自由版權圖片搬去維基同享。由於呢度管理人手少，為減少管理工作，建議第一步先為自由版權圖片上傳截龍，唔俾再有新嘅自由版權圖片上傳到呢度。至於之前已經上傳嘅自由版權圖片，就惟有留俾第日有人肯幫手搬去維基同享先至算。--XRTIER (傾偈) 2015年11月4號 (三) 05:01 (UTC)

Wikipedia:上載已經叫人上傳自由版權圖片去維基同享。如果有人唔聽話係都要上載自由圖上嚟，可以考慮直接刪圖，始終我哋無人手幫佢搬。--Kowlooner (傾偈) 2015年11月8號 (日) 14:12 (UTC)

建議加條規定：「任何人都唔可以未提出過就改名」。

如題。為徂阻止WKDx417（即係CRCHF）繼續走火入魔恁改名，我決定連「知識錯誤除外」、「病毒音譯名除外」、「自己開嘅文章除外」之類嘅特例都忍痛捨棄埋，提出爾條「除非係自己嘅用戶頁，否則任何人都唔可以未提出過就改名」嘅規則。提出徂改名無人討論或反對係一回事，但係提都唔提出下就改名就真係另一回事嘞。【粵語文學大使殘陽孤侠】支持全面中止IP用戶編輯權 2015年12月13號 (日) 02:33 (UTC)

應該。但國語、普通話譯名又應唔應該計埋落去？SC96 (傾偈) 2015年12月13號 (日) 02:39 (UTC)

另外講埋，WKDx417喺內文都有搞唔少呢啲花臣。SC96 (傾偈) 2015年12月13號 (日) 03:00 (UTC)

不幸嘅係，敝認為：喺目前爾個階段有需要計埋住國語譯名落去先。因為唔少國語譯名（例如唔單止喺粵語裡面相當出名，重有徂好多衍生意義（例如「牛頓」可以係力學單位、「開爾文」可以係溫度單位）乃至衍生詞（例如「牛頓力學三大定律」）。不過遲啲我等可以檢討下。【粵語文學大使殘陽孤侠】支持全面中止IP用戶編輯權 2015年12月13號 (日) 03:08 (UTC)

我要針對嘅係近年嗰啲，好似Paul Ryan譯成瑞安、Sarah Palin譯成佩琳。「牛頓」同「開爾文」呢啲太耐太出名嘅，就由得佢哋。SC96 (傾偈) 2015年12月13號 (日) 03:23 (UTC)

即刻改名唔應該一刀切禁止，始終有時有啲名好明顯需要搬，無理由都要等兩個禮拜。我反而留意一個情況，如果有人將A搬去B，而有人反對，討論期間個名留響B度。我建議如果改名有爭議，應該暫時搬返去原名，傾完先至決定搬唔搬。--Kowlooner (傾偈) 2015年12月13號 (日) 12:04 (UTC)

Kowlooner嘅建議我都可以採納下，以前夏薩特嗰單已經搞咗場大龍鳳喇。--WKDx417 (傾偈) 2016年1月2號 (六) 03:34 (UTC)