Wikipedia:政策同指引

← Administration index

Policies and guidelines

呢版係維基政策嘅概述，可以睇埋政策一覽同指引一覽.

維基百科嘅政策
文章嘅標準
中立嘅觀點 有根有據 非原創研究 唔啱維基百科嘅嘢 講在生嘅人
同維基友合作
假定善意 文明嘅編輯方式 共識 唔好人身攻擊 處理拗撬

維基百科發展咗一套政策與指引，咁多年來幫咗助我哋步向我哋嘅共同嘅單一目標：我哋響維基百科嘅目標係建設部自由嘅百科全書。所以喺討論版、計劃空間、電郵、元維基、互聯網駁信管度辯論維基百科嘅政策好尋常。歡迎大家參與。

雖然我哋會尊重大家嘅共識，維基百科唔係民主組織，管理亦有時前後不一。因此人哋總有咁嘅分歧：有人認為原則應該明文公佈，有人認為書面形式嘅條文響覆蓋每個爭議話題時有先天不足。但唔理係點，如果用戶違反咗我哋嘅書面政策嘅精神，就算冇觸犯邊條具體規則，亦會被懲罰。

然而，如果用戶遵循咗假定善意原則，採用文明嘅編輯方式，努力尋求共識，並追求緊建設部優秀嘅百科全書嘅目標，佢就會受到歡迎。維基百科好欣賞嗰啲能夠惠及全民嘅編輯工作。

關鍵政策

你唔使睇完維基百科每項政策先開始寫嘢。然而，以下政策對呢項目尤其重要，你越早理解並使用佢哋越好。

1. 維基百科係部百科全書。佢冇其他嘅目標，所以同呢個目標無關嘅內容實會被移到其他維基媒體項目或者直接清除。（睇下維基百科唔喺乜嘢。）
2. 尊重其他貢獻者，維基百科嘅貢獻者嚟自唔同嘅國家同文化，有唔同嘅觀點。尊重其他貢獻者係高效合作同建設維基百科嘅關鍵。
3. 唔好侵犯版權，維基百科係部自由嘅百科全書，領有GNU Free Documentation License嘅牌照。如果提交咗侵犯版權嘅版，會妨礙我哋嘅建設部人人可分享嘅自由嘅百科全書嘅目標，而且重會引起法律糾紛。（睇下維基百科嘅版權）（呢個亦係涉及所有維基百科基礎項目嘅基礎事務）
4. 避開偏見，寫嘢應該採用中立嘅觀點，代表個話題嘅全部睇法，採用客觀同陳述事實嘅語調，呢係為咗使人哋易於達成共識。

幾種精華版

推薦次序：

1. 五大支柱：快速瀏覽響你編輯時應該遵守嘅五條規則。唔使擔心，佢哋好容易嘅。
2. 簡明規矩：16條重要規則幫助你避開麻煩。
3. 政策一覽：一份易於理解嘅清單——42個官方政策嘅簡明總結。

下面嘅目錄包含咗維基百科嘅每項政策：

• Category:維基百科嘅官方政策：普遍接受嘅政策，每個人都應該遵守。
• Category:維基百科指南：並唔死板嘅被普遍接受嘅重要規則，喺多數情況下都適用。

程序問題

政策係點發起嘅？

而家政策嘅變動嚟自三個渠道：

• 對當前慣例同常見嘅實踐操作嘅記錄同分析。呢啲嘢形成咗記錄維基百科點運轉嘅提案。當然，單一用戶無法獲知「常見嘅實踐操作」係乜嘢，但係，對經常使用嘅操作過程嘅常見結果進行記錄係制定政策嘅好方法。
• 經大家提出，並達成共識需要遵守嘅政策。（睇下點提出新政策。）呢啲通常係關於改變維基百科運轉方式嘅提案。
• 嚟自占美·威爾斯（Jimmy Wales）、董事會或開發者嘅宣言，呢啲宣言主要關於版權、法律事務或服務器負載等方面。

當下提出嘅同埋已經被否決嘅政策可以喺呢度揾到：

• Category:維基百科嘅提案：有關新政策嘅想法
• Category:維基百科已經否決嘅提案：已經否決或廢止嘅政策

政策、指引、評論文(essay)等嘅分別

• 指引係(1)可操作嘅兼且(2)由共識授權嘅頁。指引並唔係一成不變嘅，亦唔係由常識同埋一啲例外組成嘅嘢。指引嘅修訂應該喺佢嘅討論頁度討論，而唔該唔好通過開新版嘅方式，儘管人哋普遍同意可以通過編輯頁面嘅方式補充一個指引。人哋有時會希望通過投票表決嚟決定嘢，但係呢係個糟糕嘅想法，因為咁會將事情極端化（諗知細節請睇WP:VIE）。相反，指引嘅制定要聽取並解決多方嘅異議。
  • 命名慣例同埋文章風格手冊係種特殊嘅指引，佢哋同啱嘅命名方式同埋文章該點寫有關。
• 政策同指引相似，只係更正式，並且例外情況好少。同指引一樣，對佢哋嘅修訂嘅討論應該喺佢嘅討論頁度進行，如果篇幅太大，可以分出若干分支。如果冇得到共識，唔該唔好去編輯政策。
• 一定嘅流程係做嘢嘅核心嘅有序嘅方式，並且應該遵循一定嘅政策同指引（例如，「關於刪除嘅政策」講述咗「刪除之流程」點運轉）。
• 提案係人哋提議嘅但重未得到共識並喺度討論緊嘅指引、政策或流程。對提案嘅修訂應該喺佢嘅討論頁度進行（唔係通過開新版嘅方式），但係人哋普遍同意通過編輯頁面嚟補充提案。提案應該大力宣傳並徵求反饋，以便達成共識。提案嘅狀態唔該唔好由投票計數嚟決定，但係民意測驗係個好工具，可以用嚟幫助評估意見同埋使有關嘅討論成形化。民意測驗並唔可以代替話題討論，亦唔係話民意測驗嘅數據來源就能夠說明達成咗乜共識。
  • 歷史頁係由於一啲原因導致討論中斷造成冇明確嘅共識嘅提案。歷史頁面亦包括已經冇用嘅流程，同埋時間久遠嘅流程日誌。歷史頁可以通過宣傳再次復活。
  • 已經否決嘅頁係冇得到共識嘅支持嘅提案。噉唔一定係因為共識係反對；如果對佢嘅共識係中性嘅並且唔可能會改善，噉提案亦會被否決。細修改或重複嘅爭論唔會改變呢個事實。明智嘅做法係從第啲方向重新寫份提案。
• 功能請求係關於更改維基百科軟件嘅請求。呢種請求應該喺Phabricator提交。開發者永遠唔會喺冇徵求人哋嘅意見嘅情況下採納啲嘢。因此，如果你要提出一個功能請求，首先要同開發者討論，然後先能夠徵求大眾意見，以免使佢變得毫無意義。
• 「點樣」型文章——或者話幫助頁——係話畀人哋知點做嘢嘅說明性文章。佢哋由對關於點做嘢有唔同觀點嘅人寫成。
• 評論文（essay）係一啲唔係可操作嘅亦唔係說明性嘅文章，唔理佢哋達冇達成共識。評論文傾向於係評論性嘅。評論文無須向邊度提交，亦無須宣傳，你要明評論文並唔總係代表成個維基社區嘅聲音嘅。如果你唔希望你嘅評論文俾人哋改寫，就將佢放到你嘅用戶空間度。

政策點執行?

你係維基百科位編輯。因為維基百科冇責任編輯同文章審核系統，活躍嘅參與者會製作編輯副本並修改佢哋睇到嘅格式同內容嘅錯誤。因此參與者即係作者又係編輯。

因此個人用戶響編輯頁面時應該遵守政策同指引，並作相互討論。管理員會通過封鎖用戶嘅方式執行例如反破壞嘅政策。喺極端情況下，仲裁委員會有權處理有嚴重分歧嘅問題，如同普通嘅解決爭端過程嘅步驟。

軟件啲功能好容易被濫用，例如刪除同鎖定頁面（禁止編輯），因此呢啲功能只有管理員先能夠使用，佢哋係維基社區嘅有經驗嘅同被信任嘅成員。如果想瞭解更多信息，睇下Wikipedia:管理員嘅閱讀一覽。

指引

除咗上述普遍受認可嘅政策之外，有一大片被提出過嘅指引已經俾維基友採用咗。佢哋為喺維基百科遇到嘅唔同情況提供指引。佢哋包羅萬有，從命名嘅慣例同應該迴避嘅敏感詞語，同埋咪嚇新人。

其他關於維基百科嘅文獻同討論

• 元維基網站包括好多關於維基百科同相關話題嘅社論風格嘅文章。
• 喺維基百科中開創「點樣」型文章。
• 維基百科應唔應該包括嗰啲文？Wikipedia:集中討論有好多關於建立呢方面嘅共識嘅討論。所有用戶都應該堅持呢啲政策。

參看

• Wikipedia:城市論壇 (政策)，去討論現有嘅同埋建議緊嘅政策。
• Wikipedia:城市論壇 (提議)，去討論同政策無關嘅提議。
• Wikipedia:忽視一切規則
• Category:維基百科政策同埋指引 已被接受、被否決或者被提議嘅政策一覽。