x 長

x 長（英文：x height），喺英文書法同字型設計，係指細楷字母，撇除上升筆劃之後，基線計起嘅高度，亦即係細楷 x 概念上最頂可以去到邊。概念上，撇除上升筆劃之後，所有細楷字母嘅頂部，喺視覺上都應該喺 X 長嘅高度對齊。喺書法，X 長嘅高度概念上係貼住一條綫，叫 ｢字腰綫｣（waistline）。

x 長

大楷字母嘅對應高度叫大寫高度。

X 長喺 CSS（網頁製作）同 TeX 都係一個長度單位，叫 ex（即係 X 嘅讀音），但係喺傳統排版並冇咁嘅單位。

視覺影響

同樣字大細，X 長大啲，啲字睇落就大啲，有研究人員因此認為易睇嘅決定因素係 X 長同大寫高度之間嘅比例

因為字大細原則大係固定值，喺有細楷嘅書寫系統，喺視覺上，同一字大細，決定字形實際大細嘅係 X 長，亦即係話，字大細分多啲畀 X 長，啲字睇落就大啲，但係想隻字望睇令leng3啲，有時要細 X 長。

因為 X 長影響視覺上啲字有幾大，X 長同大寫高度嘅比例喺無障礙設計被認為係非常重要。例如，安省註冊平面設計師協會嘅指引認為 X 長應該大，但係又唔可以太大，因為上升筆劃太短，啲字一樣會唔易睇，建議 X 長係大寫高度嘅三分二至四分三之間，另外又建議排咗版嘅字，X 長至少 1.5 毫米。

視覺上字嘅大細其實並唔係只係取決於 X 長同大寫高度之間嘅比例，例如左面嘅書法體，X 長對大寫高度淨得 40%，但係，爾個並唔係佢啲字細嘅主要原因