南方大廈

南方大廈
廣州市文物保護單位
喺邊	廣州市荔灣區
類	近現代重要史跡及代表性建築
時代	1922年
冧	5-12
登錄	1999年
地圖

南方大廈（粵拼：naam4 fong1 daai6 haa6），簡稱南大（naam4 daai6），係中國廣東省廣州市一間老字號大廈，喺荔灣區沿江西路嘅北邊、西堤二馬路嘅南邊、靖遠路嘅東邊、人民南路嘅西邊。呢間大廈以前攞過華南地區最大嘅綜合性百貨商舖，佢重係中國內地12間大型百貨商舖入面嘅其中一間商舖。之前佢攞過為廣東省同全國商業先進企業，重俾人話咗係全國最佳商店。喺嗰年，就成日有句「唔入南方大廈，未算到廣州」嘅講法。呢間大廈有50米高（入面有12層樓）。佢既係成個廣州入面，第一棟鋼筋混凝土結構嘅大廈，又喺1922年—1937年之間攞過「廣州第一高樓」嘅稱號。

逳手同落成時間

呢間大廈喺1918年開始逳手，1922年起好。

史

喺海珠區嗰邊望過去嘅西堤大新公司

中華民國時期嘅西堤大新公司

廣州西堤大新有限公司嘅海報，入面印住「羊城第一樓，樓高十二層」嗰啲字。

起大廈之前

喺1914年，有2位澳洲華僑——分別係蔡興同蔡昌喺惠愛街（而家係中山五路）同雙門底（而家係北京路）嘅十字街口度起咗間「城內大新公司」（而家係新大新百貨）。佢哋兩位喺城內大新公司起好咗之後嘅第4年（1918年），又喺西堤度搞咗間「城外大新公司」出嚟，佢哋喺起緊大廈嗰陣咗分得出邊間係「城外大新」同「城內大新」，佢就將西堤度嗰間大新公司改咗叫「南方大廈」。嗰時佢哋改「大新」呢兩個字唔單止係有「大展新猷」噉解，而且係從「The Sun」嘅英文名用粵語音譯出嚟嘅諧音。嗰時嘅大樓設計喺中國內地好少見，甚至而家幾乎搵唔到咁滯。

大廈起好之後，開業無耐。

到咗1922年，間大樓就起好咗重開埋業。嗰時棟大樓係華南地區最靚、最大嘅百貨商店。喺大廈開業無耐，重吸引咗好多人去睇、買嘢、同埋旅遊都有。間大廈開咗業之後，佢嘅營業額重領先咗其他同行嘅公司添。

遇到大難

由於1937年7月7號爆咗單抗日戰爭。到咗1938年10月20號，由於日本仔霸咗廣州，而城外大新公司就俾日本仔炸到火燭重連續燒咗四日三夜咁耐，搞到入面啲貨都燒到得返炭咁滯。重有嘅係，城內大新入面啲貨喺廣州淪陷之前都搬嗮去西堤嘅城外大新度保存嘅嘢都唔好彩，冚唪唥都燒爛嗮，得返好少貨響度，搞到廣州大新公司蝕嗮本都有。

中華人民共和國成立之後

到咗1954年，間大廈重新裝修咗次之後開返，不過佢改咗嗌「西堤百貨商店」，喺1960年就整大咗一次商店。文化大革命初期，由於受到改名風波嘅影響，間大廈改咗嗌「人民百貨商店」嘅名，到咗1970年又整大咗一次商店。喺1973年，間大廈改返之前用過嘅名，啫係而家嗌「南方大廈」。

改革開放之後

1982年，呢間大廈嘅日平均營業額去到470,000幾蚊人民幣，而年銷售額喺全國12間大型百貨商店入面排第3（前面嗰兩個係北京市百貨大樓同上海市第一百貨商店）。

1986年，間大廈喺西濠二馬路整咗間24小時便利店，而呢間嘢重係開創咗嗰時中國大陸嘅24小時便利店先河。

逐漸衰落

喺1990——1995年之間，嗰時嘅南方大廈都搞得幾旺下，甚至喺中國十大零售企業入面，排咗前三位都有。而喺年銷售額方面，間大廈去到13幾億蚊多啲。甚至喺1993年，間大廈俾中華人民共和國國內貿易部定咗係中華老字號。不過喺天河區開咗間天河城等一系列嘅現代化購物中心之後，重有舊城區成日遇到大塞車同冇車位嘅問題，南方大廈嘅營業額喺1996年開始一落千丈，甚至重搞蝕本生意都有。雖然話市政府批准咗嚟搞資產重組，但係都冇用。

1997年1月，南大同香港粵海集團屬下嘅粵海投資有限公司一齊合作，搞咗間南方大廈有限公司出嚟，索然話丼咗56%嘅投資總額落去嚟搞返啲生意，但係合咗資之後無耐，有搞出後蝕本生意，甚至重冇錢賺咁滯。而粵海集團咁啱撞正亞洲金融風暴，就再都唔理南方大廈份喇，佢合作到2001年都玩掂。

到咗1999年7月，呢間嘢俾市政府公佈咗係第5批廣州市文物保護單位。喺2000年重俾廣州市政府搞埋第1批廣州老字號份入去。

最後一日嘅瘋狂

2001年底，由於廣州市搞咗國有商業企業改革，南大集團就話唔撈喇，而係加入咗廣百集團嚟搞返啲生意。就喺2004年9月5號，南方大廈咁啱搞到最後一日，之後就執咗笠。喺執笠之前嗰日，佢嘅營業額就超過咗300萬，而入場人次甚至超過15萬 。

而家

到咗2005年1月，南方大廈變咗國際電子數碼城，佢主要嚟搞電子、數碼、手機嘅零件、配件批發等呢啲業務。

分店

而家嘅南方大廈附屬有以下呢啲企業響度：

• 天河南方大廈廣客隆貿易有限公司

  喺天河區黃埔大道西68號嘅冼村商業街入面。喺1993年8月8號開檔，佢係中國大陸第一間大型貨倉式商場。1996年，由於天河城開咗張，間嘢搬咗佢南海黃岐，而家呢度係廣客隆家居城。

• 天貿南方大廈百貨有限公司

  喺天河區天河路嘅天河城入面。佢係廣東天貿百貨有限公司（而家係天河城集團）同廣州南方大廈有限公司一齊合作，喺1996年1月起好，1996年2月9號喺天河城二、三樓試業，8月18日正式開業。到咗2002年底，由於債務同其他問題，南方大廈將佢38%控股轉咗畀廣東粵港控股，重改咗名嗌「廣東天貿南大百貨有限公司」。2004年5月1日重改咗名嗌「天河城百貨」。

• 南豐商場：

  喺海珠區江南大道中154號，喺1985年成立，佢係海珠區第一間大型百貨商店。佢係南方大廈有限公司屬下嘅全資企業。到咗2002年8月23號，南豐商場執咗笠，之後由廣百集團接手，變為廣百百貨江南分店，重喺2008年執埋笠。而家嗰度係麗日廣場。

• 荔灣百貨有限公司：

  喺德星路9號嘅荔灣廣場裙樓嘅2樓同3樓嗰頭，2002年執咗笠。

• 西城廣客隆：

  喺環市西路89號嗰邊，2002年執咗笠。

• 棠溪廣客隆：

  喺三元里大道228號，2003年執咗笠。間大廈執咗笠之後俾廣百集團轉成廣百電器棠溪店。

• 西環廣客隆：

  喺增槎路22號。間大廈喺2003年執咗笠之後重變咗間空屋，而家係一間私立民營醫院。

• 成豐百貨有限公司：

  喺機場路1800號嘅成豐大廈入面，2002年執咗笠。

• 黃岐廣客隆：

  喺佛山市南海區廣佛一路238號。1996年從天河搬到呢度，2003年2月因轉咗股份而執笠。而家係間家私城。

• 南方大廈（南海平洲）海天百貨公司：

  1999年執咗笠

• 盈豐商場：

  間商場喺2001年開咗幕之後兩個月就執咗笠

連出去

• 南方大厦
• 南方大厦国际电子数码城
• 南方大厦30年兴衰 - 《羊城晚报》2008年7月31日