希臘文
| 希臘文 | |
|---|---|
| Ελληνικά | |
| 發音 | [eˌliniˈka] |
| 用嘅國家、地區 |  希臘 塞浦路斯 阿爾巴尼亞南部 意大利南部 北馬其頓南部 保加利亞中部、南部 土耳其 澳洲其他有希臘人嘅國 |
| 區域 | 巴爾幹半島 |
| 講嘅人口 | 1339萬1140（2012年）[1] |
| 排名 | 68位~74位 |
| 系屬 | |
| 文字 | 希臘字母、斯拉夫字母（烏克蘭）[1] |
| 官方地位 | |
| 官方語言 | 希臘 塞浦路斯 歐盟 |
| 管理機構 | 無 |
| 語言代碼 | |
| ISO 639-1 | el |
| ISO 639-2 | gre (B) ell (T) |
| ISO 639-3 | 各項代碼: cpg 喀巴多其亞話 ell 現代希臘文 gmy 邁錫尼希臘文 grc 古希臘文 pnt 旁狄話 tsd 乍戈尼亞話 yej 猶太希臘話 |
 希臘文作爲主體語言嘅地區 希臘文作爲少數語言嘅地區 | |
希臘文（粵拼：hei1 lip6 man4*2；希臘文：Ελληνικά，拉丁轉寫：Elliniká，國際音標：[eliniˈka]；重有一種講法叫做「希臘語言」，
ελληνική γλώσσα (幫手·有關)，轉寫：ellinikí glóssa，音標：[eliniˈci ˈɣlosa]），係一門有三千四百年信史記錄嘅印歐語言，係印歐語言中文字歷史最長嘅語種[2]，屬印歐語系希臘語族，佢自成一個語族。
希臘文分爲古代同現代兩期，古希臘文曾經係古希臘記錄文明成就嘅語言，到希臘化時期，古希臘文廣泛傳播，係創立基督教時所用嘅語言，譬喻新約聖經嘅原文就係用古希臘文寫嘅。羅馬帝國時期有大片地區嘅第一語言就係古希臘文，同時古希臘文亦係帝國內緊要嘅第二語言。文藝復興以後，有好多嘅西方大學開堂敎古希臘文，乃至現代一啲非西方國家嘅大學亦有古希臘文課。同拉丁文一樣，古希臘文經常係啲學名、術語嘅辭源。
現代希臘文係從古希臘文度演變而成，有好多嘢變咗，不過亦有繼承。目前全球約有1300萬人用[1]，主要喺希臘，現時係希臘嘅官方語言，同時亦係塞浦路斯共歐盟嘅官方語言之一。另外喺阿爾巴尼亞、土耳其細亞細亞地區亦有人講，比如伊斯坦堡嘅希臘人聚居區。希臘文用24個希臘字母拼。
概要
[編輯]希臘文係印歐語系中記錄最古老嘅語言，歷史達3400年[2]。用希臘文字記寫，喺希臘開始於前9世紀，喺塞浦路斯開始於前4世紀。喺呢個以前，前2千年半希臘本土用線形文字B，前1千年前半塞浦路斯用塞浦路斯文字。
