廣州市培英中學

廣州市培英中學 Guangzhou Pui Ying Middle School
信　望　愛
位置
芳村白鶴洞培眞路60號（北門），鶴洞路124號之一（南門）
明細
類	廣東省一級學校
校訓	信　望　愛
成立	1879年5月7號
校區	荔灣區
級別	中學六年全日制
網站	http://wwzx.lwedu.com

廣州培英嘅各個校區

白鶴洞校區北門

白鶴洞校區南門

 廣州市培英中學（粵拼：gwong2 zau1 si5 pui4 jing1 zung1 hok6） ，簡稱廣培，文革期間嗌過廣州市第8中學，係中國廣東廣州嘅一間全日制中學，1879年開辦，有兩個校區，位置喺荔灣區芳村白鶴洞，其中北門喺培眞路60號，南門喺鶴洞路124號之一。

培英中學係第一批廣東省一級學校、第一批廣東省國家級示範性高中。

史

初期籌備

19世紀中葉，外國傳教士得到清政府批准喺中國傳教而開咗好多間國教會學校，方便以教育傳道。美國基督教長老會那夏禮（Henry Varnum Noyes）到廣州熟悉情況後搞傳教活動。最後決定喺1879年開辦間蒙學同英文、數理課嘅學校。

學校正式成立

1879年5月7號，學校正式開辦。初期位置喺廣州城西沙基（今日嘅六二三路）同德大街嘅安和堂入面開辦。1888年重買咗芳村花地聽松園一帶而搬咗入嚟辦學，重改名做培英書院。

搬到花地一帶

1917～1919年間，培英書院嘅校舍。

1890年加開咗中學部。1893年同廣州基督教書院合辦而改名做格致書院，但5年後因基督教書院話要開辦大學而搬到四牌樓一帶辦學，個名亦被打回頭。

逐漸昌盛

1919年因美國基督教長老會同西差會聯合辦學，校名亦改名做協和中學。1926年秋，西差會將學校畀咗中華基督教廣東協會，重將校名改返之前嘅培英中學而逐漸成為華人自辦嘅學校。

1927年俾廣東省教育廳批准立案後，重喺西關一帶開咗分校；1930年重喺台山開咗分校；1934年喺江門北街開辦小學部兼喺白鶴洞山頂一帶整咗新校址。1935年，原先喺花地一帶搞嘅高中部搬到白鶴洞一帶繼續辦學。1937年春重喺香港港島般咸道搞咗分校；同年秋，北街分校開辦初中部時改名做培新中學。

抗日戰爭時期

1937年9月廣州淪陷，校本部受其影響而搬到香港一帶繼續辦學。1938年連西關分校都唔例外噉搬到澳門一帶繼續辦學。1941年日軍侵略香港時，校本部連同香港分校一齊搬到澳門繼續辦學。雖然1943年借咗曲江（今日嘅韶關曲江區）嘅青年會繼續辦學，但無耐又俾日軍炸冧，好彩校友司徒新使咗好多錢，喺曲江東邊買咗原先嘅南方被服廠做校址。但嗰時學校凈招收女仔讀書而變成男女同校嘅學校。1944年6月受日軍嘅殘餘力量入侵而搬到連縣（今日嘅清遠連州）雙喜山繼續辦學直到1945年8月日軍投降為止。同年11月，學校正式搬返去廣州白鶴洞一帶復辦。

學校被充公

中華人民共和國成立後，由於嗰時唔畀有私人機構嘅關係，培英原有嘅分校全部變嗮樣。其中西關分校變成29中；台山分校變成台山縣第二初級中學；北街分校先後改名做江門培新中學，江門市第3中學；香港分校亦改名做香港私立培英中學；而原先白鶴洞嘅校本部喺1953年10月改名做廣州市第八中學。

乾坤大挪移

白鶴洞校區牌坊

1956年因教育佈局調整而改成全高中學校，重專門接收華僑同港澳同胞啲學生。而初中生摱到廿二中繼續上課，甚至連廿二中啲高中生摱到白鶴洞嘅培英校本部上課直到1963年為止。1963年，原先八中恢復返收初中生；1970年重喺花都炭步公社（今日嘅炭步鎮）大渦村一帶開辦農村分校。改革開放後，原先花都分校停辦重撤出花都，搬到郊區太和一帶繼續辦學。而校本部喺1980年變成廣州市足球同田徑傳統項目學校。

學校復名同分區管理

喺培英嘅海內外校友嘅呼籲同要求之下，政府喺1984年批准學校改名做「廣州市培英中學」。1985年將郊區一分為四之後，原先芳村分校劃分到芳村區教育局（2005年撤銷）睇實，而郊區分校變成白雲區教育局睇實。

飛速發展

• 1994年：學校俾廣東省教育廳批准，變成廣東第一批省一級學校。
• 2002年：收購原先嘅77中，變成培英中學嘅太和校區。初中變成民辦學校重搬到白雲區同和雲景花園一帶。
• 2005年：芳村區同荔灣區合併，學校歸荔灣區教育局管。
• 2015年1月23號，學校成功註冊培英鷹徽嘅圖文商標。

太和校區

睇埋：廣州市第二外國語學校

培英曾經喺2003年收購過嗰時嘅77中做培英嘅太和校區，期間同時用過「77中」同「培英中學」個名，直到2005年取消「77中」為止。2013年5月21號，太和校區正式脫離培英而成為間獨立學校，唔再隸屬培英。

校歌

今日培英中學嘅校歌係創校嗰時出嘅廣州話版。雖然喺1952年學校被充公時取消咗，1984年提出恢復返「培英」校名時變成普通話版，但2009年5月9號嘅培英創校130周年時，廣州兩校恢復返廣州話版嘅校歌。

校服

廣培中學嘅校服

短袖

• 衫：　，有領有紐扣，領同袖口帶　邊，左右對稱。
• 褲：

  （白款）純　，左邊褲腳有　嘅飛鷹撈稿。

  （純綠款）純　，右邊近褲袋位有　Century Schoolbook字體嘅「Py」字樣。

  （綠帶白線款）　，兩邊帶中等厚度嘅　線。

  （綠帶白三角款）　，兩邊帶　嘅直角三角形。

  （綠帶白梯形款）　，兩邊帶　梯形，入面有　嘅PUI YING字樣。

長袖

• 衫：　　相間，領　，袖口帶　　相間嘅線，正面同背面都有　嘅折線。背面上半部分帶有好大隻培英中學嘅撈稿。
• 褲：

  （純綠款）純　，右邊近褲袋位有　Century Schoolbook字體嘅「Py」字樣。

  （綠帶白線款）　，兩邊帶中等厚度嘅　線。

  （綠帶白三角款）　，兩邊帶　三角形，入面有　嘅PUI YING字樣。

出面網頁

• 廣州市培英中學嘅官方網站
• 廣州市培英中學嘅微信公眾號
• 白绿培英信望爱 广州数字图书馆