惠福路

  提示：呢篇文講嘅唔係惠福道。

惠　福　路 HUIFU LU

惠福西路嘅路牌

性質： 一般馬路 全長： 1.405公里 行車線： 2～3車道，東向西嘅單行綫。 教育路以東嘅位係唔畀行車 地區： 廣州市越秀區 起點： 人民中路同埋龍津東路嘅交界 終點： 北京路 主要建築： 廣東省人民醫院惠福門診部 五仙觀 大佛古寺 光明廣場 越秀區少年宮

惠福路（粵拼：wai6 fuk1 lou6）係中國廣東省廣州市嘅一條馬路，喺越秀區入面，成條馬路東西走向。西邊從人民中路同埋龍津東路嘅交界開始，一直向東去到北京路嗰頭。

概要

全長1405米，闊12——18米，雙向2——3車道。成條路係單行綫，凈係可以從東邊向西邊行，其中從教育路開始，一直到北京路呢部份係唔畀行車嘅。而呢條馬路係分開咗東同埋西兩條。

惠福路嘅兩條道路，起點到終點

• 惠福西路：從人民中路同埋龍津東路交界開始，一直去到廣州起義路嗰頭。
• 惠福東路：從廣州起義路開始，一直去到北京路嗰頭。

名

其實呢條馬路喺宋朝嗰陣時唔係嗌「惠福路」，而係嗌咗「大市街」呢個名。不過到咗1919年，廣州市政府就將寺前街同埋惠福巷呢兩條巷拆咗，起咗條惠福東路，重將早亨坊、大市街同埋安義街都拆埋，整咗條惠福西路，嗰陣時係條主要嘅商業馬路。喺文化大革命嗰陣，惠福路同埋龍津路呢兩條路係嗌咗「向陽路」呢個名（其中惠福西路係嗌「向陽四路」、惠福東路係嗌「向陽五路」），到咗1981年，呢條路就重新改返原嚟之前嘅名，啫係依家嗌「惠福路」。

特色

呢條馬路從東向西行嚟睇，其中惠福東路附近，喺1997年嘅北京路步行街起好之後，到咗2010年，有好多國家嘅餐廳同埋食肆都入咗嚟呢條路開檔。重有條路嘅人流都好多下；去到廣州起義路附近就有好多整招牌、廣告同旗旗艦嘅商鋪仔；到咗惠福西路附近，重有号多電子零件同埋配件嘅商鋪。

響民國嗰陣時，廣州入邊嘅東西走向嘅馬路大部份都有騎樓嘅，但係，惠福路嘅馬路兩邊就冇搞到條騎樓街出嚟，結果搞到成日都被太陽嘅光射落嚟，響夏天嗰陣就因為條馬路曬到鬼，搞到成條路熱辣辣噉滯。而廣州市政見到夏天曬到鬼，成條路熱辣辣噉滯嗰筍嘢之後，就率先將惠福路定咗係廣州市嘅第一條綠化馬路嚟做試點，結果喺條路嘅兩邊就種咗啲樹嚟擋住啲太陽光。依家已經係廣州城區入面比較少見嘅其中一條林間大道。

惠福西舊貨交易市場

惠福西舊貨交易市場係中國廣東廣州嘅一間舊貨交易集中地，喺1990年代初開業，位置喺惠福西路，從解放中路一直到海珠中路嘅位，主要搞二手家電交易為主。1990年代初期到2000年代中葉，舊版插帶遊戲主機曾經喺呢度搞過交易。

經過嘅道路

呢度啲路嘅順序係從東去到西嚟排嘅，其中加粗咗嘅字係主幹道：

• 禺山路、北京路
• 教育路
• 廣州起義路
• 解放中路
• 米市路
• 海珠中路
• 紙行路、詩書路
• 人民中路、龍津東路

有關嘅書

• 搭地铁玩广州（2010～2011版） 西门口站专页　　ISBN 978-7-5633-9834-8