新世紀福音戰士
 | 呢篇文或者呢段要 翻譯（或者由 zh:新世紀福音戰士加料）。 |
《新世紀福音戰士》（日文：新世紀エヴァンゲリオン，英文：Neon Genesis Evangelion，中國電視台播映時叫做「新世紀天鷹戰士」），係日本動畫公司GAINAX嘅作品，由庵野秀明導演，一共有26集。跟住重推出咗三部續集電影：《使徒新生》、《The End of Evangelion》同埋《Revival of Evangelion》。
《新世紀福音戰士》（以下簡稱《EVA》）喺最開始只係一部普通嘅機械人動畫，故事著重喺描寫戰鬥場景同埋人物回憶。隨住故事嘅發展，逐漸傾向於描寫人物嘅內心世界，以及對主角（特別係碇真嗣）嘅精神分析。《EVA》入面對人物獨特心理嘅深刻分析，撲朔迷離、龐大複雜嘅故事情節，加上用咗一啲宗教、哲學、精神分析學嘅符號元素，令到呢套動畫風靡一時，重成為日本動畫史冊上嘅一部經典。
主要人物介紹
[編輯]- 碇真嗣（碇シンジ，Ikari Shinji）
- 年齡：14歲。係EVA初號機嘅駕駛員，係碇源堂同埋碇唯嘅仔，因為細個嘅時候缺乏父母關愛，所以搞到個性內向消極，有自閉嘅傾向。
- 葛城美裏（葛城ミサト，Katsuragi Misato）
- 年齡：29歲。NERV本部戰術作戰部作戰局嘅成員，亦都係三個駕駛員嘅直屬上司，待人熱誠，喺謀略方面有一套招數。
- 綾波麗（綾波レイ，Ayanami Rei）
- 配音：林原惠（日本）
- 年齡：14歲。靈魂係來自莉莉斯，而肉體就係碇真嗣媽媽碇唯嘅複製人，佢同時亦都係EVA零號機嘅駕駛員。佢有對血紅色嘅眼同埋一頭淡藍色嘅頭髮，係一個冇乜面部表情，屬於性格冷酷嘅角色。
- 惣流•明日香•蘭格蕾（惣流•アスカ•ラングレー，Soryu Asuka Langrey）
- 年齡：14歲。EVA二號機嘅駕駛員，自細喺德國長大，有著德國同日本血統嘅少女，性格任性，亦都幾活潑。佢嘅著名台詞「あんたバカ？」（你白癡㗎？）曾經一度喺日本嘅學校裡面好流行。
依家有好多關於《EVA》主要人物之間關係本質嘅猜測。一啲流行嘅理論好似：
- 真嗣、麗同埋明日香分別代表咗自我，超我同埋本我（佛洛依德嘅精神分析學）；
- 麗同埋明日香分別喺真嗣嘅精神世界入面代表咗死本能（Thanatos）同食色本能（Eros），而真嗣自己就係攻擊本能（Destrudo）（又係佛洛德嘅精神分析學）；
- 源堂、真嗣同埋麗分別代表咗聖父、聖子同聖靈（哩個係基督教嘅稱呼，天主教叫做聖神）。
故事簡介
[編輯]
2000年，一個科學探險隊喺南極洲針對被稱為第一使徒亞當嘅光之巨人進行探險，喺進行接觸實驗嘅時候，光之巨人自毀，跟住就發生咗第二次衝擊，仲導致到世界大戰。最後，人類嘅人口減半，地軸偏轉、氣候改變。根據對發生喺南極第二次衝擊嘅調查，聯合國喺日本箱根成立咗人工進化研究所（即GEHIRN）嚟從事EVA（指人造巨型機械人）嘅發展研究，之後GEHIRN利用喺人工進化研究所地底發現嘅巨大空洞嚟建造咗總部。另一方面，聯合國屬下嘅秘密組織SEELE為咗想令到人類進化，就開始實行「人類補完計劃」，即係將所有人嘅靈魂彙集埋一齊，通過中和每個人嘅AT力場，令到每個人回歸返去LCL之海。2004年，EVA初號機進行啟動試驗時發生咗事故，碇真嗣嘅媽媽碇唯失咗蹤，而碇源堂亦開始執行佢自己版本嘅「人類補完計劃」。2010年，GEHIRN被改建成NERV。2015年開始，根據秘密組織SEELE嘅人類補完計劃劇本嘅安排，一種巨型人形嘅生物「使徒」(一共17個)開始喺日本登陸，並且向NERV總部發起進攻，而NERV就組織EVA嚟消滅使徒。喺NERV同使徒作戰嘅同時，碇源堂繼續秘密咁執行佢自己嘅計劃，隨著時間嘅推移，終於俾SEELE發現，令到NERV與SEELE產生咗矛盾，並且不斷咁惡化。哩一吓嘅矛盾同埋故事嘅結局，喺電視版裡面冇得到解決。而喺劇場版入面，NERV同SEELE嘅矛盾更加激烈，SEELE派出軍隊進攻NERV，喺佔領咗NERV之後再發動第三次衝擊。全人類全部化為LCL之海，剩係碇真嗣同埋明日香留低落嚟。
哩部動畫片仲有另一個結局，被稱為係電視版嘅結局，主要描寫一班主角（特別係真嗣）嘅內心反省。電視版嘅結局相當清晰：真嗣最終跨越咗內心嘅障礙。不過「補完」最終有冇發生仍然冇講明。到現時為止，關於《The End of Evangelion》（簡稱《TEOE》）係咪就係電視版25、26集嘅補充或者替代，以及《TEOE》嘅真實含義，仍然仲好多嘅爭論。
成個《EVA》分為以下幾個部分：
- 電視版：26集（省略）
- 劇場版《Death & Rebirth：死與新生》
- 《Death》：電視版前24級嘅總編集
- 《Rebirth》：“完結編”，相當於《Air》嘅一部分
- 劇場版《THE END OF EVANGELION》（注意到喺哩部劇場版裡面，兩集嘅集數標注係“25'”同“26'”）
- 《Air》：《Rebirth》嘅重新繪畫同埋完全版本
- 《真心為你》
- 劇場版《Revival of Evangelion》：前兩部劇場版嘅重新繪畫同埋總編版本
- 《Death (True)2》：《Death》嘅修改版
- 《Air》
- 《真心為你》
評價
[編輯]當時《EVA》喺日本最初係安排喺兒童節目時段播放，結果唔係咁受歡迎。但係轉咗喺成人節目時段播放之後，居然產生咗爆炸性嘅反響，仲重新點燃咗一大批成年人對動畫嘅熱愛。
首先，導演庵野秀明本身係一個御宅族，佢將佢嘅人生經歷、御宅族特有嘅辭彙、文化、人嘅內心表現都擺咗喺具有實驗性嘅《EVA》之中。於是，《EVA》帶嚟咗全方位嘅創新：故事嘅主旨、世界觀、英雄男主角嘅新定義、機體嘅設計，同埋畫面構造；喺表現拍攝技巧嘅手法方面，倒敘同象徵暗示、戰鬥嘅暴力血腥、長時間嘅畫面靜止、黑底白字、大量嘅快速畫面閃現……，哩啲都令到《EVA》成為咗一部具有獨特風格嘅動畫。唔單止咁，庵野秀明仲喺人物嘅內心描寫上大大發揮；庵野秀明喺創作《EVA》之前曾經試過長期嘅情緒低落，因為咁樣嘅關係，動畫入面嘅好多內容都係嚟自佢自己點去處理低落情緒嘅經驗，同埋有佢進行心理治療時學到嘅精神分析學。因此，動畫中嘅人物都顯現咗唔同嘅情緒錯亂同埋心理疾病嘅徵兆（特別係抑鬱症同焦慮症）。於是，《EVA》中可以見到大量內心嘅獨白同埋極端嘅人物情緒，再加上庵野秀明筆下所展現嘅人物性格，講出咗一般現代人所具有嘅心理問題：焦慮、自閉、社交唔適應……等等哩啲都可以一一呼應，好能夠令到觀眾產生共鳴同埋認同感。
結尾
[編輯]喺電視版25、26集製作過程嘅最後，由於先前對於品質極度咁追求，終於搞到經費短缺，GAINAX公司唔可以唔採用一啲原始嘅方法嚟製作動畫，搞到喺品質上出現咗嚴重嘅問題。再加上一大段嘅意識流描寫、令人費解嘅對白以及情節上嘅突然變化，令到最尾兩集俾班擁躉係咁批評。
電視版播完咗以後，GAINAX同埋庵野秀明都收到咗好多好多嘅信同埋電子郵件。其中好多係針對電視版最後兩集嘅批評，甚至有收到死亡恐嚇信（喺《TEOE》入面嘅製作者用極快嘅速度展示咗一批來信同圖片，截圖見右），重有一啲「福音迷」認為「庵野秀明嘅最後兩集將成個《EVA》破壞嗮」，表現出大大嘅失望。就係因為呢啲來信，GAINAX喺1997年開始咗一個計劃，要創作一個「真正」嘅《EVA》結局。由於時間好緊，佢哋就首先推出咗《死與新生》。呢個計劃最後喺同年嘅年尾完成，包括《Rebirth》嘅完整版本（即係《TEOE》），而呢套電影終於喺日本創造咗一千二百萬嘅票房。（喺日本，真係受歡迎嘅大片通常都可以去到四至六千萬嘅票房，不過如果一部電影嘅票房可以超過到一千萬嘅話，都已經屬於係大片行列）
《TEOE》嘅結尾帶出咗好多爭議性。由於《TEOE》同電視版嘅情節冇法子銜接、結局又好血腥、人物嘅命運搞到好悲慘……等種種原因，有人認為《TEOE》係庵野導演處於極端心理狀態下，對福音迷評擊嘅報復。重有一啲證據證明庵野嘅失望一早就喺電視版製作中途就產生咗，而劇場版只係呢種失望轉變成為憤怒，繼而達到頂峰嘅一個極端表現。其中一個證據係：《福音戰士》嘅風格喺第16集突然改變。可以參考：
以上證據指出，《EVA》並冇一個預先嘅計劃，而係信手拈來。呢種風格嘅改變同埋庵野世界觀嘅改變係一致嘅。呢種世界觀嘅改變，令到庵野放棄咗嗰種御宅族嘅生活方式，一段時間令佢嘅興趣由動畫轉向到去真人電影，不過仍然冇人知道係咩嘢改變咗庵野世界觀。之後，庵野喺1998年拍攝咗第一部真人電影－－－《狂戀高校生》，不過冇幾耐之後，佢就返去搞一部有26集嘅動畫－－－《他與她的事情》。
商業目的
[編輯]當然，除咗無數嘅讚揚聲之外，都有好多人貶低哩套《EVA》。佢哋認為《EVA》太過妄自尊大，夠膽引用宗教同埋精神分析學嘅術語同符號，膚淺兼且冇乜內涵。哩啲對《EVA》接受上嘅巨大差異，其實係因為《EVA》本來只係一次嘅商業投機：《EVA》嘅主要贊助商係玩具公司萬代同埋世嘉；加上參與製作嘅人表示，其實佢哋用喺《EVA》入面嘅基督教（喺日本並唔普遍嘅宗教）符號，原本只係為咗要令大家覺得《EVA》比其他嘅機械人動畫更加獨特。
有啲福音迷回應覺得，《EVA》闡釋咗極端複雜嘅卡巴拉嘅意義、基督教教義、心理學理論；而且如果話《EVA》真係純綷一部商業投機嘅作品，咁就唔應該有一個咁唔商業嘅結尾。值得討論嘅係：究竟係贊助商，定係庵野導演對《EVA》結尾嘅影響大啲呢？暫時唔理創作上導演有冇同贊助商發生衝突，《EVA》本身嘅存在似乎說明咗庵野正逐漸成為一個新嘅「風格導演」，就好似另外幾位動畫大師：宮崎駿、大友克洋同押井守咁。
講返庵野喺製作過程入面非常追求品質，導致經費短缺，以至於喺製作後期要降低品質嚟節約經費。就好似喺電視版24集入面，初號機捉著第十七使徒塔布裏斯（渚薰），時間竟然長達64秒；仲有好多嘅黑底白字，又成日重複咁使用以前嘅動畫，畫面嘅感覺亦幾粗糙。不過間唔中喺某啲部分都體現到另一種藝術風格同埋作者嘅魄力。
喺《EVA》推出之後，GAINAX公司發現佢受到好多大人嘅熱烈歡迎，於是係咁推出大量嘅周邊產品，好似電視遊戲（各種“育成計劃”）、原聲歌曲、模型、手辦，以及其他各種繁多嘅產品，其中剩係原聲大碟就有12張。由於GAINAX係咁推出周邊產品，但係又唔將《EVA》好似其它嘅著名電影咁出續集，於是GAINAX嘅哩種行為俾人笑佢做「新世紀呃錢計劃」。
影響
[編輯]《EVA》一直喺動漫界都有著相當大嘅影響，佢對於人物內心心理嘅表現同埋一啲藝術手法，影響咗後來嘅好多作品，好似《少女革命》（少女革命ウテナ，1997年），仲有《玲音》（Serial Experiments Lain，1997年）。除此之外，佢仲帶起咗喺動漫入面用上基督教符號嘅熱潮。《翼神傳說》（ラーゼフォン，2002年）係受到《EVA》影響最嚴重嘅一部動畫，情節同埋敘事方法上都同《EVA》好相似；但係《翼神傳說》本質上係以愛情同埋人物嘅關係比較突出，而《EVA》就喺心理嘅描寫上取勝。
電視遊戲《異度裝甲》（1998年）裡面有好多清晰而且明顯嘅跡象表明佢俾《EVA》深深咁影響（但係佢嘅製作者Soraya Saga好嬲咁否定咗哩件事）。
其實《EVA》喺好多動漫作品中亦都成為咗引用資料同埋抄橋嘅來源。喺數碼暴龍（デジタルモンスター）系列嘅作品裡面，一啲角色嘅背景故事就有用到《EVA》中嘅一啲資料。喺GAINAX公司自己嘅作品《他與她的事情》以及《阿倍野橋魔法商店街》入面都有一啲係抄《EVA》嘅場面。《EVA》喺網上社區中亦都成為咗搞鬼嘅資料來源，玩四格漫畫係其中常見嘅現象之一。另外喺最近，專搵《機動戰士高達》嚟搞鬼而出名嘅《Keroro軍曹》，亦都有喺劇中出現《EVA》嘅相關角色（好似綾波麗）同著名畫面（例如使徒嘅AT力場與及EVA暴走等）。
就連庵野導演自己都決定要喺佢嘅作品裡面搞笑；喺《EVA》原聲《Addition》入面，有一段所有配音一齊演出嘅20分鐘短劇，叫做「結束之後」（After the End），哩齣短劇被設定喺第26集之後，其中有動畫中嘅角色互相咁討論劇情，最後仲有一陣怪叫，明顯咁要「跳出角色」表演（參考英文維基嘅：Fourth Wall）。庵野喺其中一啲片段中仲扮演咗“Space God”同埋“Black Space God”嘅角色。
翻譯
[編輯]標題
[編輯]《EVA》嘅日文標題是：新世紀エヴァンゲリオン， 發音Shin Seiki Evangerion，是日文與日文引進詞“新世紀的福音”的結合。而叫“Neon Genesis Evangelion”是GAINAX決定的，不是有些福音迷認為的是翻譯。
“Neon”文出希臘文單詞Neos，意即“新”或者“新生”。
“Genesis”是從拉丁文中翻譯過來的（語源是希臘），意思是“起源”或“創世記”，首見於《聖經》，用於描述世界的創生或起源。
“Evangelion”是希臘文單詞“好消息”的英文化版本，在《聖經》中翻譯為福音（gospel）。最初，這個詞指“傳遞好消息的信使”，首碼“ev-”意即“好”，“angelion”意即“信使”（出自angel）。隨著時間流逝，它變為僅指“好消息”的意思。它的雙重含義也許就是為什麼這部動畫和那些機器人叫“Evangelion”的原因。
同時，“Eva”呢個頻繁使用嘅簡稱，係聖經人物Eve喺希臘文、德文重有其他多種語言入面嘅名字。
其他辭彙
[編輯]“gehirn”喺德文入邊意思係“大腦”。“seele”喺德文入邊嘅意思係“靈魂”。“nerv”喺德文入邊嘅意思係“神經”。
“children”係“child”嘅複數形式，用來以單數形式指每個EVA駕駛員（即真嗣就是“Third Children”，而不是“Third Child”）。這是刻意這樣做的，而不是一個翻譯錯誤。但是ADV電影公司製作的《EVA》英文版卻把它改了回來。
相關產品
[編輯]漫畫
[編輯]《EVA》的漫畫版由動畫版人物設計貞本義行所繪畫，並由角川書店發行。故事的大綱與動畫版大致相同，但使用了真嗣的視角去進行。真嗣本人的性格設定亦有細微的改變，變得更有主見。其餘的改變包括使徒的刪減（17個刪減為12個），小幅度的情節的增刪及更改等。
真人電影
[編輯]美國ADV電影公司（其持有《EVA》除亞洲和澳大利亞的全球版權）宣佈將由它與GAINAX，Weta Workshop有限公司聯合制作《EVA》的真人版。估計此電影將最早於2006年，最晚2010年發行。《EVA》的導演，庵野秀明，將不會執導此次電影拍攝。電影版的製片是Tiffany Grant, Matthew Greenfield（英文版明日香配音的夫婿），預算為一億美金。令人關注的是，就在2006年3月時，電影製作還在選擇導演的階段。
新世紀天鷹戰士
[編輯]在《EVA》啱啱問世時，佢就通過老翻等各種途徑被大陸的動漫迷們所熟知並迅速走紅。在2001年，大陸電視臺譯作《新世紀天鷹戰士》播出，但是由於其原作劇本被有關部門認為「過於灰暗，不適合兒童觀看」而在翻譯時被大量的刪節、修改。許多愛好者對此表示十分不滿並提出抗議，《天鷹戰士》也因此成為大陸譯製動畫片歷史上的一個失敗之作。
對大陸以外的觀眾來說，也有一些希望能一睹大陸版全貌的觀眾存在。尤其是聽過在網路上流傳的一段使用普通話唱出的主題曲（由中央電視臺主持人鞠萍演唱）的觀眾。不過在大陸可購入的《天鷹戰士》，不論是原裝正版抑或是盜版，也只有日語配音的原裝版本。
在超級機械人大戰F中第一次登場之後，EVA（這裏指人形機械人）在這個系列作品中佔據重要角色。因為EVA在超級機械人大戰系列作品中頻繁登場以及EVA機體的特性（AT力場和初號機的暴走），它們對玩家十分有用。《EVA》劇情也在遊戲中佔據很多篇幅，在一些作品中甚至有對應的遊戲結局分支。
動畫製作群
[編輯]- 企劃、原作：GAINAX
- 企劃：Project Eva.
- 總監督：庵野秀明
- 副監督：摩砂雪、鶴卷和哉
- 美術監督：加藤浩
- 色彩設定：高星晴美
- 攝影監督：黑田洋一
- 音響監督：田中英行
- 音響製作：オーディオタナカ
- 製作：東京電視台、NAS
- 角色設計：貞本義行
- 機械造型：山下いくと、庵野秀明
- 音樂：鷺巢詩郎
- 劇本：庵野秀明、薩川昭夫、榎戶洋司、磯光雄、山口宏、樋口真嗣
- 開場主題曲：「殘酷な天使のテーゼ」（殘酷天使的行動綱領）
- 歌：高橋洋子／ 作詞：及川眠子／ 作曲：佐藤英敏／ 編曲：大森俊之
- 完場主題曲：「FLY ME TO THE MOON」
- 歌：CLAIRE／ 作詞、作曲：Bart Howard／ 編曲：Toshiyuki Ohmori
- 音樂協力：テレビ東京ミュージック
- 片頭動畫：
- 作畫：本田雄、長穀川真也
- 演出：鶴卷和哉
- 片尾動畫：摩砂雪
- 廣報：穴見禮（東京電視台）、佐藤裕紀（GAINAX）
- 動畫製作：タツノコプロ、GAINAX
- 出品人：小林教子（東京電視台）、杉山豐
- 動畫出品人：植田もとき、內山秀二、山賀博之
子話題
[編輯]連出去
[編輯]
- 'http://www.evangelion-pg.pt.vu/' - Galeria de Fotos Neon Genesis Evangelion
- EVA研究站 （簡體中文）
- 巴哈姆特電玩資訊站→福音戰士哈啦版 （繁體中文）
- 百度EVA帖吧 （簡體中文）
- HKEF EVANGELION CLUB （繁體中文）
- KYO討論區-新世紀福音戰士版 （繁體中文）
- EVA Zone （繁體中文）
- 《EVA》的官方網站 （日文）
- Evangelion Armageddon （德文）
- NERV檔案 （德文）
- Geosektor.de （德文）
- eva.trivialbeing.net （英文）
- Evangelion Otaku （英文）