校園民歌

校園民歌
曲風起源	中國民謠、台灣民謠、古典音樂、現代詩、鄉村音樂、新謠、蘇格蘭民謠
文化起源	起源於1970年代初期台灣各大學同大專院校校園，喺1990年初畫下句點。
典型樂器	結他 - 鋼琴 - 鋼弦結他 - 口琴 - 鼓 - 小提琴
普遍程度	1970年代至今。喺台灣、中國大陸、香港、同東南亞各國如新加坡、馬來西亞等華人聚居地。
延伸曲風	城市民歌、華語流行音樂、福音詩歌
子類別
城市民歌

校園民歌係台灣喺1970年代發展出來嘅流行音樂風格。1970年代之前，西洋流行音樂係台灣後生仔女鍾意嘅音樂主流。1972年嗰時，當時美國總統理察·尼克遜訪問中華人民共和國同1979年中美斷交後，激發咗國內年青人面對自我文化覺醒，因而觸發台灣青年學子唔再唱西洋音樂，轉向「用自己的語言，創作自己的歌曲」嘅想法，並叫出「唱自己的歌」嘅口號，稱之為「民歌運動」，造就咗校園民歌嘅誕生。校園民歌係台灣流行音樂產業喺1980至90年代起飛奠定咗基礎，其參加者有唔少日後成為華語流行音樂嘅要角。

起源

作家余光中

1970年代今是有限公司同歌林公司音樂出版部合作製播音樂節目《金曲獎》，由中國電視公司播出，主旨係鼓勵優良歌曲創作；1981年至1983 年，天鼎傳播公司製播歌詞歌曲創作比賽節目《大學城》，由台灣電視公司播出；呢兩個節目帶動咗台灣嘅校園民歌風潮。

1975年，楊弦同胡德夫喺台北中山堂演唱以余光中嘅《鄉愁四韻》等現代詩譜曲嘅作品，視為台灣現代民歌發展開端。1976年，喺淡江大學嘅場民歌演唱會上，音樂人李雙澤喺台上拋走可樂樽（但當時嘅主持人陶曉清表示當晚李雙澤並冇掉可樂樽，「那只是後人增添的嘅神話」），攞起結他開始唱起台灣民謠「補破網」同愛國歌曲「國父紀念歌」，史稱「淡江事件」。隨後李雙澤創作咗「少年中國」同「美麗島」，改寫自蔣勳嘅「少年中國」揭開校園民歌序幕嘅變點，亦正式喺全國校園捲起一陣民歌運動，成為臺灣流行歌曲嘅文藝復興。當時有名嘅民歌手有陳明韶、包美聖、黃大城、趙樹海、李建復、齊豫、葉佳修、王海玲、王夢麟、蘇來、楊祖珺等人。而《龍的傳人》係當時台灣校園民歌嘅代表性作，侯德健作，李建復第一個唱。

廣播主持人陶曉清

胡德夫

蔣勳

除咗校園演唱之外，廣播人陶曉清亦係台灣民歌發展嘅重要推手。佢開放自己嘅節目，畀年輕嘅音樂創作者有個發表嘅平台。1977年，陶女士邀請朱介英、吳統雄、吳楚楚、楊祖珺、韓正皓、胡德夫、陳屏 、楊弦 等八位民歌手錄咗唱片《我們的歌》，大大帶動咗校園民歌風潮。 之後，新格唱片推出「金韻獎」，海山唱片創辦「民謠風」；呢兩項民歌創作比賽，將民歌帶向商業化。此外電視歌唱比賽節目如五燈獎、六燈獎有推波助瀾嘅作用，成為以後台灣唱片市場嘅基礎。

特色同風格

特質

民歌嘅特質係歌詞通俗而真摯，曲調優美而樸質、節奏明朗而生動，結構簡短而自然，使人聽咗有身歷其境嘅感覺歌謠具深刻思想內容，反映社會嘅光明面同純正價值觀。

精神

民歌能夠表現出一個國家民族命運同遭遇，甚至藉著民謠，可加強民族意識同國家觀念，其功效無可限量台灣民歌，充分表現出先民的奮鬥、進取、樂觀開朗嘅精神。

題材

喺台灣各地流傳嘅民歌，包羅萬象，例如：歷史故事、民間傳說，道德教化、農耕漁牧、家庭倫理、男女情愛……等，都係民歌題材，內容非常豐富。

文化資產

民歌係人民嘅心靈寄託。 由一個民族嘅民歌，可以了解該民族文化內涵，同埋該民族嘅心聲。

民歌運動早期歌詠山水、青春，旋律清新自然、歌詞樸素，並有濃厚嘅中國風同各大學及大專院校校園氣味，包括中國景物懷詠、古典文學意識等等。 初期有洪小喬、李雙澤、葉佳修、蘇來、李建復、黃大城 、劉藍溪、邰肇玫、包美聖、施碧梧、金智娟、齊豫、陳明韶、趙樹海等歌手同後期嘅潘越雲、鄭怡、孟庭葦、芝麻龍眼、沈雁、江玲、林慧萍、鄭麗絲 、費玉清、潘安邦、劉文正、林佳蓉、黃韻玲、許景淳、施孝榮、王夢麟 、銀霞、王海玲 、木吉他合唱團、南方二重唱等。

作曲作詞者則有靳鐵章 、畢心一 、畢奐一 、林建助 、周興立 、許翰君 、陳雲山 、黃大城 、王新蓮 、吳楚楚 等民歌主力。

1970年代後期，台灣社會運動風起雲湧，人心鼓動，喺侯德建、羅大佑、李泰祥嘅介入，民歌運動有咗嘅質改進，同初期嘅淳樸無瑕多咗人文關懷同社會責任。嗰時好多嘅歌詞係知名作家嘅詩，好似三毛、余光中 、席慕容 、蔣勳等人嘅作品，而隨住侯德建、羅大佑、李泰祥、李壽全嘅作品流傳，民歌運動達到頂峰。

後續同傳承

臺灣民歌運動轉變嘅原因可分列如下：

社會氛圍轉變

社會氛圍轉變係校園民歌運動沒落嘅主要因素。1980年代末期起，隨著政治上嘅開放黨禁、解嚴同本土化運動興起，臺灣嘅大學同知識界氣氛轉向批判中國文化霸權、爭論鄉土文學同中華文化異同，「校園民歌」中隱藏嘅中國風格同單純清新嘅文學氣息，同新興嘅回歸臺灣本土草根文化嘅號召有所歧異。「校園民歌」甚至被認為唔再係自己嘅歌，而被部分藝文同政界人士視為係遠離群眾、風花雪月同政治上保守意識、代表北京話同外來政權殖民、外省人文化嘅一種象徵。校園「民」歌嘅正當性基礎從自己嘅基地--臺灣各大專院校校園開始瓦解，支持者流失，逐漸式微。隨之而起來係1990年代中期起，臺灣另一階段流行音樂發展。

陳昇

社會商業化、現代化嘅進展

此趨勢使「校園民歌」嘅經濟同社會環境開始改變，唱片業者以獲利為導向，美歐影音產品大舉進入臺灣，「校園民歌」單薄嘅技術水平同樸素嘅內容變得難以同時代及市場趨勢相搭配，各唱片公司以大資本嘅商業行銷手法包裝流行歌手傾銷市場。商業化趨勢也使大學校園早期嘅社會文藝孤島地位被分割瓦解，所謂「校園」民歌嘅最後基地--各大學及大專院校校園也唔復存在，甚至臺灣本土化運動也無法接收「校園民歌」退潮後嘅校園市場，而必須從新興嘅小眾場域（pub、社運活動、地方政府舉辦嘅音樂節活動等）出發，抵抗商業化與市場或嘅衝擊。1982年金韻獎停辦，海山唱片結束營業，預示咗校園民歌運動沒落嘅命運。1990年代以後，以林強、陳明章、陳昇等人為代表嘅臺灣新歌謠曾一度喺市場佔有一席之地。但未久即被高度商業化嘅日本偶像生產模式潮流所淹沒。

民歌作者同演唱者嘅星散同精神傳承

基於前述政治、社會原因同個人嘅生涯規劃，校園民歌運動嘅主要人物、歌手畢業後出國深造、服兵役造成咗人才斷層，音樂風格後繼無人。若干知名民歌手如侯德健、齊豫 、羅大佑 等轉赴香港同大陸發展，少數歌手同作者投入新的嘅商業化音樂同綜藝事業，擔任主持 、選秀評審（如黃韻玲）嘅工作。多數人則完全終止創作同演出，轉入廣播界（如鄭怡）、宗教媒體（如殷正洋），甚至移民海外而銷聲匿跡，臺灣「校園民歌」運動的時代遂全面結束。時至今日，「校園民歌」成為臺灣1960年代到1970年代初期出生人士懷舊嘅象徵，並留存喺KTV同懷舊嘅中低價音像製品市場中。

唔同於臺灣因政治氛圍改變，產生本土化嘅音樂潮流，喺東南亞各國如新加坡、馬來西亞、印尼等華人聚居地，臺灣嘅「校園民歌」仍受到歡迎。「校園民歌」同部份演唱者喺1980年代中後加入中國大陸市場，對其華語歌曲的發展也留下深刻影響。如李泰祥 作曲、女作家三毛寫詞、齊豫 演唱嘅《橄欖樹》亦掀起咗對臺灣嘅「校園民歌熱」，同時也帶動香港「城市民歌」嘅興起，成為咗粵語流行音樂嘅一個重要支派。除此之外，中視2009年八點檔連續劇光陰的故事、閃亮的日子裡亦使用校園民歌作為配樂。

2015年適逢臺灣民歌四十年，李建復擔任「民歌40」演唱會嘅召集人、導演馬宜中 、「驚喜合唱」以民歌係主題選擇喺見證臺灣 成長交通史嘅臺鐵板橋站再次快閃演出，除咗喺現場令許多遊客叫好，同時喺網路上也引起廣大迴響。影片喺YouTube網路影片平臺播放點閱至今已達700萬人次。

民歌係台灣當時文化界嘅知識份子同音樂前輩留低嘅文化遺產，一般認為臺灣民歌: 「其質樸優美，係時代背景嘅影子，反映出臺灣人開拓生活天地嘅奮鬥史，潛藏豐富民族情感同精神。係民俗文學之瑰寶，保存民間文化精華。臺灣永恆嘅文化資產。臺灣民歌其詞意貼切，旋律又優美動人，人人應予維護並加以發揚，應保持先民所傳下來良好嘅藝術文化，多從事思維同創造活動，使民間嘅藝術創造力重現生機；並珍惜傳統嘅藝術文化」。

分類例舉

蔡琴

潘越雲

歷史上台灣「校園民歌」主題可以分成以下幾類：

• 懷古同歷史

龍的傳人（李建復 演唱）、唐山子民（黃大城 演唱）、中華之愛（施孝榮 演唱）、古月照今晨（文章演唱）、易水寒（施孝榮 演唱）、古國今昔（王夢麟 演唱）、俠客（施孝榮 演唱）、我心似清泉（王海玲 演唱）、送你一把泥土（費玉清 演唱）、夢駝鈴（費玉清 演唱）、變色的長城（費玉清 演唱）、中華民國頌（費玉清 演唱）、赤壁賦（施孝榮 演唱，陳雲山詞）

• 鄉愁

鄉愁四韻（余光中 作品）、歸去來兮（侯德建 作品，李建復 演唱）、歸人沙城（施孝榮 演唱）、出塞曲（蔡琴演唱）、蘆歌（李建復 演唱）

• 中國詩詞（含新詩）

釵頭鳳（包美聖 演唱，南宋 陸游詞）、雨霖鈴（包美聖 演唱，北宋 柳永詞）、秘摩崖月夜（包美聖 演唱，胡適新詩）、雪花的快樂（王海玲 演唱，徐志摩新詩）、再別康橋（范廣惠 演唱，徐志摩新詩）、浮生千山路（潘越雲 演唱，陳幸蕙集詩詞）、歌(羅大佑 演唱，徐志摩譯自英國女詩人 Christina Georgina Rossetti嘅短詩)。

• 文化經驗）

廟會（王夢麟 演唱）、月琴（鄭怡 演唱）、今山古道（黃大城 演唱）、鄉間小路(齊豫 演唱）、晚霞滿漁船（胡立武 演唱）、夏之旅（蔡幸娟 演唱）

• 台灣常民生活

雨中即景（趙樹海 、王夢麟 、黃大城 演唱）、酒干倘賣無（蘇芮演唱）、外婆的澎湖灣（潘安邦 演唱）、鄉居記趣（葉佳修 演唱）、正月調（簡上仁演唱）、拼宵夜（木吉他合唱團）

• 流浪、告別同回歸

橄欖樹（李泰祥 作品，齊豫 演唱）、浮雲遊子（陳明韶 演唱）、曠野寄情（李建復 演唱）、就要揮別（楊芳儀 、徐曉菁 演唱）、匆匆的走、露莎蘭（蘇格蘭民謠，楊芳儀演唱）、告別憂傷（蔡藍欽演唱）、戲雪（張艾嘉演唱）、愛之旅（洪小喬演唱）

• 遺忘

被遺忘的時光（蔡琴 演唱，被用為香港電影無間道主題曲）、微風往事（鄭怡 演唱）、忘川（李建復 演唱）、讓我們看雲去（陳明韶 演唱）

• 童年童稚

往事（陳秋霞 作品、陳秋霞演唱）、捉泥鰍（侯德建 作品、侯德建演唱）、童年（羅大佑 作品、張艾嘉演唱）、老師斯卡也答（楊芳儀 演唱）、光陰的故事（羅大佑 作品、張艾嘉 演唱）

• 自然詠歎同懷想

蘭花草（銀霞 演唱）、漁唱（黃大城 演唱）、秋蟬（楊芳儀 、徐曉菁 演唱）、海裡來的沙(韓培娟 演唱) 、小貝殼（邰肇玫 演唱）、小草（王夢麟 演唱）、聽泉（楊芳儀 、徐曉菁 合唱）、守住這一片陽光（林佳蓉 演唱）、許淑絹演唱）、七月涼山、露莎蘭（蘇格蘭民謠，楊芳儀、徐曉菁演唱）、蝸牛與黃鹂鳥（銀霞 演唱）、夕陽伴我歸（陳淑樺演唱）、微光中的歌吟（鄭怡 演唱）

• 愛情

你那好冷的小手（銀霞 演唱）、小秘密（銀霞 演唱）、風告訴我（陳明韶 演唱）、如果（施碧梧 、邰肇玫 演唱）、動不動就說愛我（芝麻龍眼 演唱）、神話（羅吉鎮、李碧華演唱）、偶然（卓秀琴演唱）、木棉道（王夢麟 演唱）、拜訪春天（施孝榮 演唱）、小茉莉（包美聖 演唱）、忘了我是誰（王海玲 演唱）、阿美阿美（王夢麟 演唱）、離開你走近你（王夢麟 演唱）、風中的早晨（王新蓮、馬宜中演唱）、生命中的陽光（木吉他合唱團）、歡顏、走在雨中（齊豫演唱）、陽光和小雨（潘安邦 演唱）、守著陽光守著你、天天天藍（潘越雲 演唱）、忘了我是誰（王海玲 演唱）、讀你、恰似你的溫柔（蔡琴 演唱）、野百合也有春天(潘越雲 演唱)、夢的衣裳（李碧華演唱）、請擁抱我（鄭人文演唱）、第一支舞、我深愛過（周秉鈞、楊海薇演唱）、夜玫瑰（以色列民謠，楊芳儀 、徐曉菁 演唱）、想你（芝麻龍眼 演唱）、春風（王瑞瑜 演唱）

• 友情、親情、救國團團康歌曲

看我聽我（包美聖演唱）、歌聲滿行囊（楊芳儀、徐曉菁演唱）、讓我們看雲去（陳明韶演唱）、神采飛揚（涂佩岑 、詹育章 演唱）、偶然（卓秀琴演唱）、走向我走向你（包美聖 演唱）、那一盆火（包美聖 演唱）、歡樂假期（王夢麟演唱）、愛的真諦、踏著夕陽歸去（葉家修原唱）

• 勵志、和平

小草（王夢麟演唱）、祈禱（翁倩玉演唱）

睇埋

• 新民歌運動
• 台灣民謠
• 中國民歌
• 鄉村音樂

連出去

• 余光中與校園民歌
• 校園民歌總表整理
• 「我們的歌」簡介
• （民歌小站）民歌資訊網
• （民歌小站）陳明章與台灣新民歌運動的可能
• 中華音樂人交流協會（由陶曉清及多位知名的音樂人組成），一般認知是推動校園民歌的主流組織
• 「難以遺忘的校園民歌」雅虎奇摩家族：台灣地區成立極早、資訊豐富且家族人數眾多具代表性的校園民歌家族