黑洞

黑洞（粵拼：hak1 dung6，black hole）係一笪重力非常之強嘅時空，強到任何粒子甚至係電磁輻射都走唔甩^[1]。廣義相對論推測，一個夠密嘅質量可以扭曲時空，形成黑洞。

黑洞係由一個質量相當大嘅天體，喺核聚變能量耗盡死亡後發生重力塌縮後形成。根據牛頓萬有引力定律，由於黑洞第一宇宙速度過大，連光都走唔到出來，所以叫黑洞。

喺呢個區域嘅萬有引力非常強大，任何物質都冇可能走得出呢個區域，甚至光都俾佢嘅強大重力拉返轉頭，因此黑洞本身唔會發光，係黑麻麻嘅天體，唔可以用天文望遠鏡直接觀測到，但天文學家可以藉觀察黑洞周圍物質被吸引嘅情況，揾出黑洞位置。

歷史上，法國力學專家拉普拉斯曾經預言：「一個密度係250個太陽嘅發光恆星，而直徑好似地球，由於佢嘅重力作用，將唔會畀任何光線離開佢。由於呢個原因，宇宙最大嘅發光天體，唔會俾人見到」。

半徑公式

有一條公式可以計到黑洞嘅半徑。假設個黑洞嘅質量係 $M$ ，噉佢嘅半徑 $R$ 就係 $R={\frac {2GM}{c^{2}}}$ ，其中 $G$ 係重力常數，而 $c$ 就係光喺真空裏面嘅速度。可以證明，無論用經典力學定係相對論，都可以得到一樣嘅結果。

黑洞喺廣東話亦可以用嚟形容一啲人同物。例如形容一個人好大食，而且速度非比尋常，情況已經唔可以再用食嚟形容，而用吸/吮嚟取代個食字。呢啲人一般被稱之為黑洞，有啲人會喺佢個名之前加黑洞兩個字（例如黑洞輝）^{[未記出處或冇根據]}。

呢篇同天文相關係楔位文。歡迎幫維基百科擴寫佢。