維他奶

出自維基百科,自由嘅百科全書
跳去: 定向搵嘢
維他奶
公司類型 上市公司(香港交易所00345
市場資料 {{{market_information}}}
成立時間 1940年
總部地點 香港
郵政編號 {{{zip_code}}}
電話號碼 {{{telephone_no}}}
重要人物 羅友禮 主席
口號 {{{company_slogan}}}
產業 飲品業
產品 豆奶果汁類飲品
資本金 {{{capital}}}
營業額 123.7百萬港元
稅前盈餘 {{{operating_income}}}
淨利 {{{net_income}}}
員工人數
結算期 {{{accounting_period}}}
母公司 {{{parent}}}
子公司 {{{subsid}}}
網站 www.vitasoy.com
{{{footnotes}}}
自動售賣機裏面嘅紙包裝維他奶

維他奶英文Vitasoy)係香港街知巷聞嘅飲品牌子。維他奶自1940年開始喺香港生產,到而家生產廠房已經遍佈中國大陸、香港、澳門澳洲美國等地。

維他奶現時由香港上市公司維他奶國際集團有限公司香港交易所00345)管理,公司亦以「維他」作為旗下其他飲品,包括果汁牛奶類飲品,汽水蒸餾水同埋豆腐等產品嘅牌子。

歷史[編輯]

紙包裝維他奶

維他奶豆奶由創辦人羅桂祥博士研製。羅桂祥希望能夠為香港一般家庭提供一種又平、蛋白質又豐富嘅嘢飲,用嚟代替價格貴啲嘅牛奶。有「中國」稱號嘅大豆,含有豐富蛋白質、價錢又平,羅桂祥認為由大豆製成嘅豆奶,可以成為牛奶替代品,因此研製出維他奶。

維他奶豆奶於1940年4月3號面世,首間維他奶工廠位於香港島銅鑼灣記利佐治街,首日只賣出 6 支豆奶,賣港幣 6 仙。維他奶早期係由售貨員踩單車逐戶派送,加上早期維他奶冇經過消毒殺菌處理,產品容易變質,要即日飲,因此未受消費者歡迎,前每日大概賣到1,000支。

日治時期,維他奶工廠停工,香港重光後工廠恢復生產,並喺1950年搬去香港仔黃竹坑,除每日派送外亦透過零售商分銷方式銷售,1953年起,維他奶改以高溫加熱殺菌處理(UHT),唔使冷藏貯存,銷量開始大增,至 1950 年代中期已達每年1200 萬樽。最初維他奶推出嘅豆奶冇加工,1962年加入麥精維他奶,同年喺九龍觀塘工業區起新廠房。1987年新界屯門廠房落成,並成為集團總部。1994年3月30號,維他奶集團正式喺香港聯合交易所上市,首日股價大概 1.5 港元。同年喺中國廣東省深圳市嘅廠房正式投產。1998年,喺上海美國麻省艾爾市Nasoya廠房投產。

早期嘅維他奶以闊口牛奶樽售賣,後來改為裝汽水嘅玻璃樽。1975年首度從瑞典引入利樂包裝(Tetra Pak)鋁箔紙包裝保鮮設備,加入 250 毫升嘅紙包裝,並以超高溫消毒,令產品可以擺多個月。1976年維他奶以「維他」牌子,推出一系列果汁飲品,其後又喺1979年推出檸檬茶菊花茶等飲品。1984年推出375毫升大包裝,到1999年更推出小包裝嘅125毫升,方便啲細路去飲;現時更有355毫升鋁罐裝以及250毫升鐵罐裝出售。

由於維他奶推出時一直標榜自己嘅健康形象,以「點只汽水咁簡單」嘅口號作招徠,故此唔少校規比較嚴嘅學校亦破例畀維他奶喺學校小賣部寄賣。喺學校賣嘅維他奶一般係玻璃樽裝。喺寒冷嘅冬天飲小賣部賣嘅熱維他奶,係唔少香港人嘅童年回憶。

廣告宣傳[編輯]

維他奶曾經推出過幾個有特色嘅廣告。喺1950年代,維他奶推出過一系列嘅口號去賣佢營養豐富嘅優點:

  • 維他奶令你更高
  • 維他奶令你更強
  • 維他奶令你更健美

1970年代,廣告人紀文鳳為維他奶創作咗另一個深入民心嘅廣告口號:「維他奶 點只汽水咁簡單」,嚟話畀人聽佢比汽水更加健康。後來維他產品亦好多時會用電視廣告等等嘅媒體作宣傳:1993年,維他奶嘅電視廣告《鄉情》,由陳浩民主演主唱,而首歌曲就係用林子祥主唱嘅「誰能明白我」;故事係話有個爺爺橫過鐵路路軌幫個孫買維他奶,情節好似朱自清寫嘅文學作品《背影》中阿爸幫個仔買嘅故仔,用人情味去吸引觀眾注意。

維他奶廣告嘅路線開始比較創新大膽。喺1990年代後期,維他檸檬茶用過維園阿伯做電視廣告嘅主角。喺2000年嘅電視廣告入面,維他奶用復古嘅教育電視(ETV)風格嚟幫一啲上一代常用嘅詞,例如「搭訕」、「凍柑」等等嘅非正統字典解釋嚟吸引後生仔注意。2002年,維他純蒸餾水嘅廣告,就用咗律師同埋「波士」(即老闆)嚟做主題。喺2003年,維他奶出咗新口號「維他奶至緊要得你開心」。佢嘅電視廣告就用咗偷拍鏡頭嘅手法,當顧客拎起一包特製嘅道具維他奶嗰陣就會發出笑聲,嚟話畀觀眾知維他奶為顧客帶嚟歡笑。

2008年,維他奶改咗包裝,新口號係「一小步 一進步」。

生產設施[編輯]

而家,維他奶喺世界多個國家都有工廠,包括香港屯門中國深圳同埋上海、重有美國麻省艾爾市澳洲維多利亞省

香港屯門間廠喺1987年落成,面積34,000平方米,有生產線、總辦事處、產品發展、工程部等等唔同嘅部門。香港同深圳嘅廠房都得到ISO9001品質認證。

環保政策[編輯]

空樽循環再用[編輯]

維他奶曾經同香港兩間連鎖便利店7-11同埋OK便利店合作,推出維他奶空樽回收計劃。便利店會為每個退回嘅維他奶空樽回贈港幣5毫至1蚊,計劃獲得香港環保組織地球之友嘉許,地球之友亦希望其他飲品生產商推出類似嘅回收計劃。

無基因改造成份[編輯]

根據香港綠色和平組織嘅報告,維他奶同一啲著名乳製品生產商同樣被標籤為「綠色產品」,因為產品不含基因改造成份。

維他奶變味事件[編輯]

1995年10月,有顧客投訴維他奶飲品有類似火水味,維他奶回收市面上同類產品。

1995年12月1996年2月期間,有3名顧客飲咗未過期嘅麥精維他奶,發現有酸味,在傳媒報導事件後,維他奶嘅深圳廠房停產以及回收全部8百萬包紙包豆奶產品。但其後仍然有兩名顧客發現維他奶產品有酸味,結果維他奶香港屯門廠房亦全面停產,並回收所有包括豆奶及其他飲品。以1996年1月16日計算,回收嘅產品達到1300萬包。

事件發生後,香港衛生署對維他奶進行多次抽樣檢驗,喺51個樣本中,細菌含量以及各樣成份都冇超出標準,但為咗維持消費者嘅信心,維他奶決定請瑞典籍專家去香港廠房作詳細調查。調查發現問題源自包裝機,為確保產品質素,維他奶要將成條生產線拆除及重新組合。其後事件獲得解決,維他奶產品冇再發現有酸味。

產品[編輯]

維他奶豆奶[編輯]

維他奶豆奶現時有十種味道:

其中,Mocha喺2006年4月推出,紅豆同香芋喺同年8月推出,茉香同更新嘅朱古力味喺2007年6月推出,北海道蜜瓜味喺2008年6月推出。

鈣思寶大豆飲品[編輯]

鈣思寶係維他奶嘅高鈣豆奶牌子,宣傳口號係「大豆健美主義,點止高鈣咁簡單」。鈣思寶含質外,重有異黃酮卵磷脂奧米加3氨基酸等營養素。鈣思寶只含1.2%植物脂肪,冇膽固醇

  • 大豆營鈣
  • 大豆益纖
  • 大豆燕麥
  • 大豆膠原蛋白

山水鮮豆漿[編輯]

「維他山水」鮮豆漿,係維他奶為迎合香港人對健康生活嘅追求,加入更多鈣質(每100毫升含120毫克鈣)嘅鮮荳漿,鈣量高過一般鮮荳漿。

特級有機豆奶[編輯]

特級有機豆奶系列係利用有機成份製成,冇基因改造成份。呢系列有機維他奶榮獲英國有機組織Soil Association頒授證書,證明係天然有機產品。

  • 原味特級有機維他奶
  • 高鈣特級有機維他奶
  • 云呢拿味特級有機維他奶
  • 朱古力味特級有機維他奶

田園樂[編輯]

  • 維他奶田園樂

純豆漿[編輯]

  • 維他純豆漿

茶類飲品[編輯]

維他檸檬茶
  • 維他 SUPERICY
  • 維他檸檬茶
  • 維他LIGHT檸檬茶
  • 維他錫蘭檸檬茶
  • 維他菊花茶
  • 維他蜜糖味菊花茶
  • 維他杞子菊花茶
  • 維他蘆薈菊花茶
  • 維他LIGHT菊花茶
  • 維他蜂蜜綠茶
  • 維他蘋果綠茶
  • 維他檸檬綠茶
  • 維他花棋蔘綠茶
  • 維他鮮綠茶
  • 維他清心棧
  • 維他果然系
  • 維他茶字典
  • 維他烏龍茶
  • 維他白茶系列

維他鮮牛奶[編輯]

  • 純鮮牛奶
  • 「家庭奶」牛奶飲品
  • 高鈣低脂牛奶飲品
  • 朱古力牛奶飲品
  • 高鈣低脂朱古力牛奶飲品
  • 士多啤梨牛奶飲品
  • 維他乳酸味飲品

其他產品[編輯]

維他蒸餾水

冇再出嘅產品[編輯]

  • 維他奶豆腐花粉(六、七十年代)
  • 薄荷朱古力維他奶(1988年推出,250毫升盒裝,深啡色,印有方格朱古力同埋薄荷葉圖案)
  • 維他奶茶(1992年推出)
  • 維他咖啡(1992年推出,唔係「至尊咖啡」)

公司資料[編輯]

維他奶品牌現時由香港上市公司維他奶國際集團有限公司香港交易所0345,簡稱維他奶國際維他奶集團)管理,執行主席係羅友禮。截至2006年3月31日為止嘅年度,股東應佔溢利1.72億港元,營業額25.2億港元。

參考[編輯]

出面網頁[編輯]