SimCity BuildIt

出自維基百科,自由嘅百科全書
SimCity BuildIt
SimCity BuildIt
類型手機遊戲
開發Maxis
發行AndroidiOS

《SimCity BuildIt》中國大陸發行名叫做《模擬城市:我是市長》[1]模擬城市系列嘅創新版本,喺2014年10月23號開放[2],由藝電公司經營,可以喺iOS系統App 商店[2]Android系統Google Play 商店[3][4]進行免費下載。玩家可以自行揀買唔買,通常都係免費嘅,都可以離線玩遊戲(單機模式)。呢個遊戲下載量已經超過4000萬次,喺美國區域iOS版本嘅熱門遊戲排過入頭10名[5]

基本介紹[編輯]

起城市倉庫就可解鎖,最初嘅容量係40個,可以透過指定數量嘅3種道具(倉庫攝影機、倉庫鎖同倉庫杆)增加容量,一次可加5個容量[2][3]。起其他商店嚟整多啲建材[2][3][6];近期版本係只要達到一定嘅等級,商店可以升級,減少建材嘅生產時間[影片 1]。市長可以喺貿易倉庫揀建材銷售,銷售成功後可攞到模擬幣,市長都可以揀至全球貿易總部,用模擬幣購買需要嘅建材、道具[2][3][6]。能夠傾聽市民嘅需求嚟規劃佢哋想要嘅建設,藉以提升模擬市民嘅幸福指數,佢哋就會支付更多嘅稅金[2][3][6]。透過災害訓練可以提升市長嘅應變能力,做完後可以攞到金鎖匙[2][3][6][影片 2]貨船訂單送到時,喺指定時間內進行指定數量建材嘅收集,做完後可以攞到金鎖匙[2][3][影片 3]。有道路先可以進行建設,可以建造、升級或者拆除[2][3][影片 4]。起政府後解鎖,只要達到城市成就嘅條件,就可攞到SimCash[2][3][影片 5]。參加市長競賽去攞無法以SimCash同其他途徑攞到嘅白金鎖匙嚟買白金級城市發展建築。城市發展到極限時,需要嘅就係土地擴展,可以透過指定數量嘅三種道具(推土機排氣管、推土機車輪同推土機鏟刀)做土地擴展[2][3][影片 6]

服務[編輯]

消防局[影片 7]警察局,顧及模擬市民嘅安全;起抽水站、污水處理廠,維持模擬市民嘅水質;起醫院,維護模擬市民嘅健康。[2][3]另外都可以起三合一嘅Maxis莊園(上限4座,同時提供V博士嘅特殊物品);歐米茄區域就要控制網、無人機以保持運作,但唔使消防局、警察局、醫院。

住宅區[編輯]

目前分做一般住宅區(服務需求每幢1份量)、巴黎區(服務需求每幢2份量)[7]、倫敦區(服務需求每幢2份量)[8][9]、東京城鎮區(服務需求每幢2份量)[10][11]、史詩建築物(剩係可以從一般住宅區升級而成,服務需求每幢1份量)、歐米茄區域(服務需求每幢5份量)[12]。每幢史詩建築可產生1加速代幣部件。收集3加速代幣部件可生成1加速代幣,分烏龜(速度x2)、駱馬(速度x4)、獵豹(速度x12)共3種,用咗後可減少物品生產時間[影片 8]

城市發展[編輯]

模擬市民繁忙嘅時候,會到公園嚟抖抖氣;都需要綠色景觀;模擬市民需要重多嘅教育,增加多啲知識;交通工具都係需要模擬市民嚟搭[影片 9];模擬市民有時會喺海灘上、休閒娛樂嘅場所做唔同活動;博弈係模擬市民最鍾意賭博嘅地方;增加地標,去增加城市嘅文化水準;模擬市民有時會到禮拜堂進行精氣神方面上嘅補充。[2][3]海灘及山區可進行擴建動作[影片 10]。上面講嘅所有嘢都可以增加城市人口。

節慶限定嘅建築[編輯]

《模擬城市建造》嘅開發者為咗配合依家生活嘅節慶,陸陸續續推出節慶限定嘅建築,例如萬聖節聖誕節春節情人節復活節等等之類嘅建築[13][14][15][16]

地標[編輯]

粗體要用白金鎖匙買(唔可以用SimCash)

缺點[編輯]

城市名限制[編輯]

SimCity BuildIt雖然話畀玩家隨便改城市名,就唔接納玩家用同中共同粗口有關嘅字,例如「中共市」、「六四市」、 「習近平市」、「幹你娘」、「操你媽」、「屌」等,會顯示做「無效的城市名稱」[17]

冇鐵路[編輯]

由於SimCity BuildIt一直冇鐵路(山區火車、電車及懸浮列車除外),唔少玩家要求喺「交通」新增鐵路選項。所以,遊戲最近係部份地圖更新含有鐵路嘅橋樑,但暫時未知會唔會或者點樣加入鐵路元素。

參考[編輯]

網站或新聞[編輯]

  1. "SimCity BuildIt app撈稿". EA Mobile Games. 2014–12. 喺2015-08-03搵到.{{cite web}}: CS1 maint: date format (link)
  2. 2.00 2.01 2.02 2.03 2.04 2.05 2.06 2.07 2.08 2.09 2.10 2.11 2.12 "SimCity BuildIt on the App Store on iTunes". iTunes: App Store. Apple Inc. 2014-10-26. 喺2015-08-03搵到.
  3. 3.00 3.01 3.02 3.03 3.04 3.05 3.06 3.07 3.08 3.09 3.10 3.11 "SimCity BuildIt". Google Play. Google Inc. 2014-10-25. 喺2015-08-03搵到.
  4. "SimCity BuildIt announced for iOS and Android" (英文). CVG. 10 September 2014. 喺12 June 2011搵到.
  5. EA手遊《SimCity BuildIt》下載量破4000萬次 互聯網檔案館歸檔,歸檔日期2018年9月27號,.. 魔方網. 2015-06-09 [2016-03-07]. (臺灣正體)
  6. 6.0 6.1 6.2 6.3 Shiro (2014-12-17). SimCity BuildIt柯P都要甘拜下風!. 魔方網. 原著 (含遊戲介紹)喺2018-09-27歸檔. 喺2015-08-03搵到.
  7. Nick Tylwalk. SimCity BuildIt Brings London Town To Life 互聯網檔案館歸檔,歸檔日期2017年7月2號,.. Apptrigger. 2015-11-25 [2016-02-17]. (英文)
  8. Em "SimCity Buildit": atualização libera bairro de Londres, ônibus de dois andares e muito mais!. Purebreak Brasil. 2015-11-25 [2016-02-17]. (葡萄牙文)
  9. Nick Tylwalk. SimCity BuildIt Goes French With Paris Town Update 互聯網檔案館歸檔,歸檔日期2017年7月2號,.. Apptrigger. 2015-09-29 [2016-02-17]. (英文)
  10. Nick Tylwalk. SimCity BuildIt Tokyo Town Update Brings Japan To You 互聯網檔案館歸檔,歸檔日期2017年7月2號,.. Apptrigger. 2015-03-03 [2016-02-17]. (英文)
  11. 讓姬路城聳立起來吧!SimCity BuildIt 推出重大更新. Unwire. 2015-03-04 [2016-02-17]. (粵文)
  12. Nick Tylwalk. [1]. Apptrigger. 2016-06-14 [2016-06-19]. (英文)
  13. 甘~いバレンタインはSIMCITY BuildItで盛り上がろう! 互聯網檔案館歸檔,歸檔日期2016年2月25號,.. gooスマホ部 .2016-02-11 [2016-02-17].(日文)
  14. 迎春節 EA多款手遊推新年限定活動.中央通訊社.2016-02-04 [2016-02-17].(臺灣正體)
  15. '심시티 빌드잇' 설 맞이 업데이트 실시. 헤럴드경제 . 2016-02-04 [2016-02-17].(韓文)
  16. 手機遊戲寶藏猴塞雷 模擬城市新建物賀年 互聯網檔案館歸檔,歸檔日期2016年2月11號,.. Hinet生活網. 2016-02-11[2016-03-07].(臺灣正體)
  17. SimCity BuildIt疑自我審查 不讓玩家用近平城市名. [[本土新聞]]. 2016-06-18. 原著喺2016-07-27歸檔. 喺2017-08-20搵到.

影片[編輯]

出面網頁[編輯]