中國共產黨第二次全國代表大會

出自維基百科,自由嘅百科全書
跳去: 定向搵嘢

中國共產黨第二次全國代表大會於1922年7月16號至23號响上海召開。會址响當時嘅上海公共租界西區南成都路輔德里625號(而家上海成都北路7弄30號)李達嘅寓所。12人出席會議,代表全國195名黨員。

代表名單[編輯]

出席二大嘅代表有:中央局委員陳獨秀張國燾李達,上海嘅楊明齋,北京嘅羅章龍,山東嘅王盡美,湖北嘅許白昊,湖南嘅蔡和森,廣州嘅譚平山,中國勞動組合書記部代表李震瀛,中國社會主義青年團臨時中央局代表施存統

決議[編輯]

大會通過咗《中國共產黨第二次全國代表大會宣言》、《中國共產黨章程》以及《關於「世界大勢與中國共產黨」的議決案》、《關於「國際帝國主義與中國和中國共產黨」的決議案》、《關於「民主的聯合戰線」的議決案》、《中國共產黨加入第三國際決議案》、《關於議會行動議決案》、《關於「工會運動與共產黨」的議決案》、《關於少年運動問題的決議案》、《關於婦女運動的決議案》、《關於共產黨的組織章程決議案》等9個決議案。大會制定咗黨嘅綱領,重將成果响宣言中體現。大會重通過咗加入共產國際嘅決議。

呢次大會明確提出咗中國共產黨嘅最高綱領同最低綱領。黨嘅最高綱領,即最終目標係:「中國共產黨是中國無產階級的政黨。他的目的是要組織無產階級專政,用階級鬥爭的手段,建立勞農專政(即無產階級專政)的政治,鏟除私有制度,漸次達到一個共產主義的社會。」黨嘅最低綱領,即黨响民主革命階段嘅奮鬥目標同革命嘅基本任務係:「清除內亂,打倒軍閥,建設國內和平」;「推翻國際帝國主義的壓迫,達到中華民族完全獨立」;「統一中國為真正民主共和國」。

選舉[編輯]

大會選舉陳獨秀、張國燾、蔡和森、鄧中夏高君宇組成中央執行委員會,陳獨秀擔任委員長,蔡和森、張國燾分別負責黨嘅宣傳同組織工作。大會決定出版黨中央機關刊物《向導》,並由蔡和森任主編。

毛澤東冇參加二大[編輯]

毛澤東冇參加中國共產黨第二次全國代表大會。斯諾喺《西行漫記》中寫到,毛澤東曾經回憶:「第二次黨代表大會在上海召開,我本想參加,可是忘記了開會的地方,又找不到任何同志,結果沒能出席。」