中國共產黨第十二次全國代表大會

出自維基百科,自由嘅百科全書
Jump to navigation Jump to search

中國共產黨第十二次全國代表大會於1982年9月1號至11號响北京召開。參加這次大會嘅正式代表1600人,候補代表160人,代表着全國3965萬黨員。大會嘅主要議程係:(1)審議第十一屆中央委員會嘅報告,確定黨為全面開創社會主義現代化建設新局面而奮鬥嘅綱領;(2)審議同通過新嘅《中國共產黨章程》;(3)按照新黨章嘅規定,選舉新嘅中央委員會、中央顧問委員會同中央紀律檢查委員會。

鄧小平主持咗大會開幕式,並致開幕詞。佢高度咁評價咗呢次大會嘅歷史地位,認為呢次大會將係黨嘅第七次全國代表大會以嚟最重要嘅一次會議,佢重總結咗新中國建國以嚟嘅歷史經驗,正式提出咗「建設有中國特色嘅社會主義」嘅新命題。胡耀邦代表第十一屆中央委員會向大會作咗《全面開創社會主義現代化建設新局面》嘅報告。

大會通過嘅《中國共產黨章程》,適應改革開放同社會主義現代化建設嘅需要,對黨嘅民主集中制同各項組織制度、黨嘅紀律作咗更充分、更具體嘅規定。新黨章清除咗「十一大」黨章中仍肯定「無產階級專政下繼續革命嘅理論」等「左」嘅錯誤,吸收咗「七大」同「八大」黨章嘅優點,並根據新時期執政黨嘅特點,提出咗好多新嘅要求。大會通過咗《關於十一屆中央委員會報告的決議》、《關於〈中國共產黨章程〉的決議》和《關於中央紀律檢查委員會工作報告的決議》。大會選舉咗由210名中央委員同138名中央候補委員組成嘅中央委員會,選舉咗由172名委員組成嘅中央顧問委員會同由132名委員組成嘅中央紀律檢查委員會。

一中全會[編輯]

中國共產黨第十二屆中央委員會第一次全體會議於1982年9月12號至13號响北京舉行。出席會議嘅中央委員201人,候補中央委員138人。中央顧問委員會委員149人,中央紀律檢查委員會委員128人列席咗會議。全會第一日選舉產生咗中央領導機構。名單如下:

  1. 中央政治局委員、候補委員
  2. 中央政治局常務委員會委員:胡耀邦、葉劍英、鄧小平、趙紫陽、李先念、陳雲
  3. 中央委員會總書記:胡耀邦
  4. 中央書記處書記、候補書記
  5. 中央軍事委員會主席、副主席
    • 主席:鄧小平
    • 副主席:葉劍英、徐向前、聶榮臻、楊尚昆(常務副主席)

全會第二日批准咗中央顧問委員會全體會議選舉產生嘅主任、副主任同常務委員會委員人選,批准咗中央紀律檢查委員會全體會議選舉產生嘅書記同常務委員會委員人選。

二中全會[編輯]

中國共產黨第十二屆中央委員會第二次全體會議於1983年10月11號至12號响北京舉行。出席會議嘅中央委員201人,候補中央委員136人。中央顧問委員會委員150人,中央紀律檢查委員會委員124人,中央機關同地方黨委嘅負責人11人列席咗會議。

全會一致通過《中共中央關於整黨的決定》,明確規定咗整黨嘅基本方針、基本任務、基本政策同基本方法。選舉產生中央整黨工作指導委員會,胡耀邦任主任。萬里、余秋里、薄一波、胡啟立、王鶴壽為副主任,王震、楊尚昆、胡喬木、習仲勛、宋任窮為顧問。

全會依照黨章規定,決定遞補候補中央委員楊泰芳朗大忠(傣族)為中央委員。

三中全會[編輯]

中國共產黨第十二屆中央委員會第三次全體會議於1984年10月20號响北京舉行。出席全會嘅中央委員會委員同候補委員321人。中央顧問委員會委員、中央紀律檢查委員會委員,同埋地方、中央各有關方面嘅主要負責同志共297人列席咗會議。葉劍英因病未出席會議。

全會一致通過咗《中共中央關於經濟體制改革的決定》。呢個決定,根據馬克思主義基本原理同中國實際相結合嘅原則,闡明咗加快以城市為重點嘅成個經濟體制改革嘅必要性、緊迫性,規定咗改革嘅方向、性質、任務同各項基本方針政策,係指導中國經濟體制改革嘅綱領性文件。

全會重一致通過咗《中國共產黨第十二屆中央委員會第三次全體會議關於召開中國共產黨的全國代表會議的決定》。決定於1985年9月召開黨嘅全國代表會議,會議嘅議題係:(一)討論同通過關於國民經濟同社會發展第七個五年計劃綱要嘅建議;(二)增選中央委員會成員等組織事項。

四中全會[編輯]

中國共產黨第十二屆中央委員會第四次全體會議於1985年9月16號响北京舉行。出席呢次會議嘅有中央委員188人,候補中央委員129人;列席會議嘅有中央顧問委員會委員130人,中央紀律檢查委員會委員121人,重有中央黨政機關同各省、自治區、直轄市黨委嘅主要負責同志40人。葉劍英因病未出席會議。

全會決定,1985年9月18號召開中國共產黨全國代表會議。全會討論並原則通過咗《中共中央關於制定國民經濟和社會發展第七個五年計劃的建議(草案)》,決定將呢個文件提請黨嘅全國代表會議審議。

全會討論確定咗關於進一步實現中央領導機構成員新老交替嘅原則。全會收到咗葉劍英、鄧穎超、徐向前、聶榮臻、烏蘭夫、王震、韋國清、李德生、宋任窮、張廷發等64位同志唔再擔任第十二屆中央委員會委員或候補委員,李井泉蕭勁光何長工等37位同志請求唔再擔任中央顧問委員會委員,黃克誠王從吾李昌等30位同志請求唔再擔任中央紀律檢查委員會委員嘅信。全會高度評價呢啲老同志從黨同人民利益出發,積極促進中央領導機構成員新老交替嘅表率行動,同意佢哋唔再擔任中央三個委員會成員嘅請求,並向黨嘅全國代表會議報告。

全會畀葉劍英同黃克誠寫咗致敬信,响佢哋由於健康原因請求唔再擔任中央領導職務嘅時候,以全會嘅名義表達全黨同志對佢哋嘅崇高敬意同親切問候。

中國共產黨全國代表會議[編輯]

中國共產黨全國代表會議於1985年9月18號至23號响北京召開。會議通過《中共中央關於制定國民經濟和社會發展第七個五年計劃的建議》,批准一批老幹部唔再擔任三個中央委員會委員嘅請求,增選一批新成員進入中央三個委員會。

五中全會[編輯]

中國共產黨第十二屆中央委員會第五次全體會議於1985年9月24號响北京舉行。出席會議嘅有中央委員202人,候補中央委員128人;列席會議嘅有中央顧問委員會委員172人,中央紀律檢查委員會委員127人。唔再擔任中央三個委員會成員嘅老同志亦列席咗會議。

為適應新嘅形勢同任務嘅需要,按照進一步實現中央領導機構成員新老交替嘅原則,呢次全會對中央政治局常委提出嘅、經中央政治局反覆醞釀嘅候選人名單進行咗充分嘅討論,對中央政治局同中央書記處嘅成員進行咗局部嘅調整。

全會增選了田紀雲、喬石、李鵬吳學謙、胡啟立、姚依林為中央政治局委員。全會根據習仲勛、谷牧、姚依林嘅請求,同意佢哋唔再擔任中央書記處書記;增選咗喬石、田紀雲、李鵬、郝建秀、王兆國為中央書記處書記。

呢次全會重批准咗中央顧問委員會第五次全體會議增選嘅中央顧問委員會常務委員會委員同副主任人選;批准咗中央紀律檢查委員會第六次全體會議增選嘅中央紀律檢查委員會常務委員會同第二書記、常務書記、書記人選。

經調整後嘅中央領導機構嘅名單:

  • 中央委員會總書記:胡耀邦
  • 中央政治局常委:胡耀邦、鄧小平、趙紫陽、李先念、陳雲
  • 中央政治局委員(按姓氏筆劃為序):萬里、習仲勛、方毅、田紀雲、喬石、李鵬、楊尚昆、楊德志、吳學謙、余秋里、胡喬木、胡啟立、姚依林、倪志福、彭真
  • 中央政治局候補委員:秦基偉、陳慕華
  • 中央書記處書記:胡啟立、萬里、余秋里、喬石、田紀雲、李鵬、陳丕顯、鄧力群、郝建秀、王兆國

六中全會[編輯]

中國共產黨第十二屆中央委員會第六次全體會議於1986年9月28號响北京舉行。出席會議嘅有中央委員199人,候補中央委員126人。列席會議嘅有中央顧問委員會委員161人,中央紀律檢查委員會委員122人,有關負責同志25人。

會議通過咗《中共中央關於社會主義精神文明建設指導方針的決議》,根據馬克思主義基本原理同中國實際相結合嘅原則,進一步闡明咗社會主義精神文明建設嘅戰略地位、根本任務同基本指導方針,係新嘅歷史時期加強中國社會主義精神文明建設嘅綱領性文件。呢個決議對於推動中國物質文明建設同精神文明建設,促進全面改革同對外開放,建設具有中國特色嘅社會主義,產生深遠嘅影響。

全會通過咗關於召開中共第十三次全國代表大會嘅決議。

全會同意按照黨章嘅規定遞補尹長民為中央委員。

七中全會[編輯]

中國共產黨第十二屆中央委員會第七次全體會議於1987年10月20號响北京舉行。出席會議嘅有中央委員202人,候補中央委員122人。列席會議嘅有中央顧問委員會委員161人,中央紀律檢查委員會委員121人,有關負責同志39人。

全會決定,1987年10月25日响北京召開中共第十三次全國代表大會,全會討論並通過咗中央委員會向中共十三大嘅報告、《中國共產黨章程部分條文修正案》,一致決定將呢兩個文件提請中共第十三次全國代表大會審議。

全會討論並原則同意《政治體制改革總體設想》,決定將呢個文件嘅主要內容寫入中央委員會向中共十三次全國代表大會嘅報告。

全會確認1987年1月16號中共中央政治局擴大會議關於接受胡耀邦辭去中央委員會總書記職務嘅請求嘅決定同推選趙紫陽代理中央委員會總書記嘅決定,重確認1987年7月14號中共中央政治局關於撤銷沈圖中央委員職務嘅決定。