中國共產黨第十一次全國代表大會

中國共產黨第十一次全國代表大會於1977年8月12號至18號响北京召開，出席大會代表1510名，代表當時全國3500多萬黨員。

呢次大會，係响揭批江青集團進一步深入，各方面工作得以恢復同整頓，廣大群眾渴望對「文化大革命」同埋佢以前嘅「左」傾錯誤進行全面清理、撥亂反正嘅情況下召開嘅。

大會共有3項議程：（1）中央委員會嘅政治報告；（2）修改中國共產黨章程和關於修改黨嘅章程的報告；（3）選舉中央委員會。

華國鋒代表中央向大會作咗政治報告，主要內容係：第一，總結咗同江青反革命集團嘅鬥爭，批判咗他們炮製嘅「老幹部係『民主派』，『民主派』就係走資派」嘅反動公式，揭發咗佢哋篡黨奪權、策動反革命武裝叛亂嘅陰謀，宣告「文化大革命」以粉碎「四人幫」為標誌而結束。第二，繼續強調「以階級鬥爭為綱」，認為「第一次無產階級文化大革命嘅勝利結束，決唔係階級鬥爭嘅結束，決唔係無產階級專政下繼續革命嘅結束」。因此，今後依然要以兩個階級、兩條道路鬥爭為綱。第三，重申在响本世紀內把我國建設成為社會主義現代化強國係新時期黨嘅根本任務。為此，報告提出咗當前同今後一個時期黨嘅8項主要任務，要求黨中央抓綱治國嘅戰略決策响本年內初見成效，3年內大見成效。

葉劍英代表中央向大會作咗《關於修改黨的章程的報告》，從8個方面做咗說明。報告強調我哋黨只有以馬列主義、毛澤東思想作為自己嘅指導思想同理論基礎，先自能夠保持無產階級先鋒隊嘅性質；指出黨章寫入咗「在本世紀內，黨要領導全國各族人民把我國建設成為農業、工業、國防和科學技術現代化的社會主義強國」嘅內容嘅重要意義。

大會經過分組討論，通過咗關於政治報告嘅決議，通過咗關於修改黨嘅章程嘅報告同新修改嘅《中國共產黨章程》。大會選舉咗由201名委員和132名候補委員組成嘅中央委員會。鄧小平為大會致閉幕詞，強調一定要恢復同發揚毛澤東主席為黨樹立嘅群眾路線嘅優良傳統同作風，謙虛謹慎、戒驕戒躁、艱苦奮鬥嘅優良傳統同作風，民主集中制嘅優良傳統同作風，响全黨、全軍、全國努力造成一個又有集中又有民主、又有紀律又有自由，又有統一意志、又有個人心情舒暢、生動活潑，咁樣一種政治局面。

大會宣告歷時10年嘅「文化大革命」已經結束，重申建設社會主義嘅現代化強國嘅任務，但未能糾正「文化大革命」嘅「左」傾錯誤理論、政策同口號。

一中全會

中國共產黨第十一屆中央委員會第一次全體會議於1977年8月19號响北京舉行。會議選舉咗新一屆中央領導機構，名單如下：

中央委員會主席：華國鋒
中央委員會副主席：葉劍英、鄧小平、李先念、汪東興
中央政治局委員：華國鋒（以下按姓氏筆畫為序）、韋國清、烏蘭夫、方毅、鄧小平、葉劍英、劉伯承、許世友、紀登奎、蘇振華、李先念、李德生、吳德、余秋里、汪東興、張廷發、陳永貴、陳錫聯、耿飈、聶榮臻、倪志福、徐向前、彭沖
中央政治局候補委員：陳慕華、趙紫陽、賽福鼎
中央政治局常務委員會委員：華國鋒、葉劍英、鄧小平、李先念、汪東興

二中全會

中國共產黨第十一屆中央委員會第二次全體會議於1978年2月18號至23號响北京舉行。全會為第五屆全國人民代表大會同中國人民政治協商會議第五屆全國委員會嘅召開，作咗政治上、思想上同組織上嘅準備。全會對中共中央政治局提出嘅各項文件進行咗認真嘅討論。會議通過《政府工作報告》、《1976至1985年發展國民經濟10年規劃綱要（草案）》、《中華人民共和國憲法修改草案》同《關於修改憲法的報告》，決定提請第五屆全國人民代表大會第一次會議審議。通過全國人民代表大會常務委員會組成人員、國務院總理同國務院其他組成人員、最高人民法院院長、最高人民檢察院檢察長、政協全國委員會常務委員會組成人員嘅候選人名單，決定分別提請五屆人大同五屆政協會議討論。通過中華人民共和國國歌嘅新歌詞，亦決定提請五屆人大會議討論。

三中全會

中國共產黨第十一屆中央委員會第三次全體會議於1978年12月18號至22號响北京舉行。出席會議嘅有中央委員169名，候補中央委員112名。中央同地方有關部門嘅負責人列席咗會議。

全會嘅中心議題係討論將全黨嘅工作重點轉移到社會主義現代化建設上嚟。呢次會議被普遍認為係中國共產黨歷史上同中華人民共和國建國以嚟具有深遠意義嘅會議，被稱為係「新時代嘅遵義會議」。

全會作出咗從1979年起，將全黨工作重點轉移到社會主義現代化建設上嚟嘅戰略決策。响經濟建設問題上，從糾正急於求成嘅錯誤傾向同全黨要注意解決好國民經濟重大比例嚴重失調等問題出發，必須採取一系列新嘅重大措施，對陷於失調嘅國民經濟比例關係進行調整，對過分集中嘅經濟管理體制著手認真嘅改革。

全會重新確定咗中國共產黨正確嘅思想路線，批判「兩個凡是」嘅錯誤方針，充分肯定咗必須完整、準確咁掌握同運用毛澤東思想嘅科學體系，高度評價咗關於真理標準問題嘅討論，確定咗解放思想，開動腦筋，實事求是，團結一致向前看嘅指導方針。

全會重新確立咗中國共產黨正確嘅政治路線，果斷咁停止使用「以階級鬥爭為綱」呢個唔適用於社會主義社會嘅口號，否定咗中共十一大沿襲嘅「文化大革命」中嘅所謂「無產階級專政下繼續革命」，以及「文化大革命」今後重要進行多次等「左傾」錯誤觀點。

全會重新確立咗中國共產黨嘅正確嘅組織路線，決定响組織上健全黨規黨紀，健全黨嘅民主集中制，反對接受同製造個人崇拜，加強集體領導。

全會重審查同解決咗中國共產黨嘅歷史上一批重大冤假錯案同一啲重要領導人嘅功過是非問題，其中包括關於1959年廬山會議對彭德懷等人嘅錯誤批判同錯誤結論、關於薄一波等61人案件、關於「反擊右傾翻案風」同天安門事件嘅錯誤文件，以及對鄧小平1975年工作嘅評價。全會認為，過去果種脫離黨同群眾嘅監督，設立專案機構審查幹部嘅方式，弊病極大，必須永遠廢止。

全會提出咗要注意解決好國民經濟重大比例嚴重失調嘅要求，制訂咗加快農業發展嘅決定，同意將《中共中央關於加快農業發展若干問題的決定（草案）》同《農村人民公社工作條例（試行草案）》發到省、自治區、直轄市討論同試行。為將農業搞上去，必須首先响農村實行改革，推行聯產計酬責任制。

全會提出咗健全社會主義民主同加強社會主義法制嘅任務。

呢啲具有重大意義嘅轉變，標誌住黨重新確立咗馬克思主義嘅思想路線、政治路線同組織路線，開始形成咗以鄧小平為核心嘅第二代中央領導集體。

全會增選陳雲為中央政治局委員、政治局常務委員、中央委員會副主席；鄧穎超、胡耀邦、王震為中央政治局委員；增補黃克誠、宋任窮、胡喬木、習仲勛、王任重、黃火青、陳再道、韓光、周惠9人為中央委員（1982年8月30日中共十二大預備會議予以追認）。

為咗維護黨規黨法，切實搞好黨風，全會決定建立中央紀律檢查委員會。全會選舉陳雲為中央紀律檢查委員會第一書記，鄧穎超為第二書記，胡耀邦為第三書記，黃克誠為常務書記，王鶴壽等為副書記。

四中全會

中國共產黨第十一屆中央委員會第四次全體會議於1979年9月25號至28號响北京舉行。出席呢次會議嘅有中央委員189人，候補中央委員118人，另有16名中央機關同地方黨委嘅負責同志列席咗會議。華國鋒主持會議並講話。呢次全會討論同通過咗葉劍英代表中共中央、人大常委會同國務院响慶祝中華人民共和國成立三十周年大會上嘅講話同《中共中央關於加快農業發展若干問題的決定》。

全會通過協商和無記名投票，增補王鶴壽、劉瀾波、劉瀾濤、安子文、李昌、楊尚昆、周揚、陸定一、洪學智、彭真、蔣南翔同薄一波12位同志為中央委員，準備在黨嘅第十二次代表大會時，請求對呢啲增補手續予以追認。全會選舉中央政治局候補委員趙紫陽同中央委員彭真為中央政治局委員。

五中全會

中國共產黨第十一屆中央委員會第五次全體會議於1980年2月23號至29號响北京舉行。參加會議嘅有中央委員201人，候補中央委員118人，另有各地方部門負責人37人列席咗會議。全會經過充分討論作出以下決定：一、決定提前召開黨嘅第十二次全國代表大會，對黨嘅十一大未能解決嘅重大問題加以完善解決。二、增選胡耀邦、趙紫陽為中央政治局常委。重新設立中央書記處，選舉胡耀邦為中央委員會總書記，萬里、王任重、方毅、谷牧、宋任窮、余秋里、楊得志、胡喬木、胡耀邦、姚依林、彭沖為中央書記處書記。三、通過咗《中國共產黨章程》（草案）。準備將草案提交黨嘅十二大審議通過。四、通過咗《關於黨內政治生活的若干準則》共12條，總結咗黨幾十年嚟處理黨內關係嘅經驗教訓。五、決定徹底為劉少奇平反，恢複名譽。撤銷黨嘅八屆十二中全會強加畀佢嘅「叛徒、內奸、工賊」嘅罪名同將佢「永遠開除出黨，撤銷其黨內外一切職務」嘅錯誤決議。恢復劉少奇作為偉大嘅馬克思主義者同無產階級革命家、黨同國家主要領導人之一嘅名譽，因劉少奇問題受株連造成嘅冤假錯案，由有關部門予以平反。六、批准咗汪東興、紀登奎、吳德、陳錫聯4位同志辭職嘅請求。免去或提請免去佢哋所擔任嘅黨同國家嘅領導職務。七、建議全國人大修改憲法第四十五條，取消公民「有運用大鳴、大放、大辯論、大字報嘅權利」嘅規定。

六中全會

中國共產黨第十一屆中央委員會第六次全體會議於1981年6月27號至29號响北京舉行。出席會議嘅有中央委員195人，候補中央委員114人。有關方面負責人53人列席咗會議。呢次全會嘅主要內容係通過《關於建國以來黨的若干歷史問題的決議》，對建國32年來中共嘅重大歷史事件特別係「文化大革命」作出咗正確嘅總結，科學咁分析咗响呢啲事件中中共嘅指導思想嘅正確同錯誤，分析咗產生錯誤嘅主觀因素同社會原因，實事求是咁評價咗偉大領袖同導師毛澤東响中國革命中嘅歷史地位，充分論述咗毛澤東思想作為中共嘅指導思想嘅偉大意義。徹底否定咗「文化大革命」同「無產階級專政下繼續革命」嘅理論。

全會一致同意華國鋒辭去中共中央主席同中共中央軍事委員會主席職務嘅請求。選舉胡耀邦為中央委員會主席；趙紫陽、華國鋒為中央委員會副主席；鄧小平為中央軍事委員會主席；由胡耀邦、葉劍英、鄧小平、趙紫陽、李先念、陳雲、華國鋒組成中共中央政治局常務委員會。增選習仲勛為中共中央書記處書記。

七中全會

中國共產黨第十一屆中央委員會第七次全體會議於1982年8月6號响北京舉行。出席會議嘅有中央委員185人，候補中央委員112人，列席21人。全會決定，1982年9月1號召開中國共產黨第十二次全國代表大會。全會審議並通過咗中央委員會向黨嘅第十二次全國代表大會嘅報告，審議並通過咗《中國共產黨章程（修改草案）》，決定將呢兩個文件提交黨嘅第十二次全國代表大會審議。

全會討論並通過咗分別畀劉伯承、蔡暢嘅致敬信。全會決定响佢哋因年高久病，唔再擔任領導職務之際，以全會嘅名義表達全黨同志對佢哋嘅親切問候同崇高敬意。