中國共產黨第三次全國代表大會

出自維基百科,自由嘅百科全書
Jump to navigation Jump to search

中國共產黨第三次全國代表大會於1923年6月12號至20號响廣州召開。會址位於廣州東山恤孤院路后街31號(而家恤孤院路3號)。陳獨秀李大釗毛澤東蔡和森陳潭秋惲代英瞿秋白張國燾李立三項英等來自全國各地同莫斯科嘅代表近40人出席大會,佢哋代表咗全國420名黨員。共產國際代表馬林出席咗會議。陳獨秀主持會議並代表第二屆中央執行委員會作報告。

大會嘅主要議程有三項:

  • 討論黨綱草案
  • 討論同國民黨建立革命統一戰線問題
  • 選舉黨嘅中央執行委員會

會議嘅中心議題係討論同國民黨合作、建立革命統一戰線嘅問題。陳獨秀喺報告中,着重說明咗中國共產黨決定同國民黨建立革命統一戰線嘅依據同過程。班代表就共產黨員以個人身份加入國民黨、建立革命統一戰線嘅問題進行咗熱烈嘅討論。

大會選舉陳獨秀、蔡和森、李大釗、譚平山王荷波、毛澤東、朱少連、項英、羅章龍等9人為中央委員,鄧培張連光徐梅坤李漢俊鄧中夏5人為候補中央委員,由陳獨秀、蔡和森、毛澤東、羅章龍、譚平山(後由於譚平山調職,改為王荷波)5人組成中央局,陳獨秀為委員長,毛澤東為秘書,羅章龍擔任會計,負責中央日常工作。

中共三大根據馬克思列寧主義嘅策略原則同共產國際嘅指示,結合中國革命嘅具體情況,充分發揚民主,响分析中國社會矛盾同明確中國革命性質嘅基礎上,正確解決咗建黨初期黨內喺國共合作問題上存在嘅重大分歧,統一咗全黨嘅認職,正式確定咗共產黨員以個人身份加入國民黨,同國民黨進行黨內合作嘅策略方針,令黨能夠團結一切可能聯合嘅力量,共同完成反帝反封建嘅民主革命任務。

中共三大之後,响中國共產黨嘅推動下,孫中山先生對國民黨進行咗改組,確定咗聯俄、聯共、扶助農工嘅三大政策,召開咗國共合作嘅中國國民黨第一次全國代表大會,第一次國共合作正式建立,全國掀起咗聲勢浩大、轟轟烈烈嘅反帝反封建嘅革命群眾運動,順利進行咗北伐戰爭,促進咗中國革命嘅高漲。但係,大會對於無產階段領導權問題、農民問題同埋軍隊問題冇被應有嘅重視。

中共三大完嗰日,班代表嚟到黃花崗烈士墓前,响瞿秋白嘅指揮下高唱《國際歌》。中國共產黨第三次代表大會,就喺《國際歌》聲中閉幕。

出面網頁[編輯]