亞洲奧林匹克理事會

出自維基百科,自由嘅百科全書
亞奧理事會會員分佈圖

亞洲奧林匹克理事會Olympic Council of Asia;英文縮寫OCA),簡稱亞奧理事會,總部位於科威特,係國際奧委會授權,管理亞洲地區嘅奧運會、洲際賽事同埋國際體育賽事,並且負責亞洲地區奧運嘅發展同將佢嘅精神發揚光大嘅機構,重負責解決亞洲國家、地區之間或同其他非亞洲國家、地區之間發生嘅體育糾紛。

亞洲奧林匹克理事會嘅宗旨係:促進亞洲體育運動嘅發展。亞洲奧林匹克理事會現時擁有45個成員,佢哋主辦嘅最大活動係每4年一屆嘅亞洲運動會。為咗提高亞洲人嘅體育水平同提供更多嘅較量機會,亞奧理事會除設立亞運會之外,亦設立咗亞洲冬季運動會同埋亞洲沙灘運動會,令區內有更豐富嘅體育交流活動。

歷史[編輯]

亞奧理事會嘅前身係1949年2月13號喺印度新德里成立嘅亞洲業餘體育聯合會,後來改名做亞洲運動會聯合會,總部設响科威特。1981年11月26號同1982年11月16號,亞洲運動會聯合會先後舉行兩次會議,決定將亞洲運動會聯合會改名做亞洲奧林匹克理事會

大事記[編輯]

  • 1949年3月13號,亞洲運動會聯合會响印度新德里成立。
  • 1981年11月26號成立,亞洲運動會聯合會改名,總部設喺科威特。
  • 1992年4月,亞奧理事會接納中亞五國哈薩克吉爾吉斯塔吉克土庫曼烏茲別克為會員國。

會徽[編輯]

第一代會徽係採用亞奧理事會會徽到2006年亞洲運動會。會徽中間嘅太陽代表亞洲運動嘅發展同埋推廣。上面係奧運五環,而在下面寫上「Ever Onward」[1];而响會徽下面就寫咗「Olympic Council of Asia」嘅字樣。

第二代會徽2006年12月2號喺多哈亞運會舉行期間公佈。新會徽中間係一輪太陽,太陽上面盤繞一條,下面環繞一隻[2]。代表亞洲嘅團結。而會徽下面有國際奧委會嘅會徽同「Olympic Council of Asia」字樣。新會徽即日開始用,但係响首個使用新會徽嘅運動會係2007年亞洲室內運動會[3]。12月底,亞奧理事會嘅官方網頁已逐步換上新會徽。

亞奧理事會成員[編輯]

會員資格[編輯]

  1. 必須具有真正嘅獨立自主性、能夠抵制一切來自政治、經濟、宗教方面嘅壓力。
  2. 擁有參加亞運會項目嘅全國或地區單項體育組織。
  3. 擁有處理本國或地區一切有關亞運會事務嘅權力機構。

會員申請程序[編輯]

  1. 將申請報告遞交亞奧理事會主席
  2. 主席審閱後提交執行委員會討論
  3. 執行委員會通過後交代表大會表決

組成機構[編輯]

  • 亞奧理事會代表大會
  • 執行委員會(由主席、副主席、秘書長、司庫同每個小組委員會嘅主席共23人組成)
  • 主席

歷屆主席[編輯]

[編輯]

  1. 亞奧理事會嘅格言係「永遠向前」
  2. 亞奧理事會新會徽發佈:中國巨龍在會徽上騰飛
  3. 澳門日報喺2006年12月5號嘅報導

出面網頁[編輯]