伍崇曜

出自維基百科,自由嘅百科全書
Jump to navigation Jump to search
伍崇曜
《入粤伍氏族谱》的伍崇曜.jpg
良輔
紫垣
原名 伍元薇
出世 1810年
廣東廣州
1863年12月4號
廣東廣州
屋企 廣州河南溪峽
別名 伍紹榮
伍紫垣
伍浩官
職業 茶行商人
知名作品 《粵雅堂詩鈔》
《粵雅堂叢書》
鄉下 福建泉州府晉江縣安海
頭銜時期 1833年~1856年
前任 伍元華
仔女 伍紹棠(大仔)
父母 伍秉鑑(老頭)
親屬 伍元芝(大哥)
伍元蘭(二哥)
伍元莪(三哥)
伍元華(四哥)
伍元芳(六弟)
伍元菘(七弟)
伍元茅(八弟)
伍元蕙(九弟)
伍元葵(十弟)
伍元藻(孻細佬)
《怨氣歌》
「伍紫垣頂上,六百萬講和」

伍崇曜粵拼ng5 sung4 jiu6英文Howqua Ⅳ[1]1810年1863年12月4號),本名元薇jyun4 mei4),字良輔loeng4 fu6),號紫垣zi2 wun4),商名紹榮siu6 wing4),係清朝商人伍秉鑑嘅第五個仔[2][3]廣州十三行怡和行第五任行商,十三行總商,伍氏入粵七世祖[2][4]。佢曾經係全球最有錢嘅商人之一,屬「買辦」階層,善於喺清朝廷同英國人之間waat3旋,喺世界上有一定影響力[5]。當時廣東人認為佢同外國佬勾結,將佢當成漢姦[6]

伍崇曜身兼商人、藏書家、刻書家,喺主管怡和行嘅同時,出錢刻錄珍貴典籍,包括《粵雅堂叢書》、《楚庭耆舊遺詩》等。

生平[編輯]

  • 道光三年(1823年),伍崇曜以童生嘅身份入縣學[2][3]
  • 道光十一年(1831年),英國紅毛番為咗做生意方便,想響珠江邊搭一個碼頭,叫怡和行派人出面同官府講呢件事,於是伍崇曜就去廣東官府講。當時嘅廣東巡撫聽到之後,嬲到想殺伍崇曜,嚇到佢二哥伍受昌跪響地下個幾鐘,收尾粵海關嘅監督來求情,伍崇曜先唔使死[5]
  • 道光十三年(1833年),伍受昌病死[3][4],伍崇曜接手怡和行[5]
  • 道光十八年(1838年),伍崇曜收到風,知林則徐會來十三行禁煙,就靜靜雞同義律旗昌行[7]
  • 道光十九年(1839年),林則徐來廣州,話伍崇曜包庇外國鴉片交易。於是伍崇曜同鴉片商販打同通,求其收繳咗1037箱鴉片送去官府呃林則徐。林則徐知道呢單嘢之後,抓伍崇曜痞監,跟住又放返佢[7]
  • 道光二十年(1840年),懿律、義律率領英國「遠征軍」艦隊去大沽口威脅朝廷,要求懲辦林則徐、鄧廷楨。無幾耐兩個人畀朝廷罷免,於是伍秉鑑、伍崇曜兩仔爺趁住呢個機會,同朝廷嘅投降派合作[6]
  • 道光二十一年(1841年),英國對華全權代表義律攻佔沙角砲臺同大角砲臺,逼朝廷簽《穿鼻草約》,要求賠款六百萬[7]。後尾簽埋《廣州和約》。最終,伍崇曜拎出六百萬銀元代表清政府出面講和[8]。《怨氣歌》裡面嘅「伍紫垣頂上,六百萬講和」,就係講呢單嘢[8]
  • 道光二十二年(1842年),朝廷抽調伍崇曜去參與南京條約談判。但係大臣耆英急住投降,所以伍崇曜未到南京,條約就已經簽落。無幾耐,伍崇曜經過耆英推荐,成為「洋務委員」[6]
  • 道光二十七年(1847年),英國佬諗住租廣州河南石圍塘同新荳laan1街口等地,廣州百姓強烈反對,但係伍崇曜竟然將新荳欄南首柵嘅四間舖屋租畀英國佬[6]
  • 道光二十九年(1849年),當時爆發反入城鬥爭,兩廣總督徐廣縉派伍崇曜向英國駐香港總督文翰同英國商人解釋,表示要暫時停止貿易,要求外國侵略者暫時放棄入城要求,避下反入城鬥爭嘅風頭。事後,徐廣縉上奏章請求褒獎伍崇曜,話佢一向畀中外各商家睇重,而廣東各商人可以齊心停止貿易對抗紅毛番,都係伍崇曜一個人嘅功勞。噉道光皇帝就獎咗伍崇曜一個三品官銜[6]
  • 道光三十年(1850年),伍崇曜出錢編修《粵雅堂叢書》,由譚瑩校對編訂[4]
  • 咸豐四年(1854年),廣東天地會起義,陳開李文茂帶兵圍廣州城,伍崇曜出錢招兵撐葉名琛去殺農民起義軍,重建議引英國佬來鎮壓農民起義,但係葉名琛無採納[6]
  • 咸豐五年(1855年),伍崇曜因為捐錢整紅單船,攞到咗布政使嘅頭銜,二品官[3][6]小鳳餅亦響呢年誕生[9]
  • 咸豐六年(1856年),一場大火燒到十三行,連伍崇曜嘅粵雅堂亦走唔甩[4]。怡和行損失大量資產,伍崇曜亦結束洋行總商嘅生涯[1]
  • 咸豐七年(1857年),正值第二次鴉片戰爭,英國紅毛番打到來廣州。因為伍崇曜曾經係洋行總商,慣同英國人打交道,官府就叫佢出面去調停[8],廣東巡撫柏貴發公文派伍崇曜搵英國駐廣州領事巴夏禮。嗰兜友竟然當堂冚咗伍崇曜一巴,搞到伍崇曜好尷尬[5],但係之後伍崇曜又扮到談笑自若噉款,重畀柏貴笑「神色倉皇,畏巴如虎,實在可憐」[6]。但呢個係無奈嘅舉措,作為特殊商人,佢只能係噉[5]
  • 咸豐八年(1858年),伍崇曜畀地方啲戲班師傅辦「慶上元」童子班。當時,80隻豆釘屎嘅伙食、住宿、練功、演出都響伍家嘅花園[4]
  • 同治二年(1863年),伍崇曜過身,享年五十四[2]
「伍氏紫垣」·伍崇曜嘅印章
「伍氏紫垣」·伍崇曜嘅印章

貢獻[編輯]

粵雅堂叢書·書影

伍崇曜中意畫畫、寫詩[7]、睇大戲[4],個人作品有《茶村詩話》、《粵雅堂詩鈔》等[6],重響白鵞潭附近起粵雅樓[4],同潘仕成海山仙館孔廣陶三十三萬卷樓康有為萬木草堂,併稱「粵省四家」[10] 。伍崇曜係藏書家,成日四圍搵各類孤本、秘本、善本;佢重係個出版家,為咗真正嘅經典可以留傳,而唔係由得應對八股考試嘅文章充斥市面,佢用幾十年刻書,畀公眾見識到大量珍貴嘅典籍[4]。道光十一年(1831年),伍崇曜開始刻《嶺南遺書》第一集[4]。因為要睇住家族生意,到咗道光三十年(1850年),伍崇曜出錢請南海舉人、學者譚瑩幫手校刻典籍[4][7],刻《粵雅堂叢書》。到1875年(伍崇曜過身十二年),伍氏刻咗二千四百幾卷書,其中《嶺南遺書》五十九種,三百四十三卷;《粵十三家集》一百八十二卷;《楚庭耆舊遺詩》七十四卷;《粵雅堂叢書》一百八十種,千幾卷;《輿地紀勝》二百卷。呢項工程對古籍嘅保存流傳同文化發展有重大意義[6][7]

梁啟超對伍崇曜喺出資刻書方面亦表示少少肯定[6]

其時刻書之風甚盛,……其餘則多有欲借此自顯,聘名流董其事,乃至販鴉片起家之伍崇曜,亦有粵雅堂叢書之刻。而其書且以精審聞,他可推矣。夫此類之人,則何與於學問,然固不能謂其於茲學之發達無助力。

—— 梁啟超《清代學術概論》

[編輯]

  1. 1.0 1.1 冷東、趙春晨、章文欽、楊宏烈 (2012). 廣州十三行歷史人文資源調研報告. 廣州: 廣州出版社. 第 141頁.  ISBN 978-7-5642-1181-7
  2. 2.0 2.1 2.2 2.3 安海伍氏族譜. 廣州河南. 
  3. 3.0 3.1 3.2 3.3 黃任恆 (2012). 黃佛頤, 編. 番禺河南小志. 廣州: 廣東人民出版社. 第 350-351頁. ISBN 978-7-218-07096-4. 
  4. 4.0 4.1 4.2 4.3 4.4 4.5 4.6 4.7 4.8 4.9 新快報 (2012年12月25號). "伍崇曜致力刻書藏書 興建粵雅堂與萬木草堂齊名(圖、文)". 新快網. (原先內容喺2016年3月5號歸檔). 喺2015年8月15號搵到. 
  5. 5.0 5.1 5.2 5.3 5.4 范小靜 (2014年8月5號). "十三行故事:伍秉鑑與他的家族". 南方網. (原先內容喺2015年7月27號歸檔). 喺2015年8月15號搵到. 
  6. 6.00 6.01 6.02 6.03 6.04 6.05 6.06 6.07 6.08 6.09 6.10 戴學稷 等, 編 (1985). 鴉片戰爭人物傳. 福建: 福建教育出版社. 
  7. 7.0 7.1 7.2 7.3 7.4 7.5 廣州地方誌 (2010年1月6號). "伍崇曜:世界史上最富有的人之一". 廣州網. (原先內容喺2015年5月24號歸檔). 喺2015年8月16號搵到. 
  8. 8.0 8.1 8.2 "一百多年前的廣州话民謠". 羊城晚報. 金羊網. 2012年5月5號. (原先內容喺2012年5月5號歸檔). 喺2015年8月15號搵到. 
  9. "「老鄉老鄉,幾時出省城?省城最有名,成珠雞仔餅」". 新快報. 21.CN. 2014年8月30號. (原先內容喺2015年10月4號歸檔). 喺2015年8月15號搵到. 
  10. 王美怡 (2015年6月25號). "廣州沉香筆記(連載)". 廣州日報. 廣東人民出版社. (原先內容喺2015年8月4號歸檔). 喺2015年8月16號搵到.