何詩蓓

何詩蓓
出生日	1997年10月31號（25歲）
出生地	香港
國籍	香港、愛爾蘭共和國
母校	密芝根大學、聖保祿中學、聖保祿天主教小學
職業	泳手
	[改維基數據]
	睇; 傾; 改;

何詩蓓（英文：Siobhan Bernadette Haughey，愛爾蘭蓋爾文：Siobhán Bernadette Ní hEochaidh，1997年 10月31號—），係香港女泳手，擅長自由式。

簡歷[編輯]

屋企[編輯]

何詩蓓喺香港出世，阿爸係愛爾蘭人^[1]（叔公係前愛爾蘭共和國總理查理·豪伊），阿媽係香港人，喺香港金融管理局任職風險管理經理^[2]，家姐何雅舒亦係泳手^[3]。何詩蓓本身講得一口流利廣東話。

學歷[編輯]

何詩蓓讀過聖保祿天主教小學同聖保祿中學。中學時期做過校內辯論隊成員，亦做過班長。2015年喺香港中學文憑試攞到7科35分嘅成績，包括通識教育（5**）、英文（5*）、數學（5）、企業會計與財務概論（5）、中文（4）、化學（4）同英語文學（4），之後去美國密芝根大學攻讀心理學。

運動員生涯[編輯]

2014年，何詩蓓喺2014年亞洲運動會代表中國香港喺4×100米自由式接力、4×200米自由式接力同4×100米混合泳接力都攞到銅牌。

2021年7月28號，何詩蓓喺2020年夏季奧林匹克運動會嘅女子200米自由式決賽游出1分53秒92破亞洲紀錄嘅成績，以0.42秒僅敗於澳洲選手艾莉雁迪瑪絲（英文：Ariarne Titmus）而攞到銀牌；兩日後喺女子100米自由式決賽游出破亞洲紀錄嘅52秒27，以0.31秒僅敗於澳洲選手愛瑪麥基昂（英文：Emma McKeon）攞到銀牌。何詩蓓成為香港史上頭一位奧運會游水運動獎牌得主，更加係香港史上第一位攞到多過一面奧運獎牌嘅運動員。

2021年12月16號，何詩蓓喺阿聯酋首都阿布扎比出戰游泳短池世錦賽嘅女子200米自由泳決賽，以1分50秒31衝線而攞到金牌，成為香港第一位世界冠軍泳手，兼以0.12秒之差打破瑞典名將施祖唐保持嘅1分50秒43舊嘅世界紀錄，成為香港第一位女子游泳世界紀錄保持者^[4]。

個人榮譽[編輯]

香港傑出青少年運動員（中文：香港傑出運動員選舉）（2013年、2014年）
香港傑出運動員（中文：香港傑出運動員選舉）（2017年、2019年）
行政長官社區服務獎狀（2018年）^[5]

攷[編輯]

↑ 房伊媚 (2021年7月28號). 〈東京奧運｜何詩蓓奪銀　愛爾蘭駐港澳總領事館：鄉親父老以你為傲〉. 《香港01》 (繁體中文).
↑ 陶嘉心 (2021年7月28號). 〈何詩蓓奪銀　母親任職金管局經理　大批同事今早捧場開心如嫁女〉. 《香港01》 (繁體中文).
↑ 鄧煥儀 (2021年7月27號). 〈東京奧運│23歲混血何詩蓓DSE 35分　8級鋼琴赴美讀呢間大學〉. 《香港01》 (繁體中文).
↑ 何詩蓓破世界紀錄　奪短池200自世界冠軍港將首揚威世錦賽
↑ 〈二〇一八年授勳名單　附件：二〇一八年獲授勳銜及嘉獎人士的嘉許語〉 (PDF) (新聞稿) (繁體中文). 香港政府新聞公報. 2018年7月1號. p. 38.

出面網頁[編輯]

呢篇同香港運動員相關係楔位文。歡迎幫維基百科擴寫佢。

[1] 房伊媚 (2021年7月28號). 〈東京奧運｜何詩蓓奪銀　愛爾蘭駐港澳總領事館：鄉親父老以你為傲〉. 《香港01》 (繁體中文).

[2] 陶嘉心 (2021年7月28號). 〈何詩蓓奪銀　母親任職金管局經理　大批同事今早捧場開心如嫁女〉. 《香港01》 (繁體中文).

[3] 鄧煥儀 (2021年7月27號). 〈東京奧運│23歲混血何詩蓓DSE 35分　8級鋼琴赴美讀呢間大學〉. 《香港01》 (繁體中文).

[4] 何詩蓓破世界紀錄　奪短池200自世界冠軍港將首揚威世錦賽

[5] 〈二〇一八年授勳名單　附件：二〇一八年獲授勳銜及嘉獎人士的嘉許語〉 (PDF) (新聞稿) (繁體中文). 香港政府新聞公報. 2018年7月1號. p. 38.

[1]

[2]

[3]

[4]

[5]

何詩蓓

目錄