佛頭洲稅關遺址

出自維基百科,自由嘅百科全書
跳去導覽 跳去搵嘢

座標: 22°16′48.98″N 114°16′3.25″E / 22.2802722°N 114.2675694°E / 22.2802722; 114.2675694 佛頭洲稅關遺址香港遺址一處,法定古蹟,原本係大清後期稅關,有稅關廠。遺址喺新界佛頭洲清水灣半島西南對出。將軍澳填咗海,去佛頭洲稅關遺址,就咁行過將軍澳工業邨入。

背景[編輯]

佛頭洲,香港東南洋面,東入鯉魚門,西出佛堂門,北泊將軍澳,南通南海,正正喺廣東沿海要道。英國一八四二年,得香港島,一八六〇年,得九龍半島。按大清與大英之協議,大清要收關稅,香港一帶屬九龍關管。同治七年,一八六八年,大清起稅關,收關稅,主要有三,汲水門長洲佛頭洲。佛頭洲,就近域多厘海口。海口出入南海,經鯉魚門,就見到佛頭洲稅關。一八九八年,英國租借新界,佛頭洲歸英治,稅關作廢。

遺址[編輯]

遺址喺佛頭洲西岸,有一沙灘。側邊有佛頭洲村,姓祖籍惠陽。約莫一八八五年,葉慶福同族人,搬到佛頭洲開村[1]。即係話香港開埠之後,設關之後,而喺租新界之前。

稅關廠原有屋幾間,亦有福德宮,即土地廟。舊圖灘中,有石橋入海作埠,方便泊船。如今石橋已失,稅關廠只留石基。

重新發現[編輯]

一九三五年,旅人黃佩佳,曾提及佛頭洲西面小灣,有白沙如銀。清季喺度設過稅關廠,當時已頹垣斷瓦。

一九六二年,香港教師朱維德,洲上發現石碑殘斷。當時香港政府未加注意。及至一九七九年,古物古蹟辦事處考察該址,發現石柱、石板同基石,又見刻字石條,斷成四截,上刻「德懷交趾國貢賦遙通」,下刻「稅廠值理重修」,當屬稅關無疑。就咁定為稅關遺址。遺址有佛頭洲福得宮。石條同福得宮香爐,移咗去香港歷史博物館展覽。

[編輯]

  1. "將軍澳古村(三):佛頭洲村".

出面網頁[編輯]