借錢

借錢係一類商業活動，存在嚮貸款市場，主要角色人物係包括借方、貸方、擔保人等，其次重有押品、還款人、收數佬、介紹人咁。

借錢可以分為無抵押貸款同抵押貸款兩類。

無抵押貸款

銀行貸款

借錢唔使交出抵押品，例如信用卡貸款、銀行透支戶口等。無抵押貸款若果冇錢還，就只有搵專人去追數。收數佬可能係外判嘅專業收數公司。

財務公司

有牌嘅，借錢唔使抵押品，不過利息會高過銀行。

高利貸

高利貸俗稱大耳窿，多數都係無抵押貸款，要人事擔保。貸方會起清借方個底，姓名、身份證影印本、擔保人公司名同埋住址、電話，方便日後追數。

有抵押貸款

典當鋪貸款

押品係貴重日用品實物，例如首飾、手錶、手機等。

樓宅按揭

借方係買樓申請按揭貸款嘅顧客。押品係層樓，合約規定依期供樓還款。

出入口押匯

出口商同入口商都向銀行貸款，借錢做國際貿易生意，抵押品係貨物加公司董事擔保。

睇埋

• 貸款
• 國債
• 外債
• 朋友
• 本金
• 利息
• 信用卡