協同和機器廠

出自維基百科,自由嘅百科全書
協同和機器廠
廣州市文物保護單位
喺邊荔灣區沖口
民國建築
時代民國
7-75
登錄2008年12月19號
地圖

 協同和機器廠粵拼hip3 tung4 wo4 gei1 hei3 cong2英文Hip Tung Wo Machine Shop[註 1],文革期間嗌過廣州柴油機廠gwong2 zau1 caai4 jau4 gei1 cong2,係中國廣東廣州嘅一間舊機械工廠,喺1911年起,1922年起好,位置喺荔灣區芳村宏信922創意園入面。佢係華南地區最大嘅柴油機專業製造廠,中國第一臺柴油機就喺呢間工廠入面誕生。而家呢間工廠係以知識為生產力嘅創意產業。

[編輯]

舊時協同和出嘅機械製作書

大清宣統三年(1911年),何謂文陳沛霖陳拔挺筛廣森四人夾手一齊喺芳村大沖口一帶搞咗工廠,最初,協同和自己整咗之後被嗌成「米磨二號」嘅輾米機,嗰時係廣州地區喺輾米機械方面嘅一項全新技術改革。由於臺輾米機輾出啲米又白又齊整,加上俾好多人歡迎,結果引起同行關注。同行嘅筛廣森參加投資重招攬外股,從而資金漲到三萬蚊大洋,而股東重多到廿幾人。

協同和後嚟改行做機械維修,重喺拍賣行買咗舊機器嚟翻新再賣出。民國四年(1915年)開始整柴油機,時隔一年又成功模仿英式70馬力船用二衝程柴油機。喺嗰時,中國大陸其它地方聞所未聞。跟住第二年,航商梁墨緣等廿幾間航運公司同米機廠啲波士一齊加入協同和股份,從而股東多到百幾人。由於佢有咁多錢,所以生產規模好快擴大咗,用咗廿八完大洋買咗新式錘床車床試驗台等設備,重起埋木樣間等工場。同年重成功整咗100馬力柴油機。第一次世界大戰喺1919年結束後,外國機械工業又開始發展得好快,之前㷫咗無耐嘅協同和嘅生意開始下降,逼住靠維修同幫人客裝機械嚟謀生,重根據航商提意見而修改,令機械完善咗好多。結果工廠工業重新受到關注。佢唔單止出輾米機同內燃機,重整埋榨油機榨糖機同礦用機械等。

1931年,工廠出咗廿二萬大洋喺香港搞咗分廠,規模同廣州總廠差唔多。1938年日軍入侵廣州期間,大部分技術工人同機械分別搬到同被轉運到香港同海南島一帶,凈得返50部機器響度。1945年日軍投降之後,工廠幾經周折,以陳拔挺為首嘅先至收返工廠,喺解放戰爭前無耐先至有90幾位工人返嚟出內燃機、輾米機同榨油設備。但生產總值重低過1914年。

廣州解放之後,喺私營機械業當中,協同和算規模比較大,設備比較完善同有一定技術含量嘅機械工廠。嗰時整同維修柴油、煤氣發動機、輾谷機同抽水機同仿各式機床都俾人民政府大力支持咗。同時政府幫工廠出咗好多錢同訂咗好多貨。嗰時協同和接到嘅訂貨任務多籮籮,霸咗五分之四嘅生產總額,從而發展同恢復得好快。嚟工廠入面打工啲人去到超過300人。

1954年,工廠實行公私合營;1966年受到文革破四舊浪潮影響而改名做「廣州柴油機廠」,直到2005年全部搬走為止。後嚟工廠被改為創意藝術館,當年9月俾廣州市人民政府列入為市級登記文物,直到2008年12月19號被正式列為文物。而文物名改返舊時用過嘅「協同和機器廠」。

[編輯]

  1. 個名係固有化嘅名,工廠正門上面嘅招牌係噉寫。

連出去[編輯]