壯族通史
《壯族通史》係黃現璠同埋佢嘅學生張一民教授、黃增慶研究員合作嘅一本通史作品。呢本書由廣西民族出版社響1988年11月出版，全書69.5萬字，被公認為中國第一部全面系統研究壯族歷史文化嘅通史作品[1] 。
內容綱要
[編輯]『呢本書以豐富充實嘅史料為佐證，詳盡地論述咗壯族嘅起源，全面地介紹咗壯族各個歷史時期嘅政治、經濟、文化諸方面嘅發展狀況。佢係家下我國第一部壯族通史，本書豐富咗我國少數民族歷史嘅研究成果，亦為壯族史嘅研究提供咗較新較全嘅資料，係不可多得嘅參考書。』[2]
特點
[編輯]本書最突出、鮮明嘅特點係廣征博引，史論結合，平實不虛同埋從實立論。『《壯族通史》開創出自成格局、規模恢宏、堪足傳世嘅大型民族通史嘅寫作先例。呢本書自成一體，係研究壯族歷史嘅獨創之作。佢以鮮明嘅理論創新同富於開拓性嘅研究為其特色，提出咗新嘅學科命題，並結合壯族史料予以實證。因此，佢唔單只因對壯族歷史作出全面、系統嘅論述而具有重要嘅學術理論價值，重為廣大學者研究壯族提供咗不可或缺嘅參照。』『佢為呢本通史傾註咗全部精力同心血，可話數十年如一日地苦心孤詣磨一劍。本書具有好高嘅學術研究價值、史料積累價值同深切嘅現實意義。』[3]
影響
[編輯]美國俄亥俄州立大學馬克·本德爾教授重講：『黃現璠教授等著嘅《壯族通史》，史料豐富，學術價值極高，為國際民族學界開山之作。由此，開拓出壯學研究嘅一代風氣。』[4]呢本書發行後好鬼流行，深深咁影響住後人。因此後世一啲人尊稱佢為「壯學宗師」[5] [6]。
評價
[編輯]《壯族通史》出版後，陸續得到好多評論。好似廣西壯族自治區政府前主席覃應機同韋純束都有好評，覃主席喺書入面寫嘅序話到：『呢本書係今時今日我所知嘅第一部壯族通史。佢嘅出版，豐富咗我國少數民族歷史嘅研究成果，將會增進壯族同其他兄弟民族之間嘅了解，密切各民族之間嘅關系，促進中華民族嘅團結，為建設有中國特色嘅社會主義做出貢獻。』[7] 韋主席亦話：『《壯族通史》係我國第一部壯族通史，極大地豐富咗我國少數民族研究嘅成果。佢開拓咗壯學研究嘅一代風氣，因此可以咁講，黃老係我國20世紀學術事業嘅奠基人之一。』[8]
受獎
[編輯]- 1990年桂林市第二次社會科學優秀成果一等獎
- 1987-1990年度廣西社會科學優秀成果一等獎
目錄
[編輯]- 前言
- 第一章：廣西壯族係土著人民（第1-59頁）
- 第二章：原始社會（第60-140頁）
- 第三章：商周時期（第141-171頁）
- 第四章：秦漢時期（第172-225頁）
- 第五章：三國兩晉南北朝時期（第226-274頁）
- 第六章：隋唐五代十國時期（第275-308頁）
- 第七章：宋元時期（第309-353頁）
- 第八章：明清時期（第354-414頁）
- 第九章：中華民國時期（第415-515頁）
- 第十章：文化同藝術（第516-651頁）
- 第十一章：生活同習俗（第652-741頁）
- 第十二章：古代壯族人民嘅鬥爭（第742-785頁）
- 第十三章：現代壯族人民嘅鬥爭（第786-830頁）
- 結論：壯族人民對祖國嘅貢獻（第831-836頁）
- 附錄：廣西壯族地區嘅城縣歷史記錄表（第837-880頁）
- 後記：（第881-882頁）
睇埋
[編輯]註
[編輯]- ↑ 黃現璠等：《韋拔群評傳》黃榮寫嘅代序一，廣西師範大學出版社，2008年9月。
- ↑ 《民族文獻提要1949～1989》第626-627頁，雲南教育出版社，1991年4月。
- ↑ 潘榮才：《黃現璠和他的<壯族通史>》，載《廣西文史》2000年第1期。
- ↑ 黃現璠：《古書解讀初探——黃現璠學術論文選》馬克·本德爾寫嘅序三，廣西師範大學出版社，2004。
- ↑ 莫君：《壯學宗師黃現璠》，載《廣西日報》，2002年9月3日。
- ↑ 馬勝芝：《黃現璠：中國現代民族學奠基人之一》，載《左江日報》，2010年11月19日。
- ↑ 黃現璠等：《壯族通史》覃應機寫嘅序文，廣西民族出版社，1988年11月第1版。
- ↑ 黃現璠：《古書解讀入門——黃現璠學術論文選》韋純束寫嘅序一，廣西師範大學出版社，2004年7月。