大西洋憲章

大西洋憲章
英文：Atlantic Charter
	憲章嘅印冊版
簽署日期	1941年8月12號， 83年之前
簽署地點	大英帝國嘅紐芬蘭
簽署者	羅斯福; 邱吉爾

《大西洋憲章》 (英文：Atlantic Charter) 係一份英國同美國喺1941年8月簽嘅憲章，成立兩個國家喺二次大戰之後嘅目標。英美兩國亦喺1942年1月1號簽咗《聯合國共同宣言》，成為今時今日聯合國嘅基礎。

呢份憲章嘅影響絕對唔細，因為係西方國家直接明確咁支持去殖民化，包括解散英國自己嘅大英帝國。

背景

大西洋憲章正式表明美國喺二次大戰對英國嘅支持，代替咗原本嘅中立國地位。

條文

憲章嘅條文總共有8條：

美國同英國同意唔會喺戰後擴大自己嘅領地
任何領土嘅改動一定要先由當地嘅人民同意
所有人都有民族自決嘅權利
國家之間應該擴大自由貿易
所有國家會喺全世界嘅經濟發展同社會福利上一齊合作
參與嘅國家同意會努力，創造一個冇任何貧窮或者恐懼嘅世界
參與嘅國家同意會支持公海自由
有份發動攻擊嘅國家喺戰後會需要裁軍

反應

軸心國

喺軸心國嘅國家之中，呢份憲章一般都被睇成係針對佢哋。對於納粹德國，英國嘗試用呢份憲章嚟影響民意。佢哋曾經散播過幾百萬份單張，鼓勵德國人對抗自己嘅政府，因為英國應承咗唔會喺經濟上歧視任何國家嘅人，所以咁樣可以維持到佢哋德國人自己嘅經濟利益^[1]。

殖民帝國

有唔少爭議唔係嚟自軸心國，而係嚟自同盟國國家，因為佢哋自己好多都有殖民地，包括英國本身、法國、蘇聯、同荷蘭等等。其中邱吉爾唔認為民族自決嘅權利係應該喺戰後即刻實行，而只係喺概念上嘅認同，到之後先再做。

大英帝國

自從憲章確認咗所有人嘅民族自決權之後，大英帝國嘅殖民地嘅居民，開始基於呢個權利而要求獨立^[2]^[3]。

雖然美國堅持份憲章係有需要確保民族自決嘅權利^[4]，但係邱吉爾仍然反對，認為呢個權利只係適用喺軸心國嘅佔領地區，並唔包括大英帝國 ^[5]。其中英屬印度嘅甘地非常反對呢個睇法^[6]。美國總統羅斯福見住場仗仍然需要同盟國團結，所以決定將呢個議題暫時放埋一邊，到打完仗先再傾^[7]。

法蘭西帝國

對於法蘭西殖民帝國，因為法國自己都畀德國佔領緊，所以冇咁大迴響。其中喺摩洛哥支持獨立嘅人，曾經喺殖民政府嘅大廈外面示威抗議^[8]。

蘇聯

波蘭嘅流亡政府因為希望攞返納粹德國某啲地方，所以曾經同英國要求過彈性咁處理波蘭嘅情況^[9]。

邱吉爾曾經要求蘇聯喺戰後繼續控制波羅的海國家，而羅斯福到1944年3月先肯同意^[10]。雖然美國喺意識形態上並唔同意英國嘅立場，但係同時亦冇特別堅持^[11]。

2021年新憲章

喺2021年6月10號，美國總統拜登同埋英國首相約翰遜喺峰會期間，一齊推出《新大西洋憲章》^[12]^[13]。美國白宮發聲明，表示呢份憲章係“基於喺80年前制定嘅方針，繼續迎接21世紀帶嚟嘅新挑戰”^[14]。

睇埋

《十四點和平原則》
《世界人權宣言》

攷

↑ Sauer, Ernst (1955). Grundlehre des Völkerrechts, 2nd edition (德文). Cologne: Carl Heymanns. p. 407.
↑ Bayly, C.; Harper, T. (2004). Forgotten Armies: The Fall of British Asia, 1941–1945. Cambridge, MA: Belknap Press. ISBN 978-0-674-01748-1.
↑ Elkins, Caroline (2022). Legacy of Violence: A History of the British Empire (英文). Knopf Doubleday. p. 257. ISBN 978-0-593-32008-2.
↑ Louis, William Roger (Summer 1985). "American Anti-Colonialism and the Dissolution of the British Empire". International Affairs. 61 (3): 395–420. doi:10.2307/2618660. ISSN 0020-5850. JSTOR 2618660.
↑ Crawford, Neta C. (2002). Argument and Change in World Politics: Ethics, Decolonization, and Humanitarian Intervention. Cambridge, UK: Cambridge University Press. p. 297. ISBN 978-0-521-00279-0.)
↑ Sathasivam, Kanishkan (2005). 'Uneasy Neighbors: India, Pakistan, and US Foreign Policy. Surrey, UK: Ashgate Publishing, Ltd. p. 59. ISBN 978-0-7546-3762-2.
↑ Borgwardt, Elizabeth (2007). A new deal for the world: America's vision for human rights. Harvard University Press. p. 29. ISBN 978-0-674-28191-2.
↑ Stenner, David (2019). Globalizing Morocco : transnational activism and the post-colonial state. Stanford, California. p. 21. ISBN 978-1-5036-0900-6. OCLC 1082294927.
↑ Prażmowska, Anita (1995). Britain and Poland, 1939–1943: the betrayed ally. Cambridge, UK: Cambridge University Press. p. 93. ISBN 978-0-521-48385-8.
↑ Whitcomb, Roger S. (1998). The Cold War in Retrospect: The Formative Years. Westport, CT: Praeger. p. 18. ISBN 978-0-275-96253-1.
↑ Louis, William Roger (1998). More adventures with Britannia: Personalities, Politics and Culture in Britain. London: I.B.Tauris. p. 224. ISBN 978-1-86064-293-7.
↑ "Biden, Johnson sign new Atlantic Charter on trade, defense amid Covid recovery". NBC News (英文). 10 June 2021. 喺10 June 2021搵到.
↑ Sanger, David E.; Shear, Michael D. (2021年6月10號). "Eighty Years Later, Biden and Johnson Revise the Atlantic Charter for a New Era". 《紐約時報》.
↑ "The New Atlantic Charter". 白宮. 2021年6月10號.

[1] Sauer, Ernst (1955). Grundlehre des Völkerrechts, 2nd edition (德文). Cologne: Carl Heymanns. p. 407.

[2] Bayly, C.; Harper, T. (2004). Forgotten Armies: The Fall of British Asia, 1941–1945. Cambridge, MA: Belknap Press. ISBN 978-0-674-01748-1.

[:0-3] Elkins, Caroline (2022). Legacy of Violence: A History of the British Empire (英文). Knopf Doubleday. p. 257. ISBN 978-0-593-32008-2.

[4] Louis, William Roger (Summer 1985). "American Anti-Colonialism and the Dissolution of the British Empire". International Affairs. 61 (3): 395–420. doi:10.2307/2618660. ISSN 0020-5850. JSTOR 2618660.

[5] Crawford, Neta C. (2002). Argument and Change in World Politics: Ethics, Decolonization, and Humanitarian Intervention. Cambridge, UK: Cambridge University Press. p. 297. ISBN 978-0-521-00279-0.)

[6] Sathasivam, Kanishkan (2005). 'Uneasy Neighbors: India, Pakistan, and US Foreign Policy. Surrey, UK: Ashgate Publishing, Ltd. p. 59. ISBN 978-0-7546-3762-2.

[7] Borgwardt, Elizabeth (2007). A new deal for the world: America's vision for human rights. Harvard University Press. p. 29. ISBN 978-0-674-28191-2.

[8] Stenner, David (2019). Globalizing Morocco : transnational activism and the post-colonial state. Stanford, California. p. 21. ISBN 978-1-5036-0900-6. OCLC 1082294927.

[9] Prażmowska, Anita (1995). Britain and Poland, 1939–1943: the betrayed ally. Cambridge, UK: Cambridge University Press. p. 93. ISBN 978-0-521-48385-8.

[10] Whitcomb, Roger S. (1998). The Cold War in Retrospect: The Formative Years. Westport, CT: Praeger. p. 18. ISBN 978-0-275-96253-1.

[11] Louis, William Roger (1998). More adventures with Britannia: Personalities, Politics and Culture in Britain. London: I.B.Tauris. p. 224. ISBN 978-1-86064-293-7.

[12] "Biden, Johnson sign new Atlantic Charter on trade, defense amid Covid recovery". NBC News (英文). 10 June 2021. 喺10 June 2021搵到.

[13] Sanger, David E.; Shear, Michael D. (2021年6月10號). "Eighty Years Later, Biden and Johnson Revise the Atlantic Charter for a New Era". 《紐約時報》.

[14] "The New Atlantic Charter". 白宮. 2021年6月10號.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]