天水圍公共圖書館
天水圍公共圖書館（英文：Tin Shui Wai Public Library）係香港一間執咗笠嘅公共圖書館，舊址喺新界元朗區天水圍新市鎮嘉湖銀座（而家嘅置富嘉湖）二期1樓101至102號，服務天水圍南居民，面積1,570平方米，由康樂及文化事務署管理。2001年10月12號開館，2013年2月27號之後停止服務。
史
[編輯]1997年11月3號，臨時區域市政局轄下嘅元朗區委員會考慮到2006年元朗區人口會升至597,500，而區內得一間喺壽富街元朗政府合署嘅元朗公共圖書館，於是決定喺天水圍新市鎮起一間天水圍公共圖書館[1]。但係圖書館遲遲未起好，所以要開爾間臨時嘅。2001年10月12號，天水圍公共圖書館開館[2]。
2007年香港立法會文件話天水圍公共圖書館好受區內居民歡迎，每日平均外借圖書館資料4,682件。喺圖書館嘅繁忙時間，每個鐘頭平均有約莫2,200人次到訪，每日有12,000人次到訪[3]。
《香港特別行政區憲報》喺2013年1月2號登咗由康樂及文化事務署署長馮程淑儀簽嘅命令，宣佈新圖書館「屏山天水圍公共圖書館」自同年2月28號起投入服務，而嘉湖銀座嘅「天水圍公共圖書館」自同一日起唔再開放[4]。天水圍公共圖書館嘅原址已經改咗做香港賽馬會投注站[5]同太興燒味[6]。
攷
[編輯]- ↑ 〈相關文件〉。原著喺2005年9月14號歸檔。喺2020年12月29號搵到。
- ↑ 〈建設及建築物 － 公共圖書館〉。《香港地方》。原著喺2019年5月13號歸檔。喺2013年3月9號搵到。
- ↑ 〈立法會民政事務委員會天水圍公共圖書館兼體育館二零零七年五月十一號討論文件〉 (PDF)。
- ↑ 〈《2013年圖書館指定 (修訂) 令》〉 (PDF)。香港特別行政區政府。喺2013年1月11號搵到。
- ↑ 〈服務時間及地址 - 場外投注處 - 投注途徑〉。香港賽馬會。喺2014年1月4號搵到。
- ↑ 〈分店資料〉。太興飲食集團。2016。喺2016年12月9號搵到。