大會堂公共圖書館

大會堂公共圖書館（英文：City Hall Public Library）係一間喺中環香港大會堂嘅公共圖書館，喺香港大會堂高座入面，1962年3月啟用^[1]。圖書館嘅設備完善，畀市民好多類型嘅借書服務。圖書館而家由香港康樂及文化事務署管理。1976年加咗音響圖書館，嚮2003年大會堂公共圖書館重新裝修同擴建參考圖書館。

大會堂公共圖書館係香港戰後第一間公共圖書館^[2]。雖然18世紀後期至19世紀早期，香港匯豐銀行總行大廈現址隔離嘅舊香港大會堂同樣整咗一間圖書館，由香港嘅英資集團出錢搞，但華人用呢間圖書館有好多限制。隨住華人地位嘅提升，新大會堂嘅圖書館，先爭取到有而家平等嘅狀況。

以前班後生，好鍾意去大會堂公共圖書館睇書，大多數係知識分子。所以去大會堂公共圖書館同埋中環天星碼頭，係香港唔少市民嘅集體回憶。

喺香港中央圖書館嚮2001年成立之前，大會堂公共圖書館係香港公共圖書館的總部。大會堂公共圖書館成立開頭得2萬本書，開館之後頭一個月就發出咗1萬張借書證，每人每次只可以借1本書，而兩個市政局時期嘅參考圖書館已經嚮2003下半年重組成工商業圖書館，另5字樓變咗基本法圖書館。

設施樓層

11樓	參考圖書館、工商業圖書館、多媒體資料中心
10樓	參考圖書館（入口）、創造力及創新資源中心
9樓	報刊閱覽室
8樓	演奏廳、推廣活動室
7樓	展覽館、南／北會議室
6樓	電腦資訊中心、香港公共圖書館電腦組總辦事處
5樓	成人借閱圖書館、基本法圖書館
4樓	成人借閱圖書館
3樓	成人借閱圖書館（入口）、借還書處
2樓	兒童圖書館
1樓	婚姻登記處
地面	圖書館衣物間