屏山天水圍公共圖書館
 |
座標: 22°26′50″N 114°00′17″E / 22.447256°N 114.004781°E
屏山天水圍公共圖書館（英文：Ping Shan Tin Shui Wai Public Library）係香港新界元朗區嘅一間圖書館，屬康樂及文化事務署轄下香港公共圖書館系統管理嘅主要圖書館，樓面面積 6,100 平方米[1]，係香港規模第二大嘅公共圖書館，僅次於總館香港中央圖書館，位於屏山聚星路１號屏山天水圍文化康樂大樓高座。喺2013年2月28號啟用，係香港第一間設有戶外閱讀環境嘅公共圖書館[2]。圖書館主要為元朗區，以至成個新界西北區居民服務[3]。
名[編輯]
規劃同起嗰時曾經叫做「新天水圍公共圖書館」，之後依照康文署參照附近設施同附近道路名稱嘅場地命名指引，正式命名為上述嘅名[4]。名包咗屏山同天水圍兩笪地方，同南丫島南段公共圖書館及南丫島北段公共圖書館同樣有十個中文字，係香港公共圖書館系統中名最長嘅圖書館之一，而英文名就係系統中最長，有三十一個羅馬字母[5]。為咗方便稱呼，使用者通常嗌呢間圖書館做「屏山圖書館」或者「天水圍圖書館」，不過「天水圍圖書館」亦可指位處天澤邨嘅天水圍北公共圖書館[6]。
歷史[編輯]
1997年11月3號，臨時區域市政局轄下嘅元朗區委員會考慮到元朗區人口喺2006年將增加至59萬多人，而區內又只有一間喺壽富街元朗政府合署嘅元朗公共圖書館，故此元朗區委員會決定喺天水圍新市鎮起天水圍公共圖書館[7]。但係圖書館遲遲未落成，故此需要興建臨時天水圍公共圖書館（即此圖書館），功能係喺天水圍公共圖書館落成前，為天水圍南居民提供服務。臨時圖書館於2001年10月12號開館[8]。
根據2007年香港立法會文件表示，天水圍公共圖書館好受區內居民歡迎，平均每日外借圖書館資料為 4682 件。圖書館繁忙時間，平均每個鐘大約兩千到訪人次，每日有 12000 到訪人次[9]。
2011年11月，香港政府新聞公報及報章《am730》聲稱該圖書館會於2012年年底啟用[10]。圖書館嘅自修室在2012年11月19號首先投入服務，而喺2013年1月2號，時任康樂及文化事務署署長馮程淑儀簽署命令，宣布新圖書館（即呢間圖書館）自同年2月28號起投入服務，而位於嘉湖銀座的圖書館由同一日起唔再開放[11]。天水圍公共圖書館嘅原址已改建成香港賽馬會投注站同太興餐廳[12][13]。
該圖書館係為咗取代此前位於嘉湖銀座嘅天水圍公共圖書館而興建，該館雖用咗約十年，一直屬臨時性質。喺臨時區域市政局解散後，特區政府計劃喺天福路同屏廈路交界（近西鐵綫天水圍站）起新嘅圖書館同埋綜合大樓，樓面面積按新主要圖書館規格6,200平方米而建[1][14]。最後喺2013年2月28號啟用[15]。
設計[編輯]
圖書館由建築署（溫灼均建築師）設計，參考咗屏山傳統建築風格，加埋石磚、木屏風同生銹鐵物料[16]，建築師希望呢到達到「傳統與現代共融」嘅效果[17]。棟樓全層都有花圃同綠化平台，玻璃幕牆可以將自然光線引到館入面[18]，日頭慳翻七成電[19][20]。圖書館環境保護設計攞到香港建築師學會頒授2011年年獎 —— 全年境內建築大獎[21]。之後攞到2012年香港工程師學會卓越結構大獎（香港項目），無幾耐又攞埋 2014年亞洲最具影響力設計獎優異獎[22]。
設施及館藏[編輯]
圖書館七層樓，面積六千一百平方米[1]。除咗有成人圖書館、兒童圖書館同參考圖書館之外，係一樓亦都有青少年圖書館[15]，係全港第二間有青少年圖書館嘅公共圖書館[23]。而三樓報刊閱覽部隔籬嘅小說天地，係專門擺唔同款小說嘅區域[24]。而一樓學生自修室提供 228 個位[25]。
圖書館開頭藏書約 270,000 本[26]，依加多咗去到 330,000 本，有 15,000 件錄音資料同唯讀記憶光碟、參考館藏（包括香港特藏及地區特藏、一般參考圖書、字典及指南等）就有 30,000 本。除咗噉，館都有咖啡閣同綠化天台[27][24][28][29]。
樓層[編輯]
| 樓層 | 設施 | 圖片 | |
|---|---|---|---|
| 七樓 | 職員專用（唔對外開放） | ||
| 六樓 | 參考圖書館 綠化平台 洗手間 |
 六樓參考圖書館 |
 六樓綠化平台 |
| 五樓 | 成人圖書館（中文書籍） 多媒體資料圖書館 |
 五樓成人圖書館（中文書籍） | |
| 四樓 | 成人圖書館（英文書籍） 電腦資訊中心 洗手間 |
 四樓成人圖書館（英文書籍） | |
| 三樓 | 成人圖書館（小說天地） 報刊閱覽部 推廣活動室、庭院（戶外閱讀區） 咖啡閣、洗手間 |
 三樓圖書館外設戶外庭園，讀者可將書本拎出去戶外 | |
| 二樓 | 兒童圖書館 圖書館出入口（唔會開放） 育嬰間、洗手間 |
 二樓兒童圖書館幼兒圖書角 | |
| 一樓 | 青少年圖書館 中庭（室外閱讀區） 圖書館出入口 洗手間 學生自修室（需由另一個出入口入去） |
 一樓青少年圖書館 | |
| 地下 | 圖書館出入口、圖書館辦公室 顧客服務台、特快歸還服務、借還書處 展覽廳、讀者教育廳 互聯網資訊站、衣物間 |
 圖書館正門 |
 地下大堂 |
使用狀況[編輯]
呢個館係成個元朗區最多人用嘅公共圖書館，每日平均到訪人數有三至四千人次，平均借出嘅資料數量係三至四千件[30]。另外，呢個館亦係全港第一間喺夜晚舉辦活動嘅公共圖書館，有成七十個中學生2013年10月11喺通宵係圖書館入面做多項活動[31]。
爭論[編輯]
雖然呢個圖書館設計夠創新，攞到幾個建築獎，有啲人叫呢間圖書館係「香港最靚公共圖書館」[29]。但係圖書館規則同香港所有嘅圖書館一樣，唔畀公眾進行影相同錄影[32]。呢間圖書館對唔畀影相，拍片嘅管理比圖書館重更加嚴，康文署喺場內各層出入口、服務台、𨋢前、樓梯、兒童圖書館同埋自修室都貼咗「禁止拍攝」嘅告示[33]，各層有派保安𥄫實[34]。有網民話拎部電話出嚟，有啲影六樓綠化平台嘅外風景都俾保安阻止[35]。而屏山原居民鄧達智就覺得，大樓設計夠特別，可以做旅遊景點，唔使完全唔畀公眾影相，結果康文署企硬唔會對圖書館嘅攝影規限做修改或者放寬[35]。
開放時間[編輯]
除非特別寫明，否則本文所有時間都係以UTC+8時間為準。
| 日期 | 開放時間[36] |
|---|---|
| 星期一至星期六（星期四唔計） | 上晝 9:00 去到夜晚 8:00 |
| 星期四 | 中午 12:00 去到夜晚 8:00 |
| 星期日同埋公眾假期 | 上晝 9:00至下晝 5:00（2018年7月1號至10月1號延長開放時間到夜晚 8:00） |
| 元旦日 農曆年初一至年初三 耶穌受難日 聖誕節 聖誕節翌日 |
休息 |
參考[編輯]
- ↑ 1.0 1.1 1.2 公共圖書館諮詢委員會秘書處, . (2013-10-20). 〈公共圖書館諮詢委員會第十五次 會議議程及討論摘要〉 (PDF). 原著 (PDF)喺2019-10-12歸檔. 喺2020-04-02搵到.
{{cite web}}: CS1 maint: numeric names: 作者名單 (link) - ↑ 〈屏山天水圍圖書館周四啟用〉. 《now新聞》. 2013-02-25. 喺2020-04-02搵到.
- ↑ 〈【區區有理講】天水圍「成功爭取」公眾街市的啟示 （民主黨新界西社區主任 吳玉英）〉. 《蘋果日報》. 原著喺2020-05-26歸檔. 喺2020-04-02搵到.
- ↑ 〈立法會十二題：公共圖書館服務〉. www.info.gov.hk. 2011-11-21. 原著喺2016-03-04歸檔. 喺2020-04-02搵到.
- ↑ 〈康樂及文化事務署 新天水圍主要圖書館命名 及 配合新天水圍主要圖書館啟用後元朗區流動圖書館服務的新安排〉 (PDF). 元朗區地區管理委員會. 2012. 2012／第61號. 原著 (PDF)喺2013-01-23歸檔.
- ↑ 〈天水圍北公共圖書館〉. 《香港公共圖書館》. 原著喺2020-02-21歸檔. 喺2020-04-02搵到.
- ↑ 〈在天水圍籌劃興建具中央圖書館規模的圖書館的選址〉. 《香港公共圖書館多媒體資訊系統》. 臨時區域市政局文化藝術事務委員會. 1998-05-25. 喺2008-01-25搵到.
- ↑ 〈建設及建築物 － 公共圖書館〉. 《香港地方》. 原先內容歸檔喺2019-05-13. 喺2020-04-02搵到.
- ↑ 〈天水圍公共圖書館兼體育館〉 (PDF). 立法會民政事務委員會. 2007-05-11. 原先內容歸檔 (PDF)喺2019-10-30. 喺2012-01-01搵到.
- ↑ 〈自然光透進低樓層省電三成 圖書館首設戶外閱讀〉. am730. 2012-06-23.
- ↑ 〈《2013年圖書館指定 (修訂) 令》〉 (PDF). 香港特別行政區政府. 2013-01-02. 原先內容歸檔 (PDF)喺2018-10-30. 喺2020-04-02搵到.
- ↑ 〈服務時間及地址 - 場外投注處 - 投注途徑〉. 香港賽馬會. 原先內容歸檔喺2014-01-04. 喺2014-01-04搵到.
- ↑ 〈分店資料〉. 太興飲食集團. 2016. 原著喺2016-12-20歸檔. 喺2016-12-09搵到.
- ↑ 〈天水圍超級圖書館 明年啟用〉. 《東方日報》. 2012-11-03. 原先內容歸檔喺2019-10-21. 喺2020-04-02搵到.
- ↑ 15.0 15.1 〈屏山天水圍圖書館2‧28啟用〉. 《香港政府新聞網》 (新聞稿). 2013-02-25. 喺2020-04-02搵到.
- ↑ 〈重新發現圖書館〉 (PDF). 《香港公共圖書館通訊》 (87): 3. 2016. 原先內容歸檔 (PDF)喺2019-10-11. 喺2020-04-04搵到.
- ↑ 〈屏山天水圍公共圖書館啟用 市民於自然環境下享受閱讀樂趣（附圖）〉. 《香港政府新聞網》 (新聞稿). 2013-02-25. 原先內容歸檔喺2019-09-01. 喺2020-04-04搵到.
- ↑ 〈天水圍圖書館 天然光下閱讀〉. 《蘋果日報》. 2013-02-26. 原先內容歸檔喺2017-09-07. 喺2020-04-02搵到.
- ↑ 呂嘉麗 (2017-05-06). 〈首設室外閱讀空間 屏山圖書館變文青熱點 建築師點游說政府？〉. 《香港01》. 喺2020-04-02搵到.
- ↑ 〈屏山天水圍圖書館周四開放〉. 《東方日報》. 2013-02-26. 原先內容歸檔喺2017-06-10. 喺2020-04-02搵到.
- ↑ 〈關懷社區及參與社區活動〉. 《建築署》. 原著喺2020-05-30歸檔. 喺2020-04-02搵到.
- ↑ 呂嘉麗 (2017-05-06). 〈首設室外閱讀空間 屏山圖書館變文青熱點 建築師點游說政府？〉. 《香港01》. 喺2020-04-03搵到.
- ↑ 〈青少年圖書館〉. 《香港公共圖書館》. 原先內容歸檔喺2019-10-11. 喺2020-04-03搵到.
- ↑ 24.0 24.1 〈屏山天水圍公共圖書館 - 其他服務及設施〉. 《香港公共圖書館》. 原先內容歸檔喺2020-02-21. 喺2020-04-03搵到.
- ↑ 〈屏山天水圍公共圖書館及藍田公共圖書館學生自修室快將啟用〉. 《香港政府新聞公報》 (新聞稿). 2012-11-16. 原先內容歸檔喺2019-09-02. 喺2020-04-05搵到.
- ↑ 〈屏山天水圍公共圖書館 28/2 正式啟用〉 (PDF). 《元朗裘錦秋中學》. 原著 (PDF)喺2020-05-26歸檔. 喺2020-04-03搵到.
- ↑ 區禮城 (2018-11-10). 〈【DSE考生】盤點全港五個正爆公共自修室 有咖啡飲又有海景望〉. 《香港01》. 喺2020-04-03搵到.
- ↑ Weiwei W (2017-04-19). 〈香港最美公共圖書館隱身天水圍：感受當藏書成為城市最迷人風景的氛圍〉. A Day Magazine. 原先內容歸檔喺2019-10-02. 喺2020-04-03搵到.
- ↑ 29.0 29.1 呂嘉麗 (2017-05-06). 〈涼風、陽光、沙發 除了「最美」，屏山圖書館還有多項人性化設計〉. 《香港01》. 喺2020-04-03搵到.
- ↑ 〈元朗區公共圖書館舉辦的推廣活動暨使用概況匯報〉 (PDF). 《康樂及文化事務署》. 元朗區地區管理委員會. 2018-05-04. 2018／第37號. 喺2020-04-03搵到.
- ↑ 李政傑 (2013-10-18). 〈通宵夜遊屏山圖書館〉 (PDF). 《星島地區報》. 原著 (PDF)喺2020-05-26歸檔. 喺2020-04-03搵到.
- ↑ 〈外國圖書館歡迎拍照，為何香港不可以？〉. 香港01. 2017-11-02. 喺2020-04-03搵到.
- ↑ 陳穎然 (2016-01-16). 〈【公共空間禁拍】又不是八十年代 圖書館禁菲林曝光〉. 《香港01》. 原先內容歸檔喺2019-07-03. 喺2020-04-03搵到.
- ↑ 〈2016公共空間大事回顧〉. 《拓展公共空間》. 香港獨立媒體網. 2017-01-24. 原先內容歸檔喺2018-01-26. 喺2020-04-03搵到.
- ↑ 35.0 35.1 陳穎然 (2016-01-17). 〈【公共空間禁拍】戶外圖書館美景 有得睇冇得影〉. 《香港01》. 原先內容歸檔喺2019-07-06. 喺2020-04-03搵到.
- ↑ 〈屏山天水圍公共圖書館〉. 《香港公共圖書館》. 原先內容歸檔喺2020-02-21. 喺2020-04-03搵到.