富榮花園
|
富榮花園 | |
| 所在地區： | 油尖旺區 |
| 屋苑類別： | 私人參建居屋 |
| 落成年份： | 1998-1999年 |
| 樓宇座數： | 18 座 |
| 單位數目： | 3908 |
| 單位建築面積： | 46 - 64（平方米） |
| 單位實用面積： | 40 - 55（平方米） |
富榮花園（英文名：Charming Garden）係喺香港九龍旺角西地段嘅居者有其屋（居屋），屬於私人參建居屋計劃嘅屋苑，由香港房屋委員會（房委會）同其士集團合作起同推售，喺1998年11月落成，並由其士集團旗下嘅其士富居物業管理有限公司管理。屋苑賣嗰陣嘅呎價創出自居者有其屋計劃推出以來嘅最高紀錄。
背景資料
[編輯]富榮花園係香港房屋委員會喺1997年開始推出發售第19期甲（第7-18座）同乙（第1-6座）一共18座嘅居者有其屋屋苑。但係，第一期推出後，房委會推出租者置其屋同出售公屋折扣率等計劃，畀公屋居民買番所租住嘅單位，計劃變相鼓勵買家取消買賣合約同埋觸發買家「撻訂」（即退訂）嘅浪潮。之後，發展商其士集團附屬公司銳中有限公司喺2006年告房委會同政府，要求攞返訂金同索償，但最終香港高等法院裁定其士敗訴，撤銷佢嘅申索。
屋苑位置
[編輯]富榮花園喺西九龍填海區旺角西地段，而西九龍填海計劃係香港機場核心計劃之一，喺1990年代正式開始動工。而家旺角西富榮花園所在嘅位置喺填海之前係油麻地避風塘，填海之後嘅避風塘由渡船街西面搬到新填海區西面嘅海傍。
富榮花園位置東面係渡船街，成個屋苑橫跨海泓道左右兩邊，海泓道東面係第一期7至到18座，而海泓道西面就係第二期1至到6座，好近西九龍填海區上嘅海富苑、柏景灣、帝柏海灣同埋奧海城。屋苑附近有幾間學校，包括：保良局陳守仁小學、油麻地天主教小學（海泓道）、香港管理專業協會李國寶中學同埋已經喺2008年尾啟用嘅香港理工大學香港專上學院新校舍。
屋苑資料
[編輯]| 屋苑地址： | 九龍旺角西海庭道 8 號（第一期 7-18 座） 九龍旺角西海庭道 16 號（第二期 1-6 座） |
| 每座層數： | 22 層（第 1-3 座、7-11 座、13-18 座） 20 層（第 4-6 座） |
| 屋苑範圍： | 約 38,100 平方米 |
| 屋苑商舖： | 88 間 |
| 停車位： | 九層高停車場總共有 513 車位（第一期） 兩層高停車場總共有 168 車位（第二期） |
| 屋苑設施： | 足球場、籃球場、網球場、羽毛球場、 排球場、乒乓球枱、遊樂場、健身設備、 涼亭、有蓋行人路 |
交通工具
[編輯]- 鐵路
- 巴士
- 專線小巴