巨匠造物主
巨匠造物主，又有譯做德謬哥，係源於上古時代（5 世紀同打前）嘅一個哲學同神學概念。最基本上，巨匠造物主就係想像中一位受上帝所造、負責創造宇宙嘅神祇。包括柏拉圖在內嘅多位古希臘思想家，都有討論過巨匠造物主相關嘅諗法[1]。
嗌法
[編輯]巨匠造物主喺各語言入邊嘅叫法如下：
- 粵語：
- 巨匠造物主，讀音係粵拼：geoi6 zoeng6 zou6 mat6 zyu2
- 德謬哥，讀音係粵拼：dak1 mau6 go1
- 英文：Demiurge
- 希臘文：δημιουργός / Dēmiourgos
定義
[編輯]睇埋：上帝
唔同派別對巨匠造物主嘅睇法都有些少出入。响最基本上，巨匠造物主係上帝嘅「手下」：根據呢種見解，巨匠造物主受上帝創造，所以同人類一樣係受造物，屬上帝嘅奴僕；而巨匠造物主嘅職責就好似一位工匠噉，按上帝嘅意思郁手創造同維持宇宙。
靈知派（Gnosticism）有提到巨匠造物主：靈知派係响公元 1 世紀尾興起嘅一套宗教思想及後衰落；佢哋喺思想上建基於但拒絕當時嘅猶太教同基督教主流信仰；唔少靈知派信徒主張[註 1]《舊約聖經》裏面嗰個「上帝」查實係巨匠造物主，呢個巨匠造物主係邪惡嘅，而佢所創造嘅世界反映咗佢嘅性格－呢個世界同巨匠造物主一樣咁殘酷無情，成日都會出現「用洪水殺晒世上所有人」（挪亞方舟相關嘅故仔）噉嘅殘忍嘢；相比之下，《新約聖經》入面裏面嗰個上帝－耶穌稱之為「天父」嗰位－明顯仁慈敦厚好多，而呢位天父先至係真正嘅上帝[2]。呢種睇法畀主流基督徒視為異端。
主流基督徒會批評：如果創造世界嘅神係邪惡嘅，所以佢所做嘅世界就係邪惡嘅；噉創造「創造世界嘅神」嘅神都係邪惡嘅，噉樣根本就唔會有全善嘅神存在。
註釋
[編輯]- ↑ 不過靈知派又再細分做幾派，唔係派派都信呢套。
睇埋
[編輯]引咗
[編輯]- ↑ Demiurge. Encyclopedia Britannica.
- ↑ The Gnostic Demiurge.
拎
[編輯]- （英文） Demiurge. Encyclopedia Britannica.