懲教緊急應變隊
| 懲教緊急應變隊 Correctional Emergency Response Team | |
|---|---|
| 存在時期 | 2000年到而家 |
| 國家／地區 |  香港 |
| 部門 | 懲教署 |
| 種類 | 緊急應變隊 |
| 功能 | 救人質、防暴同埋搜查行動等等 |
| 規模 | 152名 |
| 直屬 | 押解及支援組 |
| 專用顏色 | 綠色 |
懲教緊急應變隊俗稱懲教飛虎隊（英文：Correctional Emergency Response Team，縮寫：CERT），2000年成立，隸屬懲教署押解及支援組，平時負責押解工作，同埋應付院所重大事故、大規模騷亂、逃獄或者挾持人質，同執行搜查行動等等[1]。
史
[編輯]2009年，懲教署銳意改革部隊，因應監獄行動環境，如走廊、工作間等狹窄環境，傳統大型防暴戰術未必適用，所以邀請美國顧問研究新式近身自衞術。
2010年3月，懲教署職員訓練院根據外國顧問建議，透過再度研發壓點控制術（英文：Pressure Points Control Tactics，縮寫：PPCT），根據香港環境為部隊設計一套防暴戰術──近身自衞術，2至5名人一組小隊，用唔同裝備、武器，互相掩護下而靈活同埋有效率進入各種室內環境執行防暴任務。其中包括紀律部隊中比較罕見胡椒球彈、弧形逮捕盾等裝備，重引入防火制服、安全皮靴等等。
2011年4月初，高等法院羈留室內體育館，被押解及支援組改建成多用途場地，配合部隊持續訓練需要。場館有健體器，重鋪設防撞牆、保護地墊等防護設施，重有一批新戰術訓練器材裝備，包括：人形靶、紅衣護甲、模擬暴徒所穿著護甲、外加護墊防暴盾，壓點控制戰術所採用擊打靶等[3]。
遴選訓練
[編輯]想投考加入要先通過挑選，之後要進入11星期安全有效控制戰術專業證書訓練課程 - 懲教緊急應變隊（英文：Professional Certificate in Safe and Effective Control Tactics (PCSECT) - Correctional Emergency Response Team），內容包括體能、壓點控制、直升機游繩空降、防暴演練、戰術、拯救人質、槍械及武器的應用、爆破裝備運用，實地演習等[4][5]。
培訓
[編輯]之後，人員需要接受大量各種層次同埋種類訓練，包括每月舉行防暴操，接受由懲教署職員訓練院舉辦各類戰術複修課程，同埋去其他本地或者海外紀律部隊進行戰術訓練交流、進行實彈訓練同埋直升機游繩空降等訓練[6]。
裝備
[編輯]制服
[編輯]制服用以杜邦化工NomexR物料製造，輕便、透氣同防火，250度高溫先會化灰，唔黏皮膚，拉鏈同魔術貼等配件亦有相同功能，2010月2月開始由中國大陸進口使用[7][8]。
防暴裝備
[編輯]- 防暴頭盔
- 防毒面具
- 防割衣
- 防暴背心
- 防割手套
- 防暴靴，採用Gore-Tex物料製造，擁有合金鞋頭，鞋底為防穿透[9][10][11]
- 盔甲（俗稱鐵甲威龍），由15個部件組成，重9磅，為處理持刀人群個人防禦裝備。
- 圓盾，為警察機動部隊自行研究製造，以聚碳酸酯物料造，具阻燃、防刺，防腐蝕功能。圓盾輕便、堅硬，係透明，所以可以保護人員同埋無阻人員視野
- 弧形逮捕盾，2012年引進[12]，帶有弧形粗膠邊，可以限制目標移動範圍，方便人員用壓點控制術將目標制服。
- 長盾，以聚碳酸酯物料造，防火防刺破，高1.65米，可以組織合成為屋型的防線; 短盾則高1.2米。
武器
[編輯]槍械
[編輯]大事記
[編輯]香港反對世貿遊行衝突
[編輯]其他
[編輯]- 2006年9月部隊介入監房踢倉[13]。
- 2019年11月開始，香港特首林鄭月娥授權警務處處長盧偉聰委任警隊外部勢力做「特別任務警察（特務警察）」，而懲署部隊將最先加入修例風波親政府陣營一方。[14]
隊員
[編輯]相關
[編輯]参考
[編輯]- ↑ 懲教飛虎隊 遏囚犯賭波 《東方日報》 2006年1月18
- ↑ 《太陽報》 政情：懲署接棒單日堅大熱 2010年4月19日
- ↑ 〈優化設施資源運用加強戰術訓練效益〉。原著喺2016-03-04歸檔。喺2011-05-30搵到。
- ↑ 〈《愛羣》 添置防護裝備 加強人員保障 第255期 2010年3月〉。原著喺2015-09-23歸檔。喺2010-11-10搵到。
- ↑ 〈《愛羣》 同事修畢緊急應變隊訓練課程 第255期 2010年3月〉。原著喺2015-09-23歸檔。喺2010-11-10搵到。
- ↑ 懲教署再培訓遏監獄暴力 2009年8月15日[失咗效嘅鏈] 《香港商報》 2009年8月15
- ↑ 懲教應變隊增搜監防暴亂 互聯網檔案館嘅歸檔，歸檔日期2010年4月10號，. 《明報》 2010年4月7
- ↑ 緊急應變隊引進新行動制服及皮靴 第254期 互聯網檔案館嘅歸檔，歸檔日期2016年3月4號，. 《愛羣》 2010年2月
- ↑ 緊急應變隊員全套裝備有阻燃功效 互聯網檔案館嘅歸檔，歸檔日期2020年3月27號，. 《星島》 2010年4月8
- ↑ [1][失咗效嘅鏈] 《中國新聞網》 2010年4月7
- ↑ 懲教引近身自衛術 防囚犯生事 《都市日報》 2010年4月7
- ↑ 精銳雄獅 — 懲教緊急應變隊 互聯網檔案館嘅歸檔，歸檔日期2016年3月4號，. 《愛羣》 2013年3月
- ↑ 懲署飛虎洗倉平亂 2006-9-30
- ↑ 修例風波：懲教署飛虎隊成首批特務警察 本周加入防暴工作 2019年11月13