戰術

出自維基百科,自由嘅百科全書
Jump to navigation Jump to search

戰術tactic)係一個達成某啲策略性目的嘅行動:喺場一對一嘅對局當中,雙方都有若干個可能採取嘅行動,其中一個行動係所謂嘅戰術(用嚟達到短期目的嘅實質行動),而策略係指其中一方對於「整體嚟講,應該點樣達到目的」嘅宏觀計劃,例如家陣有個玩家玩緊一隻射擊遊戲(或者一個士兵打緊仗),佢嘅計劃係「盡可能喺對手留意唔到嗰陣移到對手側面,並且進行側擊」,而當佢喺某個時間地點撞到一個對手,佢採取嘅行動係「移去對手側面,進行側擊」-嗰個計劃係佢嘅策略,而嗰個行動就係佢嘅戰術。一個策略會講明行動者有啲乜戰術要用,以及呢啲戰術分別要喺乜嘢時候使用。