成人高等學校招生全國統一考試

出自維基百科,自由嘅百科全書
Jump to navigation Jump to search

 成人高等學校招生全國統一考試粵拼sing4 jan4 gou1 dang2 hok6 haau6 ziu1 sang1 cyun4 gwok3 tong5 jat1 haau2 si3 ,簡稱成人高考成考,係中國大陸嘅其一考試制度,亦係中華人民共和國(唔計港澳臺)嘅其一國家級考試制度。呢種考試係由高考成績落榜嘅考生參加,喺每年10月中開考。

[編輯]

呢種制度最先喺1950年代中嘅大學函授教育同夜大教育、及獨立嘅函授學院、廣播電視大學等機構出嚟[註 1]。除咗函授系列同夜大係由學校單獨招生之外,其他嘅業餘高校都係實行單獨或聯合招生制度,而廣播電視大學畀咗屬下嘅省、市搞。後嚟喺中共十一大三中全會之後開始猛咁發展,演變成從學校單獨招生、直轄市、縣、區到省、自治區到全國統一招生嘅發展。

隨後因為社會上猛咁出現三亂現象[註 2],1986年,國家教委(今日嘅中華人民共和國教育部)向成人高校搞呢個考試制度嚟提高新生入學質量。

初期定喺每年3~4月報名,5月底考試。但從2004年開始改咗喺每年8~9月報名,10月底考試。

分類[編輯]

成人高考可以分成高升專、高升本、專升本三種。考完兼錄取咗之後,學習形式可以分成脱產、業餘同函授三種,但學制要兩年半到五年。

高中起點升大專(高升專)[編輯]

高升專需要讀夠兩年先至有得考試。成考凈考三科,其中外語必須要揀英文日文俄文三個是旦一種。

高中起點升本科(高升本)[編輯]

高升專需要讀夠五年先至有得考試。成考除咗要考到高升專必有嘅三科之外,重要睇分科情況而加考。其中文科包括,理科包括兩科。

專科起點升本科(專升本)[編輯]

專升本需要讀夠兩年先至有得考試。成考要考到兩科,重要睇報考專業嚟考大學語文、藝術概論、哲學、民法、高數、生態學、醫學綜合、教育理論。學制要兩年半。

[編輯]

  1. 最先出現呢個制度嘅年份,唔同省份都有唔同。例如山東喺1956年出現;陝西河南喺1958年出現;廣東分別喺1955~1957年間出現。
  2. 喺中國大陸教育界,三亂現象一般指「亂招生、亂開班、亂發證」呢三種。