旗艦物種

旗艦物種（粵拼：kei4 laam6 mat6 zung2；英文：flagship species）係生態保育上嘅一個概念，指一啲受人類歡迎嘅生物物種，可以用嚟保護周邊嘅物種^[1]。

舉例說明，想像家陣有位生態學家想搞生態保育，佢需要保育幾種物種嘅蛇同蜘蛛，因為呢幾種物種有重要嘅生態價值（例如係會捕食某啲害蟲）；但呢位生態學家心知，一般人普遍都唔鍾意蛇同蜘蛛，又唔似得生態學家噉理解到呢啲蛇同蜘蛛嘅生態價值，所以如果佢用「保護啲蛇同蜘蛛」為名搞生態保育嘅話，應該難吸引啲人捐錢；不過咁啱得咁橋，呢啲蛇同蜘蛛住嗰笪地有一種好靚、好得人鍾意嘅蝴蝶；於是位生態學家就改吓個做法，以「保護靚靚蝴蝶」為名搞生態保育，等啲人樂意啲捐錢；喺呢種情況下，嗰種蝴蝶就係一種旗艦物種－受人鍾意、可以攞嚟做宣傳嘅物種，畀生態學家攞嚟保護啲唔受人歡迎（但可能好重要）嘅物種。

睇埋

引述

↑ Fallon, Candace; Hoyle, Sarah; Lewis, Sara; et al. (2019). "Conserving the Jewels of the Night: Guidelines for Protecting Fireflies in the United States and Canada" (PDF). The Xerces Society for Invertebrate Conservation. Portland, Oregon. Retrieved 23 June 2021.

呢篇同生物學相關係楔位文。歡迎幫維基百科擴寫佢。

[fallon2019-1] Fallon, Candace; Hoyle, Sarah; Lewis, Sara; et al. (2019). "Conserving the Jewels of the Night: Guidelines for Protecting Fireflies in the United States and Canada" (PDF). The Xerces Society for Invertebrate Conservation. Portland, Oregon. Retrieved 23 June 2021.

[1]