星式英文（Singlish）係響星加坡形成嘅歸融話，以英文為基礎。文法似中國南方話；辭就以英文為主，溝咗啲馬拉話、閩南話、潮州話、粵語、泰米爾話、孟加拉話、旁遮普話嘅詞而成。
星式英語句子入面夾雜咗好多星加坡當地語言詞彙，例如福建話、馬來語、廣東話、華語等。星式英語嘅文法就係以中文文法直接套用英語單字而形成嘅，係一種星加坡獨特嘅方言混合語，接近馬式英文。其中最明顯嘅特點就係系詞經常被忽略。而尾語同感嘆詞就夾雜咗大量漢語方言嘅感嘆詞，例如福建話嘅「咧」、粵語嘅「咩」，華語嘅「嘛」等。
星式英文同馬式英文分別[編輯]
星式英文同馬式英文都有好接近嘅特徵同歷史發展。兩者之間嘅分別都係好細微，有時本地人都好難分清楚。整體嚟講，馬式英文比較多馬來語詞彙，因為馬來西亞馬來人人口佔全國大多數；而星式英語主要受福建話同華語所影響，因為華人佔新加坡大多數人口。
例如「kena」（一個馬來語字，係一個prefix為咗轉一個 action verb 去 passive form）會多啲喺馬式英文出現；而星式英文多數用字詞好似「liao」（福建話指 「already」），「nia」（福建話指「only」）。但係星式英文都成日用前面提及過嘅「kena」。馬式英語只係好少時間用「liao」。呢樣表達咗呢兩種語言之間互相影響，但係對於外國人嚟講會好難分得清楚。
星加坡
