曼克頓距離

兩點之間嘅空間可以用格仔代表，綠線係最短距離，而長度一樣嘅藍線、紅線同黃線係兩點之間嘅曼克頓距離。

曼克頓距離（Manhattan distance，簡稱「MD」）係處理地圖嘅演算法（例如係解迷宮演算法同搵路演算法）上常用嘅一個概念。想像一個世界，兩點之間嘅空間可以用格仔代表，而且一個個體淨係有得沿住啲格仔嘅邊線嚟行，冇得穿過啲格仔（好似係一個喺曼克頓揸車搵食嘅的士司機噉），噉喺是但兩點之間穿梭都會有好多條「最短路線」，呢啲路線嘅長度就係所謂嘅曼克頓距離。