杜迪·拜拉莫夫

出自維基百科,自由嘅百科全書
Jump to navigation Jump to search
杜迪·拜拉莫夫
出世Durdy Bayramov
(1938-04-14)1938年4月14號
土庫曼 土庫曼 拜拉姆阿里
2014年2月14號(2014-02-14)(75歲)
土庫曼 土庫曼 阿什哈巴德
國籍土庫曼 土庫曼
風格寫實主義

杜迪·拜拉莫夫俄文ДурдыБайрамов1938年4月14號2014年2月14號)係土庫曼學者同埋藝術家,被授予佢本國最高榮譽稱號「土庫曼蘇維埃社會主義共和國人民藝術家」。喺土庫曼語入邊,Durdy Bayramov杜迪·拜拉莫夫個名係「Durdy Bayram」(喺蘇聯時代先至增加咗俄羅斯化嘅後綴「ov」)。名字「Bayram」喺突厥語族入邊係「慶祝」嘅意思。

早年[編輯]

1938年4月14號,拜拉莫夫喺土庫曼蘇維埃社會主義共和國(當時屬於蘇聯嘅一部份)嘅拜拉姆阿里出世。佢年幼時冇咗父母,無家可歸,喺塞爾達爾(舊稱Kyzyl-Arvat)一間孤兒院大,經歷挨餓、第二次世界大戰同埋戰後廢墟生活嘅艱辛。後來,佢嘅才華得到一班導師認可,喺導師嘅引導同埋支持下成為咗一名專業畫家。

拜拉莫夫嘅第一位老師Gennadiy Brusentsov係一位喺阿什哈巴德紹塔·魯斯塔韋利土庫曼藝術學院教書嘅俄羅斯藝術家。 Brusentsov做咗拜拉莫夫嘅導師好多年,兩人成為終身嘅朋友。 Brusentsov幫後生嘅拜拉莫夫畫咗一幅肖像,名為《後生足球員》,呢幅作品收藏喺莫斯科嘅國家特列季亞科夫畫廊俄文Государственная Третьяковская галерея[1] 。拜拉莫夫亦為佢嘅老師畫過三幅肖像,最出名嗰幅叫《我第一個老師嘅肖像》,喺1997到1998年創作[2]

1959年到1965年,拜拉莫夫入讀莫斯科蘇裏科夫美術學院(俄羅斯),喺嗰度佢遇到另一位對佢嘅生活同藝術生涯影響好大嘅藝術導師Dmitry Mochalsky教授(俄羅斯)。Mochalsky攞過前蘇聯最高藝術榮譽稱號「蘇聯人民藝術家」,佢因有能力「突出表達本質,而不被無關細節影響」而受人敬重[3]。佢將呢個方法傳授俾好多學生,包括拜拉莫夫。

職業生涯[編輯]

1960年代[編輯]

拜拉莫夫喺1965年完成正式教育後,加入蘇聯藝術家聯盟,開始佢作為專業畫家嘅生涯。初時,拜拉莫夫醉心畫風景。佢早期好多風景作品(包括部分佢喺學生時代嘅創作)得到評論家嘅高度欣賞。佢嘅畫作《和平之土》(1969)被視為土庫曼風景畫嘅經典之作[4]

1966年,拜拉莫夫迎娶佢心愛嘅繆斯Dunyagozel「Gozel」Ilyasova,Gozel係拜拉莫夫最常畫嘅主題之一,而且俾咗佢一世嘅靈感。拜拉莫夫創作咗一系列以《Gozel》為題嘅紙上繪畫送俾老婆,其中包括53幅Gozel嘅肖像同埋四幅花卉作品。

1965年至1968年,拜拉莫夫喺阿什哈巴德嘅紹塔·魯斯塔韋利土庫曼藝術學院教藝術。

1970年代[編輯]

1970年,拜拉莫夫攞到第一個主要嘅藝術榮譽「土庫曼蘇維埃社會主義共和國列寧共青團獎」。1972年,佢攞到蘇聯列寧共青團俄文Всесоюзный ленинский коммунистический союз молодёжи[5]。1971年,佢完成咗被譽為第一幅土庫曼自畫像嘅作品,呢個作品之前被莫斯科嘅蘇聯藝術家聯合會收藏[6]

期間,拜拉莫夫領先一眾土庫曼畫家以第二次世界大戰為主題創作。佢嘅作品《前線援助》描繪普通土庫曼婦女願意奉獻自己最珍貴嘅財產來幫助士兵嘅愛國情義[7]。同期,拜拉莫夫關注嘅另一個主題係土庫曼地毯嘅製作過程。喺佢1971年嘅作品《土庫曼地毯製作者》可以見到佢描繪婦女喺地毯廠做嘢嘅情景。同年,呢件作品喺莫斯科嘅國家東方藝術博物館首次展出,後來喺1979年被國家特列季亞科夫畫廊收藏[8]

1971年到1973年,拜拉莫夫因好中意扶持新晉藝術家,返到阿什哈巴德嘅紹塔·魯斯塔韋利土庫曼藝術學院教藝術。

喺1970年代中期,拜拉莫夫開始著手創作後來變成佢最著名系列嘅《文化人物》。喺呢個系列嘅人物肖像畫作,拜拉莫夫描繪佢認為喺20世紀末到21世紀初對土庫曼文化遺產有重要貢獻嘅人物。呢個《文化人物》系列創作咗40幾年,共有逾150幅肖像繪畫作品。

1980年代[編輯]

1980年,拜拉莫夫被嘉獎為土庫曼蘇維埃社會主義共和國嘅功勳藝術工作者,1984年,喺慶祝土庫曼蘇維埃社會主義共和國同埋土庫曼共產黨成立60周年嘅比賽中,佢攞到二等獎同埋獲獎文憑。約莫1985年到1991年嘅經濟改革俄文Перестройка令到包括拜拉莫夫嘅好多人生活艱難,基本嘅家庭用品同埋食物短缺,但佢喺1980年代仍然創作好多作品[9]。拜拉莫夫沉迷藝術創作,繼續豐富佢嘅藝術系列,更多關注人像同埋靜物繪畫,尤其係花卉。

1985年,拜拉莫夫開始創作佢最著名嘅主題作品之一 ——致敬過去偉大嘅西班牙藝術家,題為《金色迷霧》。該作品直到2001年先至完成[10]

喺1980年代,拜拉莫夫喺各地舉辦咗好多個人展覽,包括俄羅斯莫斯科(1980年,1984年)、東德柏林(1981年)、俄羅斯烏里揚諾夫斯克(1984年)、土庫曼阿什哈巴德(單係1986年就舉辦咗兩次展覽),同埋匈牙利布達佩斯(1986年),人氣急升。

1990年代[編輯]

喺不斷得到藝術評論界認可同埋大眾歡迎之下,拜拉莫夫喺1991年攞到佢本國最高嘅藝術頭銜——土庫曼人民藝術家。

1998年,拜拉莫夫被任命為吉爾吉斯國家藝術學院院士,一齊獲委任嘅仲有藝術家Suhrob Kurbanov、Tahir Salahov、Turgunbai Sadykov同埋Erbolat Tolepbai。拜拉莫夫又喺比什凱克藝術學院舉辦嘅吉爾吉斯院士國際展覽上提供作品參展[11]

2000年代[編輯]

喺成個2000年代,拜拉莫夫繼續喺土庫曼同埋世界各地巡迴展覽,並做咗大量工作,包括烏克蘭嘅展覽,2000年佢喺位於基輔嘅俄羅斯藝術國家博物館舉行咗個展,其他展覽包括俄羅斯(2003年)、泰國(2004年)、土耳其(2002年同埋2004年)、馬爾代夫(2004年)、阿拉伯聯合酋長國(2003年到2007年之間有多次展覽)、荷蘭(2008年)、意大利(2009年)、比利時(2010年)同埋法國(2010年)。 2008年,拜拉莫夫喺土庫曼阿什哈巴德舉行咗兩個回顧展,慶祝佢70歲生日同埋50年藝術生涯。

基於佢一生嘅藝術成就同埋對土庫曼文化嘅貢獻,2008年土庫曼總統頒發「畀祖國嘅愛」獎牌俾佢。

2010年代[編輯]

由2010年到2014年,拜拉莫夫保持高產量嘅藝術創作,創作咗超過90幅油畫。

2012年,拜拉莫夫喺加拿大過咗六個月,喺嗰度創作咗一系列題為《加拿大之秋》嘅風景畫。2014年,拜拉莫夫嘅畫喺加拿大安大略省多倫多展出,呢個喺佢喺北美洲嘅第一個展覽[12] [13] [14]。2015年,拜拉莫夫嘅攝影作品喺多倫多舉行首次展覽,名為《通過杜迪·拜拉莫夫的眼睛:土庫曼村莊生活,1960至1980年代》,展出佢嘅黑白攝影作品,作為加拿大豐業銀行Contact攝影節嘅特色展覽展出[15]。有關嘅畫冊由杜迪·拜拉莫夫藝術基金會同史密森尼學會英文Smithsonian Institution嘅亞洲文化史計畫聯合出版[16] [17]

2015年,喺美國土庫曼大使館嘅支持下,喺華盛頓舉行嘅世界銀行藝術計畫舉辦咗一場杜迪·拜拉莫夫嘅作品個人展。呢個展覽開幕時啱好係慶祝土庫曼獨立24周年同埋中立20周年紀念[18]

藝術風格[編輯]

杜迪·拜拉莫夫喺佢嘅職業生涯入面創作咗5000幾件藝術品,包括油畫同埋紙上作品。佢亦係一個充滿激情嘅攝影師,雖然佢只係將攝影視為佢藝術創作過程嘅一部份,而未諗過公之於世。所以直到佢死後,大量嘅攝影作品先至被展出[19]

拜拉莫夫嘅作品覆蓋四種類型:人像畫靜物畫中文静物画風景畫同埋風俗畫中文风俗画,當中以人像畫最出名。早喺1975年,圈內就留意到佢「雖然有創作風俗畫同埋風景畫,但佢嘅人像畫特別搶眼。」[20]。喺佢同時代嘅藝術家入邊,佢被認為喺「難以超越嘅人像畫大師」[21]。拜拉莫夫深入瞭解佢作畫對象嘅性格同內心世界,喺畫布上體現佢哋多元嘅個性,同時突出佢哋最出色嘅品性。拜拉莫夫話,佢可以做到咁樣,係因為佢「堅持尋找每個人獨有嘅亮點」[22]。佢力求將印象派對整體情景嘅把握,古典寫實主義對細節嘅描繪,同埋土庫曼豐富嘅藝術傳統協調噉共冶一爐。拜拉莫夫從各行各業嘅人身上揾靈感,無論佢哋來自邊種社會、經濟或者種族背景。佢畫嘅主角包括各界人士,從村民到科學家,從陌生人到家庭成員,從細路老人家。拜拉莫夫嘅同理心,同埋佢同作畫對象建立嘅密切和諧關係,幫助佢創作出成功嘅人像畫。

拜拉莫夫以繪製肖像畫最為人所知,同時佢嘅靜物同埋風景畫亦備受推崇。喺拜拉莫夫嘅靜物作品入面,花卉有特別地位。佢特別中意畫每年春天盛開、鋪滿土庫曼山麓丘陵、顏色紋理豐富嘅紅色罌粟花。拜拉莫夫喺靜物畫中描繪嘅水果象徵富饒嘅大自然,同埋佢對家鄉水果嘅熱愛。佢經常描繪蘋果甜瓜石榴等水果,被放喺顏色鮮艷、以göl圖案編織嘅傳統土庫曼地毯上,或放喺土庫曼特有嘅裝飾毛氈「keche(俄語)」上。

作品

  • Still Life 靜物畫
  • Roses.Still Life (2005) 玫瑰.靜物
  • Poppies (2012)罌粟花
  • Flowers. Bouquet (2005)花束
  • Irises (2005)鳶尾花
  • Flowers to Mother (2005)送給媽媽的花
  • Roses (2005)玫瑰
  • Flowers. Spring (2009)花.春
  • Flowers in the Yard (2012)園中花
  • Thematic Composition 主題繪畫
  • The Birth Of The Republic (1987)共和國的誕生
  • World Of Composer N Halmamedov (1985)作曲家N Halmamedov的世界
  • Opposition (1978)反對
  • Watchword (1977)暗號
  • In Immortality (1978)永生
  • Difficult Years (1978)艱辛年代
  • In Support Of The Front (1977-1978)支持前線
  • In The Past 過去
  • Portrait 肖像畫
  • Woman in Kurta (1991) 穿著傳統長衫的女人
  • Portrait of Orazmurad Gummadov, Film Director (1994) 電影導演Orazmurad Gummadov的肖像

死同遺產[編輯]

2014年2月,杜迪·拜拉莫夫被診斷患有肝癌。佢喺2014年2月14號死,留低老婆Gozel Bayramova,四個女同埋七個孫。

2015年,杜迪·拜拉莫夫藝術基金會喺多倫多成立,旨在推廣拜拉莫夫嘅藝術遺產並促進教育[23]。為咗達成呢項使命,基金會喺多倫多創辦拜拉莫夫博物館,呢個博物館收藏嘅拜拉莫夫作品數量係世界最多嘅,並定時展出其作品。

拜拉莫夫被視為中亞最重要嘅畫家之一。佢嘅藝術作品被好多人收藏,包括私人收藏,以及世界各地嘅博物館、畫廊同文化機構等,包括:

個人展覽[編輯]

  • 2016年:杜迪·拜拉莫夫,加拿大安大略省多倫多。 加拿大土庫曼古典音樂節, 伊斯梅爾中心中心,多倫多
  • 2016年:杜迪·拜拉莫夫,土庫曼阿什哈巴德。在文化部,教育部和阿什哈巴德博物館的支持下,展覽於土庫曼國家運輸和交通研究所(為「紀念遺產,改造祖國之年」的主題活動)[25]
  • 2016年:杜迪·拜拉莫夫,美國華盛頓特區。土庫曼駐華盛頓大使館
  • 2015年:杜迪·拜拉莫夫,美國華盛頓特區。世界銀行藝術計畫
  • 2015年:杜迪·拜拉莫夫,加拿大安大略省多倫多。 《通過杜迪·拜拉莫夫的眼睛:土庫曼鄉村生活,20世紀60年代至80年代》(世界上第一個杜迪·拜拉莫夫攝影展)
  • 2014年:杜迪·拜拉莫夫,加拿大安大略省多倫多。 《我的生活屬於藝術,藝術屬於人民》
  • 2013年:杜迪·拜拉莫夫,土庫曼阿什哈巴德(慶祝杜迪·拜拉莫夫75歲生日特展)
  • 2008年:杜迪·拜拉莫夫,土庫曼阿什哈巴德藝術家聯盟展覽館(慶祝Bayramov70歲生日同埋佢50年藝術生涯里程)
  • 2008年:杜迪·拜拉莫夫,藝術博物館,土庫曼阿什哈巴德
  • 2003年:杜迪·拜拉莫夫,土庫曼阿什哈巴德
  • 2000年:杜迪·拜拉莫夫,基輔俄羅斯藝術國家博物館,烏克蘭基輔
  • 1998年:杜迪·拜拉莫夫,土庫曼阿什哈巴德
  • 1986年:杜迪·拜拉莫夫,匈牙利布達佩斯
  • 1986年:杜迪·拜拉莫夫,土庫曼蘇維埃社會主義共和國阿什哈巴德《阿什哈巴德—庫尼亞烏爾根奇古城—阿什哈巴德》
  • 1986年:杜迪·拜拉莫夫,土庫曼蘇維埃社會主義共和國阿什哈巴德
  • 1984年:杜迪·拜拉莫夫,俄羅斯烏里揚諾夫斯克
  • 1981年:杜迪·拜拉莫夫,德意志民主共和國柏林
  • 1980年:杜迪·拜拉莫夫,俄羅斯莫斯科
  • 1978年:杜迪·拜拉莫夫,土庫曼蘇維埃社會主義共和國阿什哈巴德
  • 1975年:杜迪·拜拉莫夫,烏克蘭基輔
  • 1971年:杜迪·拜拉莫夫,德意志民主共和國哈勒
  • 1970年:杜迪·拜拉莫夫,土庫曼蘇維埃社會主義共和國阿什哈巴德《通過印度》

獎項和榮譽[編輯]

  • 2011年:「土庫曼獨立20周年」紀念獎章
  • 2009年:Byashim Nurali獎,土庫曼藝術家聯盟
  • 2008年:土庫曼總統頒發「祖國的愛」獎牌
  • 1998年:吉爾吉斯共和國,國家藝術學院院士
  • 1991年:土庫曼蘇維埃社會主義共和國,人民藝術家
  • 1984年:慶祝土庫曼蘇維埃社會主義共和國同土庫曼共產黨成立60周年嘅比賽二等獎同獲獎文憑
  • 1980年:土庫曼蘇維埃社會主義共和國,榮譽藝術工作者
  • 1978年至1979年:土庫曼蘇維埃社會主義共和國藝術比賽二等獎和獲獎文憑
  • 1975年:蘇聯莫斯科題為「女性肖像」嘅全國大賽三等獎同獲獎文憑
  • 1974年:蘇聯莫斯科,國民經濟成就展覽(VDNKh)金牌
  • 1974年:土庫曼蘇維埃社會主義共和國最高委員會同部長理事會榮譽證書
  • 1974年:紀念土庫曼蘇維埃社會主義共和國成立50周年比賽嘅二等獎同獲獎文憑
  • 1972年:蘇聯,列寧共青團獎;蘇聯全國青年藝術家展覽二等獎同獲獎文憑
  • 1970年:土庫曼蘇維埃社會主義共和國,列寧共青團獎
  • 1965年:土庫曼蘇維埃社會主義共和國最高委員會,榮譽證書

[編輯]

  1. 國家特列季亞科夫畫廊。 (2013年)。 “Katalog Sobraniya:Seriya Zhivopis XVIII-XX Vekov.T.7:Zhivopis Vtoroi Poloviny XX Veka.Kn.Pervaya.A-M。 (КаталогСобрания:СерияЖивописьXVIII-XXВеков。Ти7:ЖивописьВторойПоловиныXXВека。Кн。Первая。А-М)[收藏目錄:19-20世紀系列的繪畫。第七卷:二十世紀下半葉的繪畫。第一部。A-M]。莫斯科:國家特列季亞科夫畫廊。 第118頁。ISBN 978-5-89580-037-9
  2. Pereplesnin,M. 2012.“Ocharovannii Strannik。”(ОчарованныйСтранник)[一個迷人嘅流浪漢]。土庫曼斯坦:國際雜誌, N. 3(84),第80-89頁。檢索自http://www.turkmenistaninfo.ru/_data/pdf/2012_03_N3.pdf
  3. 國家特列季亞科夫畫廊。 2009年“Dmitri Mochalskii - Romantik Sozializma:23 Aprelya-7 Iyunya,2009”(ДмитрийМочальский - РомантикСоциализма:23Апреля-7Июня,2009)[Dmitri Mochalski-社會主義現實主義的浪漫:2009年4月23號 - 6月7號] 。檢索自http://www.tretyakovgallery.ru/ru/calendar/exhibitions/exhibitions1662/ 互聯網檔案館歸檔,歸檔日期2017年1月28號,.
  4. Mukhatova,Ogulabat和Kurban Agaliyev。 (2008)。土庫曼斯坦人民藝術家金禧紀念展覽圖冊杜迪·拜拉莫夫。迪拜:Keyik Bayramova。
  5. Pimenova,S. 1974年11月27號。“Dve Schastlivye Sudby。”(ДвеСчастливыеСудьбы)[兩個幸運的命運]。 Znamya Oktyabrya,第7頁。
  6. Yerlashova,S.1975.蘇聯土庫曼斯坦繪畫。列寧格勒(聖彼得堡):極光藝術出版社。
  7. Prelatov,Y. 1981年12月 1號.“Vistavki-Lyblyu Svoi Krai。”(Выставки-ЛюблюСвойКрай)[展覽—愛-我的祖國]。 Pravda。
  8. Kistovich,Irena。 2010年。“Turkmenskaya'Semerka。'Razmyshleniya ob Uhodyashem。”(Туркменская«Семерка»。РазмышленияoбУходящем)[土庫曼“七”:對過去的思考]。 Sibirskie Ogni,Vol。 05/2。檢索自http://xn--90aefkbacm4aisie.xn--p1ai/content/turkmenskaya-semerka-razmyshleniya-ob-uhodyashchem
  9. Adelman,Deborah。 (1992)。 “經濟改革中的孩子”:莫斯科青少年談論他們的生活和未來。倫敦:Routledge。
  10. Blagodatov,Nikolay和杜迪·拜拉莫夫。2012。杜迪·拜拉莫夫。多倫多:Keyik Bayramova,第12-13頁。
  11. Toktosunova,G.I。(Ed。)。 2005年“Otchyot Deystvitelnyh Chlenov我Chlen-Korrespondentov Nazionalnoi Akademii Khudozhestv Kyrgyzskoi Respubliki。”(ОтчётДействительныхЧленовиЧлен-КорреспондентовНациональнойАкадемииХудожествКыргызскойРеспублики)吉爾吉斯共和國藝術國家科學院全體正式會員和通信會員的報告] 。比什凱克:吉爾吉斯共和國國家藝術學院。
  12. 格林菲爾德,塞繆爾。 2014年6月25號。土庫曼藝術家杜迪·拜拉莫夫的女兒在北約克展出父親的作品。Toronto Star。檢索自http://www.thestar.com/news/gta/2014/06/25/turkmen_artist_durdy_bayramovs_daughter_displays_fathers_work_in_north_york_house.html#
  13. http://www.akimbo.ca/69963(Akimbo)[失咗效嘅鏈]
  14. http://www.cancer.ca/en/events/on/2014/july/durdy-bayramov-art-exhibition/?region=on(加拿大癌症協會)
  15. http://scotiabankcontactphoto.com/featured-exhibitions/318(加拿大豐業銀行“接觸”攝影節)[失咗效嘅鏈]
  16. http://collections.si.edu/search/record/siris_sil_1042578(史密森學會圖書館)[失咗效嘅鏈]
  17. https://www.worldcat.org/title/through-the-eyes-of-durdy-bayramov-turkmen-village-life-1960s-80s/oclc/907096351&referer=brief_results(WorldCat)
  18. http://www.mfa.gov.tm/en/neutral-en/3758-the-festive-reception-in-washington-on-the-occasion-of-independence-day-and-the-20th-anniversary-of-turkmenistan-s-neutrality(土庫曼斯坦外交部)[失咗效嘅鏈]
  19. Bayramova Keyik,Robert Pontsioen和Jeren Balayeva。通過杜迪·拜拉莫夫的眼睛:土庫曼鄉村生活,20世紀60年代至80年代。多倫多,安大略:杜迪·拜拉莫夫藝術基金會;和華盛頓特區:亞洲文化史計畫,史密森學會。 ISBN 978-0-9939443-1-4,第12頁。
  20. Yerlashova,S. 1975.蘇聯土庫曼斯坦繪畫。列寧格勒(聖彼得堡):極光藝術出版社, 第10頁。
  21. Glazunova,T.2007年12月。 “Kumiry i Poklonniki。”(КумирыиПоклонники)[偶像與崇拜者]。 Neytralniy Turkmenistan,第3頁。
  22. Zenko,Walter。 Bayramov的繪畫從東方到西方,從西方到東方。 [採訪杜迪·拜拉莫夫]。檢索自https://www.youtube.com/watch?v = hlX5L9ddZPc
  23. “杜迪·拜拉莫夫”。檢索於2016年2月11號。
  24. 國家特列季亞科夫畫廊。2013。 “Bayramov Durdy”(第79-80頁)。 “Katalog Sobraniya:Seriya Zhivopis XVIII-XX Vekov。 7:Zhivopis Vtoroi Poloviny XX Veka。 Kn。 Pervaya。 A-M。“(КаталогСобрания:СерияЖивописьXVIII-XXВеков。Ти7:ЖивописьВторойПоловиныXXВека。Кн。Первая。А-М)[藏品圖冊:19-20世紀系列的繪畫。第七卷:二十世紀下半葉的繪畫。第一部。A-M]。莫斯科:國家特列季亞科夫畫廊。 ISBN 978-5-89580-037-9
  25. http://www.turkmenistan.gov.tm/?id=10457(土庫曼斯坦共和國政府)[失咗效嘅鏈]