歐洲一體化
 呢篇文係 |
歐盟高峰會（首腦會議）
|
其他機構
|
政策與議題
|
歐洲一體化係一個融合歐洲嘅國家體系嘅過程，包括喺工業、經濟、政治、法律、社會、同文化上。其中最出名，亦最能夠表達到呢個過程嘅果效，就係包括咗歐洲大部分國家嘅歐盟。
歷史[編輯]
歐洲一體化嘅歷史由羅馬帝國開始，當時帝國嘅領地聯合咗歐洲嘅大部分範圍，由西面嘅不列顛群島一路去到東面嘅巴爾幹半島。到中世紀期間，神聖羅馬帝國亦同樣係有呢個特徵。自從文藝復興以嚟，奧地利帝國、拿破侖帝國同埋納粹德國都係嘗試一體化嘅唔同例子。
到1945年二次大戰打完之後，冷戰嘅緣故將歐洲沿住鐵幕分咗兩半，而邱吉爾亦喺同時支持創立“歐洲合眾國”(英文：United States of Europe)，成為咗歐盟嘅初步概念。到1952年，歐洲煤鋼共同體成立，歐洲國家開始走入一體化嘅方向，慢慢咁成就咗邱吉爾嘅願景。
觀點[編輯]
喺最初成立嘅時候，歐洲一體化嘅理論都係著重避免打仗為目標，所以比較偏向現實政治。到之後，學家開始研究制度嘅影響，尤其係喺超國家嘅層面。
到1990年代蘇聯解體之後，歐盟擴大得都幾勁，所以開始研究點樣將之前咁唔同嘅國家，喺無論自由市場、女權主義、民主、定係環保上面，都會能夠融合得好。
喺現代嘅歐洲，好多同歐盟有關嘅組織都係基於公民嘅自願參與，嚟顯示歐洲嘅民主文化。除此之外，歐盟並冇禁止國家另外自己互相再有條約，所以就算喺呢個一體化嘅過程，同時會嘗試維持每一個國家嘅部分主權。