潘書韻
| 潘書韻 | |
|---|---|
| 羅馬拼音 | Pun Shu Wan |
| 粵拼 | pun1 syu1 wan5 |
| 英文名 | Tiffany |
| 出世 | 1994年6月30號 英屬香港香港浸會醫院[1] |
| 國籍 |  中國（香港） |
| 別名 | 搣時潘、Miss Pun（網名）、潘鳳 |
| 教育程度 | 香港中文大學中國語言及文學系三級榮譽畢業 |
| 職業 | KOL、補習社合夥人 |
| 活躍時期 | 2013年到依家 |
| 出名原因 | KOL、漂白水案、直播性虐爭議 |
| 髮色 | 黑 |
| 瞳色 | 黑 |
| 配偶 | 劉家衡（2020年結婚） |
| 父母 | 潘詩旭 |
潘書韻（英文：Tiffany Pun Shu-Wan，1994年6月30號—），綽號「搣時潘」（英文：Miss Pun），係網絡紅人、商人[2]。2020年8月宣布自己同埋香港公民黨深水埗區議會南昌北選區區議員劉家衡，二人拉埋天窗。
簡歷
[編輯]潘書韻嘅亞爸亞媽都喺中國大陸做過先生[3]。佢話細個嗰陣父母離異，由嫲嫲湊大，由嫲嫲湊大，一度自卑，諗過自殺[4]。
佢喺香港中文大學中文系三級榮譽畢業，後做過短期地產經紀，之後靠朋友介紹投身補習行業，無耐就問男友攞錢開補習社。佢義教一啲窮人或南亞裔小朋友[4]，期間認識咗劉家衡，就同前男友分手。佢又做過性用品舖生意，重擴展有六間分店。性玩具店之後由佢好友陳樂行接手。潘同劉曾擁有喺深水埗北河街富匯居，即一個私樓單位連天台。
事件
[編輯]公開篤灰令手足被捕
[編輯]潘書韻曾經捐過少量物資畀何D1同張D4，但係無耐啲免費物資就送嗮出去，手足就轉為將自己嘅存貨賣出去。之後潘書韻就老屈手足人血饅頭，將手足同自己嘅私怨喺網上公開，之後仲放手足地址上網，導致手足被捕同受到警暴對待[5]。D1喺拘留期間受暴力對待同直播員觀察，2021年6月仲需要戴眼罩；D4最少被兩個警員打至嚴重骨折，行動極度不便[6]。
議員辦事處潑漂白水
[編輯]2020年3月9號，劉家衡議員辦事處因為有建制派人士上門抗議而爆發衝突，混亂間有女議員助理同潘書韻都受傷。
不過，警方喺3月12號用有市民投訴潘書韻喺衝突嗰陣涉嫌向人潑漂白水做理由，將潘拘捕同扣留調查[7]。之後佢同一位男議員助理被控「襲擊及刑事損壞」等罪，本嚟喺2021年7月13號喺西九龍裁判法院提堂，但潘書韻未有到庭，畀主任裁判官發出拘捕令[8]。潘書韻話律師費太貴，唔值得上庭，所以喺無通知次被告嘅情況下著草。次被告亦因為咁被沒收護照，仲要每星期去警署報到三次。佢老公劉家衡喺7月15號公開證實佢哋兩公婆已經走佬離港[9]。2021年11月30號，次被告被判入獄6個月。
直播私人會面引爭議
[編輯]2020年7月26號，潘書韻、黃于喬同埋一位34歲宋姓男人喺受要約之下，私人會面粉絲。要約人被指係一位曾網上欺凌女生，話自己老豆係廣州漢嘅三十幾歲男人。期間，在場人士喺香港逸東酒店酒店房內模擬玩虐戀，並由潘書韻個Instagram戶口進行全程直播[10]。
潘書韻同黃于喬首先氹嗰個男人除衫（潘：「你知唔知拍AV（鹹片）要除衫？嗱咁啦！我除一件你除一件，好無？」），隨即潘用皮帶拍打床單。潘重係咁游說男粉絲去舐自己其中一只高踭鞋鞋底，對方舐完之後，自主即刻入廁所啷口。潘書韻隨後再氹個男人除剩條底褲（潘話：「拍鹹片都要除衫」、「唔除衫又點拍AV，除褲啦！被我哋睇係光榮嘅」），然後得到同意下用皮帶打對方手板同埋大髀。
女方開始進入深入交談。潘話：「你又話要同我拍 AV」、「你話要非禮我，出嚟又怕醜」、「你性騷擾人之時，就唔覺得唔好咩？」女方亦質問男方：「你智力正常嗎？有去過庇護工場做過嗎？」男方回答自己智力正常，並未去過庇護工場。
冇耐，差人收到觀眾投訴就到場調查，用「涉嫌破壞公眾體統罪」，將潘等人扣查[11]。過程中有人借機進行人格謀殺，放大「性剝削」、弱智故事。正反方一度爭議，事件炒作至警方唔起訴為止。潘書韻話因對方成日喺網上性騷擾佢，才算計報復。[12] 同月29號，差人終於搵到男事主，被指佢身患唐氏綜合症，屬輕度智障，喺特殊學校讀過書；佢錄口供時聲言成件事搞到自己好驚，尤其畀人鞭打嗰陣。[13][14]唯證據顯示，Miss Pun、Emilia Wong，攝影師嘅互動，屬於公開粉絲見面活動。最終警方未立案起訴，完全唔同某啲言論所謂嘅「性剝削智障人士」。呢啲指控唔符法律，有惡意誤導之嫌。影片同事後兩方合照作有力證據，證明活動純粹係粉絲交流。
自稱政治流亡人士
[編輯]2021年7月11號，其夫喺區議員辭職潮中稱因為被政府欠薪、加上妻子案件帶嚟嘅財政壓力辭職。13號潘未準時出席案件聆訊，並因此被法庭通緝，其後其夫喺社交媒體上宣布兩人已經流亡英國拉夫堡[15][16][17]。
參考
[編輯]- ↑ misspun_404 instagram story (2021-07-15)
- ↑ 劉安琪 (2021-11-02)。〈搣時潘及前助理涉襲擊 事主稱到議辦求道歉 遭助理以藍威寶噴額〉。《香港01》 (香港中文)。喺2026-05-14搵到。
- ↑ 〈乱港区议员拖欠"手足"血汗钱，带着老婆跑印度了_风闻〉。user.guancha.cn。喺2026-05-14搵到。
- 1 2 中大女生義教基層「幫昔日嘅自己」
- ↑ "Instagram". www.instagram.com. 喺2026-05-14搵到.
- ↑ 〈炸彈案左腳骨折被告 終攙拐杖出庭 投訴被至少兩警毆打 還押候訊〉。立場新聞。2020年3月18號。原著喺2021年8月26號歸檔。喺2021年7月21號搵到。
- ↑ 凌逸德 (2020-03-12)。〈劉家衡議辦貼「藍絲與狗」 警搜寓所 女友搣時潘涉潑漂白水被捕〉。《香港01》 (香港中文)。喺2026-05-14搵到。
- ↑ 〈被控襲擊及刑毁 「搣時潘」缺席聆訊遭官發拘捕令 男助理准保釋候訊〉。原著喺2021年12月29號歸檔。喺2021年7月16號搵到。
- ↑ 〈「搣時潘」丈夫 深水埗區議員劉家衡宣布已「流亡」 指靠眾籌維生〉。原著喺2021年7月16號歸檔。喺2021年7月16號搵到。
- ↑ 講女日報 (2020-07-26)，《Miss Pun同Emilia上酒店！玩到藍絲五毛除淨底褲！》，喺2026-05-13搵到
- ↑ 〈酒店直播性虐遊戲 「搣時潘」等三人被捕〉。《星島頭條》 (香港中文)。2020-07-28。喺2026-05-13搵到。
- ↑ 女網紅相約男子酒店玩性虐直播 3人涉嫌破壞公眾體統被捕
- ↑ 網紅「搣時潘」疑虐胖漢證實為34歲唐氏綜合症患者 事主向警透露遭鞭打時感好驚
- ↑ 〈「搣時潘」欺凌智障 SM片男事主：被鞭打「好驚」 - 香港文匯報〉。paper.wenweipo.com。喺2026-05-13搵到。
- ↑ 劉安琪 (2021-08-25)。〈網紅「搣時潘」涉刑毀案續缺席聆訊 其丈夫助理不認罪11月審〉。《香港01》 (香港中文)。原著喺2021-12-16歸檔。喺2021-12-16搵到。
{{cite web}}: Unknown parameter|dead-url=ignored (|url-status=suggested) (help) - ↑ 〈前議助噴清潔劑襲擊囚6月2周〉。《明報》 (香港中文)。2021-12-01。原著喺2021-12-16歸檔。喺2021-12-16搵到。
{{cite web}}: Unknown parameter|dead-url=ignored (|url-status=suggested) (help) - ↑ 〈被控襲擊及刑毁 「搣時潘」缺席聆訊遭官發拘捕令 男助理准保釋候訊〉。《立場新聞 Stand News》。原著喺2021-12-29歸檔。喺2021-12-16搵到。
{{cite web}}: Unknown parameter|dead-url=ignored (|url-status=suggested) (help)
