火箭車
| 火箭車 | |
|---|---|
| ROAD FIGHTER | |
| File:ROAD FIGHTER.jpg | |
| 類型 | 動作、RPG |
| 平台 | Microsoft Windows、紅白機、MSX、街機、NS、PS4、i-appli、Wii U |
| 整 | 科樂美開發一課 |
| 發行 | |
| 系列 | 火箭車系列 |
| 模式 | 單人 |
| 發行日期 | 紅白機
MSX
i-appli
|
| 分級 |     |
火箭車（粵拼：fo2 zin3 ce1；英文：ROAD FIGHTER；日文：
發佈日期同對應平台
[編輯]| 對應平台 | 發佈日期 | 開發商 | 發行商 |
|---|---|---|---|
| 紅白機 | 科樂美開發二課 | 科樂美 | |
| MSX | 科樂美開發三課 | 科樂美 | |
| i-appli |
|
科樂美 | |
| Windows |
|
科樂美 | i-revo |
| Wii U |
|
科樂美 | |
| PlayStation 4 Nintendo Switch |
|
科樂美 | HAMSTER |
玩法同變遷史
[編輯]呢個遊戲嘅要求係賽車喺用嗮油之前，要到達終點或檢查站先至過關。若果關卡半佬唔夠10格油嘅，會有唔停響嘅警報聲，汽油系統會變成紅字；半佬冇嗮油嘅，會直接顯示「EMPTY」字樣而宣告GAME OVER。關卡數量方面，最初期出嘅紅白機淨得4關。其中第一關係住宅區、第二關係跨海大橋、第三關係海灘、第四關係山地道路，最後喺山地道路衝線之後先至宣佈全程比賽嘅終點。場上嘅車輛方面，有黃車、紅車同青車、大貨車之分，其中黃車係直線行，唔會做任何超車或胡亂轉線嘅動作；紅車係若果玩家行到埋嚟時，唔打轉向燈就直接做超車動作；青車係唔理玩家部車有冇行埋嚟都好，識得胡亂轉線甚至左右橫移，好似開鬥氣車噉；而大貨車一般喺關卡差唔多到終點時出現。廠商不過唔理玩家掂到乜細車都好，自己部車識跣埋一邊，若果撞正路邊嘅話識爆炸兼扣7格油，要撳跣埋一邊嘅相反方向掣先至得。若果直接撞到大貨車就直接爆炸兼扣7格油。場上有時出現嘅黑油漬，一旦玩家部車掂到，識跣埋一邊；若果掂到帶欄杆嘅黑油漬，識直接爆炸兼扣7格油。速度方面，若果低速加速，時速表最多去到198km/h；高速加速時最多去到400km/h。場上有時出現嘅彩色車，一旦掂到會有1000積分兼加7格油。若果喺前半段路程入面，部車喺全程高速情況下唔爆炸嘅話，屏幕左邊會有個超人從屏幕底部飛到上邊。後嚟去到MSX機時，雖然關卡內容冇變到，但畫面設計風格變咗好多。其中海灘同跨海大橋呢兩關嘅順序對調咗，海灘關嘅賽道亦從左邊變到右邊；而跨海大橋關入面，原先嘅黑油漬變成藍水漬；原先第四關嘅地圖兩邊啲巌變成森林；而關卡數量重設定咗第四關衝線之後未係結束，而係多咗兩關。其中第五關係斷崖海邊；第六關係雪地。最後要喺雪地道路衝線之後先至宣佈全程比賽嘅終點；原先嘅彩色車變成粉紅色帶B字嘅心形。不過喺MSX版冇咗超人從屏幕底部飛到上邊嘅效果，反而喺高難度關卡出現咗黑車，重喺關卡開始前出現地圖。直到2019年7月25號發佈咗嘅PS4版當中，雖然同以前嘅版本冇變，但係多咗揀難度，不過關卡要素同位置都改咗。關卡位置方面，其中海灘公路從第二關調到第四關，第六關變成農場道路，第二關變成郊野。其中第一關（住宅）條道路右邊多咗現場觀眾；喺關卡開始之前多咗倒數開始嘅指示燈；第三關（跨海大橋）兩邊嘅水面多咗輪渡；第四關（海灘）將賽道改返到紅白機版出現嘅左邊。雖然彩色車改成帶霓虹嘅動畫效果，但係獎勵積分降到得返300；而每關開始之前出現嘅地圖重多咗排行榜同平均速度嘅演示。而喺紅白機版出現嘅超人要素亦重新出現返，不過變咗喺屏幕中間位置從下到上嘅順序出現兼帶動畫效果，亦加咗戰鬥機喺屏幕中間位置從下到上嘅順序出現；喺第二關同第五關，若果自己部車速超過200km/h時，屏幕左邊會有高鐵列車（第二關）同運煤車（第五關）從下到上嘅順序出現。另外，喺關卡半佬重出現識跌罐頭嘅油罐車。而車速變成高低檔之分，粉紅字代表高檔，白字代表低檔。
不過呢個遊戲全程冇背景音樂，淨得賽車嘅發動機聲。
參考
[編輯]- ↑ Road Fighter，MobyGames