珠爾多河

	珠爾多河（ᠵᡠᡵᡠ; ᡩᠣᡤᠣᠨ; ᠪᡳᡵᠠ）
	珠嚕多觀河、朱魯多渾河
	河
	名來頭：滿洲意思係「雙渡口河」
國	中華人民共和國
省/州/邦	吉林省
	敦化市
區	額穆鎮
屬於	牡丹江
	支流
- 左邊支流	東北岔河、額穆索河
- 右面支流	意氣松河、威虎河
源頭	老爺嶺
- 位置	中國敦化額穆
- 座標	44°5′37.2″N 128°2′34.9″E / 44.093667°N 128.043028°E
河口	牡丹江
- 位置	中國敦化黑石鄉
- 座標	43°41′12.5″N 128°13′16.2″E / 43.686806°N 128.221167°E
長度	105千米（65哩，210里）
流域面積	1,750 km²（676 mi²）
流量
- 平均流量	25.62 m³/s（905 ft³/s）
	源頭、支流、河口等地理資訊可查。

呢版有滿文字母，部分作業系統、網頁瀏覽器需要特殊字母或符號嘅支援先睇到，否則可能出現未成連字嘅字母或其他符號。

43°41′12.5″N 128°13′16.2″E / 43.686806°N 128.221167°E

珠爾多河（粵拼：zyu1 ji5 do1 ho4；滿文：ᠵᡠᡵᡠ
ᡩᠣᡤᠣᠨ
ᠪᡳᡵᠠ，穆麟德：Juru Dogon Bira^{[註 1]}，義「孖埗」^[2]；普通話拼音：Zhū'ěrduō Hé；中國朝鮮文：주이다 하／珠爾多河^{Juida Ha}^{[註 2]}），係位於中國東北吉林嘅河，全域喺延邊朝鮮族自治州嘅敦化市。

地理

珠爾多河發源喺額穆北部嘅老爺嶺南麓，嗰度埋近吉林同黑龍江嘅省界，係張廣才嶺嘅西南部，越過山就係黑龍江省嘅海林同五常^[3]。條河先係向西南，然後轉東南，再向南偏西，喺珠爾多河村南邊匯入右岸嘅意氣松河，然後轉向東南，喺額穆鎮墟嘅南邊匯入左岸嘅額穆索河，又喺東南部匯入右岸嘅威虎河，然後東偏南噉流到丹北村嘅西北面，喺嗰度南流注入牡丹江，河口喺黑石鄉嘅丹南村西部；佢係牡丹江嘅左岸支流^[3]。

條河長105公里^[3]，又話係長80.1公里^[4]，流域面積1750平方公里，平均比降3%，年均流量8.08億立方米，按每秒計嘅流量有25.62立方米^[4]。

珠爾多河嘅流域多數係黃泥河國家級自然保護區，保存住完整嘅原生植被、以及豐富嘅生物羣落^[4]。清代時，吉林貢納畀清室嘅貢品多數由呢度額穆索羅嘅打牲烏拉採集。除咗自然保護區，條河嘅下游臨近河口一帶嘅平原如今都開拓成耕地^[4]。

名

呢度係牡丹江流域嘅一部分，個流域作爲滿洲族嘅祖地，好多地名其實係滿文名。珠爾多河嘅滿文全名叫ᠵᡠᡵᡠ
ᡩᠣᡤᠣᠨ
ᠪᡳᡵᠠ（Juru Dogon Bira），ᠵᡠᡵᡠ（juru）意思係「雙」，ᡩᠣᡤᠣᠨ（dogon）意思係「渡口」，ᠪᡳᡵᠠ（bira）意思係「河」^[2]，合埋意思就係「孖渡河」^{[註 1]}。

漢文記載中，有多種滿洲轉音名^[3]：《欽定盛京通志》寫珠嚕多觀河zyu1 lou1 do1 gun1 ho4，《盛京、吉林、黑龍江等處標記戰績輿圖》寫珠嚕多歡河zyu1 lou1 do1 fun1 ho4，《水道提綱》寫朱魯多渾河zyu1 lou5 do1 wan6 ho4，《吉林誌略》寫諸路多渾河zyu1 lou6 do1 wan6 ho4，《吉林通志》記珠魯多琿河zyu1 lou5 do1 wan4 ho4（又寫朱魯多觀、朱爾多轟、朱爾多河），《吉林省分圖》寫朱爾德河（zyu1 ji5 dak1 ho4），《柳邊紀略》寫朱侖多河（zyu1 leon4 do1 ho4）。中國大陸喺1981年地名普查時確定「珠爾多河」係標準地名^[5]。而珠爾多河村嘅村名就出自佢喺呢條河嘅河邊^[5]。

條河因爲全域都喺朝鮮族自治地方，所以有中國朝鮮文官名：주이다 하^{[註 2]}。

註

↑ ^1.0 ^1.1 呢個係佢嘅原本全名，按照現代地名嘅讀音，可以寫成ᠵᡠᡵᡩᠣ
ᠪᡳᡵᠠ（Jurdo Bira）。
↑ ^2.0 ^2.1 中國朝鮮文對於中國漢化地區嘅地名一律按照朝鮮漢字音拼寫，而南韓對中國漢化地區地名就按普通話發音拼寫。所以喺南韓會寫成주얼둬 하（Jueoldwo Ha）。呢個名本來係滿文名，若按滿文全名拼寫，會係주루 도곤 하（Juru Dogon Ha），而現時縮略名可以寫成주르도 하（Jureudo Ha），但喺滿洲語文瀕危嘅今日，呢種寫法好罕見。

攷

↑ 天地圖互聯網檔案館嘅歸檔，歸檔日期2019年6月24號，.，中華人民共和國國家測繪局
↑ ^2.0 ^2.1 栗林均、呼日勒巴特爾（合編）。《《御製滿珠蒙古漢字三合切音清文鑑》（排印本）》。日本東北大學東北亞研究中心。
↑ ^3.0 ^3.1 ^3.2 ^3.3 王岸英 (2008年)。〈《牡丹江流域滿語地名之翻譯考證》〉 (PDF)。《民族翻譯》。民族語文翻譯局。68 (1)。原著 (PDF)喺2019年6月29號歸檔。喺2019年6月29號搵到。
↑ ^4.0 ^4.1 ^4.2 ^4.3 中國河湖大典編纂委員會 (2014年)。《《中國河湖大典·黑龍江、遼河卷》》。北京：中國水利水電出版社。頁 180。ISBN 978-7-5170-1950-3。
↑ ^5.0 ^5.1 中國國家地名信息庫互聯網檔案館嘅歸檔，歸檔日期2019年5月14號，.，中華人民共和國中央人民政府民政部區劃地名司

[滿文-2] 1.0 ^1.1 呢個係佢嘅原本全名，按照現代地名嘅讀音，可以寫成ᠵᡠᡵᡩᠣ
ᠪᡳᡵᠠ（Jurdo Bira）。

[朝鮮文-4] 2.0 ^2.1 中國朝鮮文對於中國漢化地區嘅地名一律按照朝鮮漢字音拼寫，而南韓對中國漢化地區地名就按普通話發音拼寫。所以喺南韓會寫成주얼둬 하（Jueoldwo Ha）。呢個名本來係滿文名，若按滿文全名拼寫，會係주루 도곤 하（Juru Dogon Ha），而現時縮略名可以寫成주르도 하（Jureudo Ha），但喺滿洲語文瀕危嘅今日，呢種寫法好罕見。

[1] 天地圖互聯網檔案館嘅歸檔，歸檔日期2019年6月24號，.，中華人民共和國國家測繪局

[清文鑑-3] 2.0 ^2.1 栗林均、呼日勒巴特爾（合編）。《《御製滿珠蒙古漢字三合切音清文鑑》（排印本）》。日本東北大學東北亞研究中心。

[民族翻譯-5] 3.0 ^3.1 ^3.2 ^3.3 王岸英 (2008年)。〈《牡丹江流域滿語地名之翻譯考證》〉 (PDF)。《民族翻譯》。民族語文翻譯局。68 (1)。原著 (PDF)喺2019年6月29號歸檔。喺2019年6月29號搵到。

[河湖大典-6] 4.0 ^4.1 ^4.2 ^4.3 中國河湖大典編纂委員會 (2014年)。《《中國河湖大典·黑龍江、遼河卷》》。北京：中國水利水電出版社。頁 180。ISBN 978-7-5170-1950-3。

[信息庫-7] 5.0 ^5.1 中國國家地名信息庫互聯網檔案館嘅歸檔，歸檔日期2019年5月14號，.，中華人民共和國中央人民政府民政部區劃地名司

[1]

[註 1]

[2]

[註 2]

[3]

[4]

[5]