當地人

出自維基百科,自由嘅百科全書
 呢篇文講嘅唔係本地

當地人,又叫地頭蟲本地人,係喺一笪地方開嘅人,同由外地搬過嚟人相對。當地人好熟悉自己地頭嘅語言、文化同風俗,外嚟人就需要一段時間適應同融合。

香港[編輯]

睇埋:香港歷史新界原居民同埋香港新移民

香港係一個「移民城市」,最早居民係越人金朝元朝嘅時候,漢人嘅難民大量南逃,而香港就係其中一站。香港嘅新界五大氏族——侯、鄧、廖、文、彭,都係當年南宋難民嘅後代。其他本地人就係唔同時期嚟到香港嘅漢族移民,好多係廣東四邑籍人

第二次世界大戰期間嘅日佔時期,大量嘅香港人因爲餓死咗或者逃亡離港,人口由1941年嘅大約160萬,大跌倒1945年嘅60萬。

二戰完咗之後香港重光,跟住冇耐大陸就出現國共內戰,4年之後中國共產黨更加建立咗中華人民共和國,令到大量嘅中國大陸難民湧入香港,香港人口喺兩年之間急增3倍,到只係1947年,香港就已經有大約180萬人。

1961年,香港第一次進行大規模嘅香港人口普查,數據顯示香港有320萬人口,而其中有一半都係喺內地出世,。根據每個年齡組別嘅比例推算,當時有接近8成人口,都係內地移民或者內地移民嘅第二代(即係父母至少一個係內地移民)。

1970年之後,中國經歷三反五反運動大躍進三年大饑荒上山下鄉運動文化大革命等等嘅事件,再次令到大批嘅內地難民偷渡去香港[1]

港英政府因爲偷渡人數太多,所以決定實施抵壘政策。但係到70年代尾,雖然非法進入香港邊境嘅內地逃港人士仍然會被遣返,但係仍然有好多人成功進入咗九龍半島,並且攞到香港身份,令到香港人口再次壓力倍增。港府喺1980年通過法例決定改爲實施「即捕即解政策」。1982年港英政府同大陸政府達成協議,決定由內地嚟香港嘅定居者,一定要有中國政府簽發嘅「單程證」,配額係每日75個,而後期1995年之後加到150個[2]

[編輯]

  1. . 原先內容歸檔喺2019-05-15. 喺2019-05-15搵到.
  2.  . 香港01. 2017-12-01. 原先內容歸檔喺2019-05-15. 喺2019-05-15搵到.