花浪蛇

花浪蛇，又叫草腹鏈蛇（學名：Amphiesma stolata） 。黃頷蛇科，腹鏈蛇屬、好溫馴。中意多水平原或者山仔。

習性

依種蛇好溫馴。卵生。 鍾意棲息水源充足，低地平原或者丘陵地帶。 主要日間活動，但假如有好多食物可捉，都會喺夜間捕食。 佢捕食蟾蜍、青蛙、魚維生，有時捉埋蚯蚓同、壁虎。蛇乸一藪卵生四到十六粒，卵長兩公分半左近，闊就一公分 。花浪蛇性格溫和，通常唔點攻擊螫咬。

身體

身長九十厘米，灰色為主，前段有明顯黑色橫帶，背部兩側有唔明顯黃色縱帶，同黑色橫帶構成好似鐵軌咁，兩色帶交會地方有白色斑點，後段有黑色橫帶唔明顯，而黃色縱帶變明顯，腹部鮮白色。通常紅頭雄性，灰頭雌性。

分佈

分佈喺臺灣、巴基斯坦、印度、斯里蘭卡、尼泊爾、緬甸、泰國、越南、柬埔寨、寮國等中南半島各國，同埋中國南部好似浙江、安徽、江西、河南、福建、湖南、香港、廣東、海南、廣西、貴州同雲南等地。

文化

花浪蛇喺台灣人叫做土地公蛇。覺得係土地公仔女化身。

攷

花浪蛇https://web.archive.org/web/20110630225155/http://www.snakesoftaiwan.com/Amphiesma%20stolatum/species_amphiesma_stolatum_ch.htm