訴諸權威（Argument from authority或Appeal to authority）係一種邏輯謬論，即係話以專家或者一啲權威人士作為支持論據嘅理由。舉個例，有人搵咗個好出名嘅法律專家，去同自己嘅健康飲品賣廣告，話：「你睇，連專家都飲，証明我哋隻飲品係好健康」法律專家同健康飲品跟本就扯唔上關係，只係話某個權威聲稱，唔等如呢個聲稱係啱。所以如果只係單憑一個人好出名或者專家身份而作為支持論據嘅理由，而背後又無同論據相關嘅原因，咁就為之訴諸權威。
