豬扒包
 |
豬扒包係個麵包包著塊炸豬扒。豬扒包係小食，係個搽咗牛油嘅包（通常用豬仔包）夾塊豬扒。豬扒通常係煎或者炸熟，亦有用水灼後再煎熟。而家香港唔少茶餐廳都有豬扒包賣。
澳門豬扒包[編輯]
豬扒包比較出名嘅係澳門，原因係澳門旅遊業借助豬扒包做噱頭，大賣旅遊廣告吸引香港人，話去澳門旅行一定要食「正宗澳門豬扒包」。而有啲旅遊書都話氹仔大利來記豬扒包最出名。重話每日下晝3點鐘限量出爐。唔少新去旅行嘅香港人貪新奇，會一早喺舖頭前面打蛇餅等買大利來豬扒包；每當假期同埋旅遊旺季，大利來豬扒包好快賣晒。不過當地澳門人同埋成日去澳門嘅香港客，就一定唔會得閒再去排隊。
後來呢隻豬扒包傳咗去香港，所以豬扒包喺香港都幾出名。