逾越節（粵拼：jyu4 jyut6 zit3，英文：Passover）係猶太教嘅節日，係紀念上帝拯救以色列人，令佢哋脫離埃及人嘅奴役並且獲得自由。
根據《出埃及記》記載，法老好心硬，耶和華之前用咗九種災害對付佢哋，法老仍然堅持唔肯俾以色列人離開埃及地，仍然要佢哋做奴隸，直至耶和華降下第十災，喺一夜之間將埃及地裏面所有長子同頭生嘅牲畜都擊殺，法老先至肯俾以色列民離開。喺擊殺長子嘅前一日，上帝嘅子民就按照吩咐，將羊羔嘅血揸喺門框同門楣上面做記號，當使者見到門楣上面有羊血嘅，就唔會擊殺呢間屋裏面嘅人。
