開心樂園餐

餐附玩具包裝盒

開心樂園餐，麥當勞產品之一，實情兒童餐，細份嘢食，再包埋嘢玩仔咁，裝成一盒。畀細蚊食，啲嘢食份量細。有時唔裝嘢玩，裝書都有。開心樂園餐為香港叫法 ，各地都取自英文Happy Meal，意謂開心餐咁，而各自變名。臺灣咁，就叫快樂兒童餐。

盒咭紙做，多數屋形，無特別款式，會印當地開心樂園餐名，黃色笑面，頂頭公司嘜頭做手挽。

嘢玩，除咗麥當勞自己嘢，通常植入廣告咁。當時流行電視片集、電影、新玩具系列，會成為餐主題，咁當然要老少咸宜為多。

講佢起源，出自中美洲危地馬拉。一九七四，夫婦買咗當地經營權。之後搞咗朗奴餐，以麥當勞叔叔名而名。亞媽喺餐廳嗰陣，用個餐𠱁細蚊食嘢。餐有細漢堡包、細薯條、細雪糕新地，另加嘢玩仔。後尾得美國總公司留意，一九七九年就推出開心餐，自始推行世界。

嘢食品種，並無一定，有跟原餐嘅。唔同原餐，就改成三文治、意大利粉、蘋菓、粟米、沙律、牛奶、菓汁、汽水等，不一而足，今下多數有得㨂，唔固定。有啲基於生意方針，有啲基於法例要求。世界各地，地地法例都時時變，尤其同細蚊相關，開心樂園餐都要變通。怕細路肥又有，唔畀嘢食嘢玩夾埋一齊賣又有。