阮文雄

出自維基百科,自由嘅百科全書
跳去: 定向搵嘢
阮文雄

阮文雄越南文Nguyễn Văn Hùng英文Peter Nguyen1958年11月21號—)係位活躍喺中華民國台灣澳洲越南天主教神父同人權活動家,美國國務院叫佢做「結束今日奴隸制嘅英雄」[1][2][3]

阮文雄喺越南共和國柴棍郊外大,屋企屬中下階層,有兩兄弟同五姊妹。老竇係漁夫,最後因長期病去世。而佢老母係位越南北部虔誠嘅天主教徒,老竇死咗之後,成為家中生計就主要靠老母。阮文雄跟老母信天主敎,從早年起就致力於幫助不幸者;佢學聖方濟各,偷屋企嘢食接濟窮人。

1979年,佢搭隻擁擠細船離開越南;36小時後俾一隻掛挪威國旗嘅船救起,送咗去日本,佢加入聖高隆龐外方傳教會[4]。喺日本嘅聯合國難民營住咗3年,做過唔同嘅嘢,包括公路修理工、鋼鐵廠工人同挖墓人,賺得學費讀書[5]

1988年,去台灣傳教,喺澳洲悉尼一間神學院讀書。1991年,祝聖成為神父[2][4]。1992年,再返到台灣[5]

2003年10月,佢喺桃園縣成立越南外勞配偶辦公室,為在台越南人提供援助。美國越南裔廣播電台小柴棍電台幫佢租到一間幼稚園二樓,兩間70平方英尺嘅房嚟瞓,另外兩間房攞嚟辦公[6]。越南外勞配偶辦公室提供語言課程、食宿,以及法律援助。佢揭露對外籍勞工外籍配偶嘅虐待情況,令到美國國務院將中華民國台灣列為第二類觀察名單國家(唔多做反人口販賣嘅嘢),搞到中華民國政府喺國際間幾尷尬,令佢受到威脅,夜晚唔出街[4]。佢話,雖然台灣人友善,但係階級觀念重,將外籍勞工同外籍配偶視為「僕人」,虐待佢哋。

工作之餘,佢鍾意彈結他同畫中國畫。佢阿媽住喺悉尼[4]

[編輯]

出面網頁[編輯]