隱門
| 隱門 Secret Door | |
|---|---|
| 類型 | 時裝、懸疑、暗黑、人性 |
| 編劇 | 黃浩然、何珮中、陳穎新、曾 漢、 翁善瑩、陳曼湘、曾保華 |
| 編導 | 林瑋澄、黎栢堅、張家能、陳筱玲、 潘逸豪、黃思遠 |
| 助理編導 | 潘逸豪、杜詩敏、姚芷君、鄺可琪、 蔡恩翹、黃珮琪 |
| 主演 | 陳展鵬、黃智雯、湯洛雯、吳岱融、 劉佩玥、阮浩棕、盧宛茵、魯振順、 黃子恆、張國強、韓馬利、徐 榮、 杜燕歌、胡 㻗、袁鎮業、張翼東 |
| 集數 | 25 |
| 主題曲 | 暗房 |
| 作曲 | 劉易昇 |
| 填詞 | 張美賢 |
| 主唱 | 陳展鵬、谷婭溦 |
| 製作 | |
| 拍攝／製作年份 | 2021年11月 — 2022年2月、2022年4月 — 6月 |
| 製作統籌 | 陳健珊 |
| 監製 | 王心慰 |
| 編審 | 翁善瑩 |
| 拍攝地 |  香港 |
| 製作公司 | 香港電視廣播有限公司 |
| 無綫電視翡翠台首播 | |
| 播出日期 | 2023年5月29號 — 6月30號 |
| 播出時間 | 逢星期一到五 20:30 — 21:30 |
| 出面網頁 | |
| 官方網站 | |
《隱門》（英文：Secret Door）係香港無綫電視製作嘅時裝懸疑電視劇，由陳展鵬、黃智雯同湯洛雯領銜主演，並由吳岱融、劉佩玥、阮浩棕、盧宛茵、魯振順、黃子恆同張國強聯合演出，編審翁善瑩，監製王心慰[1][2][3]。
呢套劇喺2021月11月18號舉行開鏡兼造型記者會[4]，喺同年12月21號舉行拜神儀式[5]。
2022年2月7號，呢套劇嘅劇組有一個外判女道具工作人員確診新冠肺炎，劇組所有演員同工作人員都已經做咗快速測試，結果全部係陰性。監製王心慰話由2月9號起停拍外景，停到幾時要睇返疫情同確診數字。[6][7]
2022年2月22號，女主角黃智雯上大陸拍電視劇《隱娘》，會喺6月返嚟香港後補拍剩低嘅戲份。[8][9][10]
2022年2月24號，因為電視城多人確診新冠肺炎，TVB宣布由即日起到2月28號暫停所有劇集拍攝。[11]3月1號，TVB宣布所有劇集拍攝會繼續暫停。4月27號劇組復工。6月1號，黃智雯返到香港補拍剩低嘅戲分。6月16號廠景煞青，6月29號全劇煞青。[12]
故事大綱
[編輯]莊子喬（陳展鵬飾）同張心月（黃智雯飾）係兒時朋友，因為佢哋爸爸犯咗法，佢哋走上截然唔同嘅道路。月喺爸爸入獄之後改名換姓，希望重過新生，就算結婚生女，都絕口唔提自己嘅過去。喬就當爸爸做反面教材，發誓唔會重蹈上一代嘅覆轍，選擇咗保險調查員呢個職業。
兩個人好耐無見，因為一份一千萬嘅人壽保險而重遇。月嘅老公殷昊然（黃子恆飾）意外死咗，然喺幾個月之前增加保額，而意外發生前又知道咗月嘅身世，令喬懷疑呢單唔係一單意外……然嘅媽媽亦懷疑月，所以搵女警楊忻曉（湯洛雯飾）幫手，曉揭發月同喬嘅身世，原來曉係當年案件嘅其中一個受害者。呢個時候，另一單死亡事件發生……
錯誤雖然發生，但只要搵到隱門，就一定有出路。[13]
演員表
[編輯]鄧家
[編輯]| 演員 | 角色 | 暱稱／關係 |
| 魯振順 | 鄧承謙 | 謙哥 找換店職員 為人老實 鄧希宜嘅爸爸 莊子喬嘅養父 |
| 吳香倫 | 鄧承謙嘅老婆 鄧希宜嘅媽媽 莊子喬嘅養母 已經過咗身 | |
| 方哲翷(童年) | 莊子喬 | Ray、阿喬、Ray 叔叔（殷梓晴專稱） 首席保險調查員 細心𧫴慎 爸爸喺九十年代同葉嘯天打劫金舖而無命，之後住喺孤兒院，仲喺孤兒院被人欺凌 鄧承謙嘅養子 鄧希宜無血緣關係嘅哥哥 張心月嘅好朋友，成日幫佢同保護佢 被楊忻曉調查同針對，開頭同佢不和，之後同佢係歡喜冤家 葉嘯天嘅死敵 |
| 陳展鵬 | ||
| 劉佩玥 | 鄧希宜 | Hailey、阿宜 美術指導 鄧承謙嘅女 莊子喬無血緣關係嘅細妹 |
葉家／張家
[編輯]| 演員 | 角色 | 暱稱／關係 |
| 吳岱融 | 葉嘯天 | 喪天、天哥 賊王，喺九十年代因為打劫金舖而坐咗三十年監 性格喜怒無常，兇殘暴力，為咗錢咩都做得出 張麗芳嘅老公 張心月嘅爸爸，喺佢細個時曾經虐待佢同迫佢接賊贓 張逸風嘅爸爸 殷昊然嘅岳父 殷梓晴嘅公公 莊子喬嘅死敵 被楊忻曉調查同針對 一放監就搵個女同問佢攞錢，如果佢拒絕就會打佢 角色影射葉繼歡[14]同埋「雙鎗王」潘鑾彬 |
| 區靄玲 | 張麗芳 | 原名張淑清 葉嘯天嘅老婆 張心月、張逸風嘅媽媽 殷昊然嘅岳母 楊可瑩嘅婆婆 喺老公坐監之後改名同帶住仔女離開 已經過咗身 |
| 鍾嘉佑(童年) | 張心月 | Luna 原名葉敏敏 全職媽媽 表面柔弱，但係內心有陰暗面 葉嘯天嘅女，細個嗰陣曾經被佢虐待同被迫接賊贓，對佢又怕又恨 張麗芳嘅女 張逸風嘅家姐 殷昊然嘅老婆 殷梓晴嘅媽媽 朱美琳嘅新抱 莊子喬嘅好朋友，成日受佢幫助同保護 被楊忻曉調查同針對 喺爸爸坐監之後改名換姓，一直隱瞞自己嘅身世 因為成日被爸爸及奶奶欺壓，令到佢嘅生活好大壓力，加上喺老公死咗之後成日見到佢嘅幻覺，令到佢精神壓力好大 |
| 黃智雯 | ||
| 阮浩棕 | 張逸風 | Ethan、阿風 電影製作公司合伙人之一 性格暖男 葉嘯天、張麗芳嘅仔 張心月嘅細佬，好保護家姐 殷昊然嘅舅仔 殷梓晴嘅舅父 |
殷家
[編輯]| 演員 | 角色 | 暱稱／關係 |
| 盧宛茵 | 朱美琳 | 殷老太、老虔婆（葉嘯天專稱） 富太 為人刻薄 殷昊然嘅媽媽 張心月嘅奶奶，成日為難佢 殷梓晴嘅嫲嫲 程鳳貴嘅好朋友 |
| 黃子恆 | 殷昊然 | Mike 遊艇公司老闆 性格自私多疑 朱美琳嘅仔 張心月嘅老公 殷梓晴嘅爸爸 張逸風嘅姐夫 葉嘯天、張麗芳嘅女婿 |
| 黃智雯 | 張心月 | Luna 全職媽媽 殷昊然嘅老婆 殷梓晴嘅媽媽 朱美琳嘅新抱，成日被佢為難 因為成日被爸爸及奶奶欺壓，令到佢嘅生活好大壓力，加上喺老公死咗之後成日見到佢嘅幻覺，令到佢精神壓力好大 睇葉家／張家 |
| 楊可瑩（童年） | 殷梓晴 | 晴晴 十歲 殷昊然、張心月嘅女 朱美琳嘅孫女 張逸風嘅外甥女 葉嘯天、張麗芳嘅外孫女 |
| 葉蒨文（成年，第25集) |
楊家
[編輯]| 演員 | 角色 | 暱稱／關係 |
| 張國強 | 楊志強 | 強伯 有老人癡呆症 住喺安老院 曾倩儀嘅老公 楊忻曉嘅爸爸 |
| 李君妍 | 曾倩儀 | 前警察 楊志強嘅老婆 楊忻曉嘅媽媽 高文治嘅前下屬 九十年代持槍打劫金舖案嘅死者 |
| 周穎彤（童年） | 楊忻曉 | Dawn 警長 性格執着 楊志強、曾倩儀嘅女 |
| 湯洛雯 |
新界東刑事調查第一隊
[編輯]| 演員 | 角色 | 暱稱／關係 |
| 吳瑞庭 | 高文治 | 高Sir、Uncle Sandwich 高級警司 成漢、楊忻曉嘅上司，並痛惜楊忻曉 曾倩儀嘅前上司 葉嘯天嘅死敵 |
| 梁皓楷 | 成 漢 | 醒Sir 楊忻曉嘅上司 |
| 湯洛雯 | 楊忻曉 | Madam Yeung、Dawn 警長 成漢嘅下屬 甘小新嘅前女友 調查同針對莊子喬、張心月同葉嘯天 開頭同莊子喬不和，之後同佢係歡喜冤家 睇楊家 |
| 袁鎮業 | 甘小新 | 小新 警察 楊忻曉嘅前男友兼下屬 |
| 孟希璘 | 關家寶 | 警員 楊忻曉嘅下屬 |
| 吳天佑 | 程有全 | |
| 葉曉陽 | 傅 棠 |
安恪保險公司
[編輯]| 演員 | 角色 | 暱稱／關係 |
| 區軒瑋 | 許啟明 | KM 保險公司老闆 莊子喬嘅上司 |
| 陳展鵬 | 莊子喬 | Ray 首席保險調查員 有「保險界柯南」之稱 睇鄧家／莊家 |
| 莊思明 | 周詩雅 | Rebecca 首席保險調查員 莊子喬嘅同事兼競爭對手 |
| 莫家淦 | 李浩揚 | Martin 保險調查員 莊子喬嘅同事 |
| 劉芷玲 | 莫凱婷 | 保險公司職員 |
電影製作公司
[編輯]| 演員 | 角色 | 暱稱／關係 |
| 阮浩棕 | 張逸風 | Ethan 合伙人之一 同鄧希宜有感情線 睇葉家／張家 |
| 胡 㻗 | 關敬斌 | Ben 合伙人之一 |
| 張翼東 | 丁子力 | Alex 合伙人之一 渣男 鄧希宜嘅男朋友，之後分手 |
| 劉佩玥 | 鄧希宜 | Hailey 美術指導 丁子力嘅女朋友，之後分手 同張逸風有感情線 睇鄧家 |
其他演員
[編輯]| 演員 | 角色 | 暱稱／關係 |
| 韓馬利 | 彭蘇菲 | 莊振南嘅前妻 莊子喬嘅媽媽，喺30年前拋棄佢 |
| 徐 榮 | 莊振南 | 莊子喬嘅爸爸 彭蘇菲嘅前夫 葉嘯天嘅手下，喺九十年代曾經打劫金舖，最後中槍失血過多死咗 |
| 杜燕歌 | 胡福文 | 葉嘯天嘅同黨 |
| 程可為 | 程鳳貴 | 朱美琳嘅好朋友 |
| 譚偉權 | 錢 七 | 葉嘯天嘅手下 |
攷
[編輯]- ↑ 〈隱門丨黃智雯首次與陳展鵬合作 預告有道德觀念嘅挑戰〉。hk01。2021-11-18。喺2021-11-20搵到。
- ↑ 〈隱門｜黃智雯睇劇本搞到失眠 慘被兇殘阿爸掌摑〉。《頭條日報》。2021-11-18。喺2021-11-18搵到。
- ↑ 〈湯洛雯處女揸槍 寧被人打莫我打人〉。on.cc。2021-11-18。喺2021-11-18搵到。
- ↑ 〈《隱門》新鮮配搭 奇情再現〉。TVB Weekly。2021-11-22。喺2021-11-22搵到。
- ↑ 〈《隱門》黃智雯工作中度生日〉。TVB Weekly。2021-12-22。喺2022-01-14搵到。
- ↑ 〈陳展鵬曾跟TVB確診工作人員開工兩日 憂成帶菌者立即做檢測〉。《星島》。2022-02-07。喺2022-02-08搵到。
- ↑ 〈全城關注︱新劇《隱門》幕後確診 陳展鵬黃智雯日日檢測〉。《東網》。2022-02-07。喺2022-02-08搵到。
- ↑ 〈陳展鵬戥拍檔開心 唔介意補拍〉。《東方日報》。2022-02-22。喺2022-02-22搵到。
- ↑ 〈隱娘｜黃智雯執二攤事件另有內情 高海寧其實從來冇份？〉。hk01。2022-02-24。喺2022-02-24搵到。
- ↑ 〈戚其義點名演出！黃智雯以最佳狀態「出戰」內地劇〉。《東網》。2022-03-11。喺2022-03-13搵到。
- ↑ 〈電視城多人確診 無綫所有劇組全面停工〉。《東網》。2022-02-24。喺2022-02-24搵到。
- ↑ 〈隱門丨黃智雯開工Chill有度假Feel 不熟水性照落水拍好專業〉。《頭條日報》。2022-06-29。喺2022-06-29搵到。
- ↑
- ↑ 〈隱門｜62歲吳岱融做賊王挨打跌落懸崖：佢哋真係好睇得起我〉。hk01。2022-01-15。喺2022-01-30搵到。
前後節目
[編輯]| 香港無綫電視翡翠台 禮拜一至五 20:30-21:30 第一線劇集 | ||
|---|---|---|
| 上個節目 | 隱門 （2023年5月29號－6月30號） | 下個節目 |
| 川內相親 （2023年4月17號－5月26號） | 靈戲逼人 （2023年7月3號－7月28號） | |